12 Onyẹ-ẹti, eje-ịhịan — ịya a ghahunmẹ, e kusọnmẹ eje-ihiẹn;
O gi ihiẹn rị a gụnn'a a nyan isi; o kuyeni onyẹ ẹnya-uku, a kpọlịa Osolobuẹ.
Ihiẹn jun ẹ ọnụ wụ ịkpọ-iyi, lẹ ntụ lẹ irọn-egun, o gi ire ẹ e mẹ oku, e ku eje-oku.
Anịkọ m wẹ mẹ ihiẹn ọwụlẹ rịlẹni mma ihun m; obibi ndị rị a gbakitọ Osolobuẹ azụụn e ze m ize; onwọnni ihiẹn m gi wẹ e mẹ.
Eje-oku lẹ ntụ jun ẹ ọnụ; ọ marịnzị ihiẹn rị mma; a ra mẹzi ihiẹn rị mma.
Lee ihiẹn rị a gha wẹ ọnụ a pụha! Ọpịa-agha tụ nkọ rị wẹ ọnụ! Wẹ hụ a sị enwẹn wẹ, “Onwọnni onyẹ k'a nụ ihiẹn ẹnyi rị e ku!”
Ọnụ ndị ezi-omumẹ amarịnghọ ihiẹn furu w'e ku, kanị ihiẹn furulẹni sụọ kẹ ire ndị eje-omumẹ ma ku.
Ezi-omumẹ ndị ezioku a zụọpụha wẹ, kanị ihiẹn hụn a la onyẹ ihunnaị ẹnya a nwụndọn ẹ kẹ ọnyan.
Eje-ịhịan a chọ ịhịan njọ, ọnụ oku ẹ e rẹn kẹ ọkụn.
Onyẹ hụn e gbu ikpu-ẹnya rị a chọ n'o mẹ ihiẹn rịlẹni mma; onyẹ hụn tụtụma ọnụ a kwademẹgụọ n'o mẹ eje-ihiẹn.
Onyẹ eje-omumẹ e gọn ndị e ku eje-ihiẹn ntịn, onyẹ-ntụ e gi oku onyẹ e kuja oku ịhịan e dọn.
Amamihiẹn k'e mẹ i wanahịn eje-obibi, obibi ndị oku-ọnụ wẹ zinlẹni —
makẹni ize kẹ onyẹ ghẹrẹ-ghẹrẹ-ghẹrẹ e zedẹ Osolobuẹ, kanị nke onyẹ e dọnmẹ ẹka a ọchan, Osolobuẹ a gwad'a uche ẹ.
Wepụ eje-oku ọnụ ị; wepụ oku rụnị ụgb'ọnụ ị.
o rotọsọnmẹ eje-ihiẹn yeni eje-ihiẹn rị a obi — e sesọnmẹ ikpe.
Ịtụ-egun Osolobuẹ wụ ize-ize eje-ihiẹn; ize mpache lẹ nhọnrọn e ze m e ze, uwẹ lẹ eje-omumẹ lẹ oku rụnị.
Figi rịgbu enwẹn ẹ mma chan nke ọhụn rị imẹ ụkpalị ohu; kanị figi rehigụnị jẹnkọlẹni d'a nị ri rị imẹ ụkpalị hụn-ẹbọ.
Igunrun agwọ! Nanị ụnụ a dọn ku ihiẹn rị mma ebe ụnụ wụ ndị-njọ? Ihiẹn jun ịhịan obi ya kẹ ọnụ a e ku.
Ụfọdụ imẹ ụnụ jẹnkọ d'a fịma ezioku kẹni wẹ dọrị ndị nsọnmazụụn Jizọsị.
Wezụkadẹ ọhụn, o ru a mụnrụn wẹ ẹka-nkụtọpụ, a gha ụlọ-ụlọ. Ẹlẹdẹ ẹka-nkụtọpụ sụọ, a sị sị-sị-sị, rụnkọ ọrụn wẹ zilẹni wẹ, kukọ oku rulẹni wẹ.
Wepụ nị nwan ihiẹn ile ru unyin lẹ eje-ihiẹn ile ụnụ rị e gi e mẹkarị enwẹn ụnụ; ụnụ e welụa enwẹn ụnụ alị nabanhan oku Osolobuẹ wẹ kụnye imẹ obi ụnụ, hụn k'a saẹka zụọpụha umẹ-ndụn ụnụ.
Ire wụ ọkụn nke-esi. Ọ nọhụ kẹ ebe wẹ nọ bu njọ han kẹ ụwa ile che ẹnyi ẹhụ! O ruchanrịn ẹhụ ile unyin! Ọ dụnkwama ndụn ịhịan ọkụn. Ọkụn ire gi a dụn a gha ọkụn-mmọn a bịa.
Kanị ogẹn nwẹnẹ Defidi hụn kanị wụ Ẹliabụ gi nụ kẹ Defidi lẹ ndị hụ rị e ku, ọ nọ gi olulu sị a, “K'ị bịadẹ nwan ebeni d'e mẹ? Onyẹ k'ị latọnị atụnrụn ndị ahụn bulẹni ọda imẹ atụ? A marịnghọ m kẹ y'e mẹkarịhan enwẹn i lẹ kẹ obi jọhan ị njọ. Agha k'ị bịahụ ebeni d'e lee.”
