Itẹn 5:12 - Ika

¹² Ogẹn ahụn ị sị, “Ize ọzụnzụn zeni m mẹ m ihiẹnni! Anịdẹni m wẹ jụgbọ m kaka!

Itẹn 5:12 ပူးပေါင်းရင်းမြစ်များ

Jẹnẹsisi 19:9

Kanị, wẹ nọ sị, “Pụnị ẹnyi ụzọ! Ledẹ ni abịamabịa nwẹn k'ọ rị nwan a gwa ẹnyi ihiẹn ẹnyi k'e mẹ! Ẹnyi mẹ i ihiẹn ẹnyi k'e mẹ i kikẹnni, nke i a ka nke wẹ njọ!” Ya wẹ nọ numẹ Lọtụ ikẹn-ikẹn, kẹ ya kẹ ẹkwe, a chọ nị wẹ nukpọpụ a.

Ihiẹn Mẹni Nke Ẹbụọ 25:16

Kanị eze e gbu oku ye ẹ ọnụ, sị, “Onyẹ tumẹ i onyẹ-ndụnmọdụn eze? Gba nkịtịn! Ra ị chọ nị wẹ gbu i?” Ya onyẹ-amụma nọ kubehi, kanị ọ sị, “Makẹ ihiẹnni i mẹ lẹ ndụnmọdụn m ị jụ, a marịnọlẹ m nị Osolobuẹ chọ n'o gbu i.”

Ihiẹn Mẹni Nke Ẹbụọ 36:16

Kanị wẹ hụ e gi ndị ozi Osolobuẹ a mụ ẹmụ, e legberi oku Osolobuẹ, a mụ ndị-amụma a ẹmụ — d'e ru ebe Osolobuẹ nọ gi olulu bunụmanị ndị nke ẹ, d'e runi nwanahịn arịzị a.

Ẹbụ-ọma 50:17

Ịjụgbọ ụnụ e ze ụnụ ize; ụnụ hụ e nu oku m e ye azụụn.

Ẹbụ-ọma 73:22

Nzuzu kẹ m te rị e zuzu nwan, aghọtanị m! M te nọ kẹ anụ nwọnlẹni uche ebe ị rị.

Itẹn 1:22

“Euu, ndị ẹwobi, ele mgbe kẹ ‘Onwọnni hụn m marịn’ k'a sụọbehi ụnụ? Elee ogẹn kẹ ịmụ ịhịan ẹmụ k'a sụọbehi ndị-nlelịa? Elee mgbe kẹ ịmarịn-ihiẹn k'e zebehi ndị-nzuzu ize?

Itẹn 1:25

ebe omẹni ụnụ a jụchanrịn ndụnmọdụn m ile, jụ nị ụnụ egọnkọ ntịn ọjụgbọ m jụgbọ ụnụ,

Itẹn 1:7

Ịtụ egun Osolobuẹ kẹ ịhịan gi e nwọnmẹ amamihiẹn; ndị-nzuzu e legberi amamihiẹn lẹ ọzụnzụn.

Itẹn 10:17

Onyẹ hụn e gọn ntịn wẹ gha a zụn a rị ụzọ ndụn, kanị onyẹ ghalẹni a nị wẹ a gwa a oku a kpahugụọ.

Itẹn 12:1

Onyẹ ọwụlẹ ọzụnzụn a sụọ, ịmarịn-ihiẹn a sụọzịkwọ a asụọ; kanị onyẹ ghalẹni a nị wẹ a gwa a oku wụ onyẹ-nzuzu.

Itẹn 13:18

Onyẹ jụ ọzụnzụn ogbẹnnyẹ lẹ ịfa e họnrin nke ẹ, kanị onyẹ gi oku wẹ gwa a bihutọ ẹka, e ye w'ẹ ọghọ.

Itẹn 15:5

Onyẹ-nzuzu ara nị nẹdi ẹ zụn a, kanị onyẹ w'a dụn ọdụn o gi ẹ dọn e nwọnghọ uche.

Itẹn 5:11

O ru ikpanzụụn y'a sụnma udẹn, ogẹn y'e gi fiechanrịngụ ẹhụ, ẹhụ ị a lachanrịn iwi.

Itẹn 6:23

Makẹni ihiẹn ọ sị ị mẹ wụ ukpẹ wẹ mụyen'i; nkuzi hụ wụ ukpẹ; njụgbọ wẹ gi a zụn ịhịan wụ ụzọ ndụn —

Itẹn 8:36

Kanị onyẹ ọwụlẹ nwọnhẹnlẹni m rị a rụ enwẹn ẹ ẹhụ; ndị ile ize m e ze, ọnwụn rị a sụọ wẹ a sụọ.”

Jerimaya 44:4

E zisọnmẹ m idibo m wụ ndị-amụma d'a gwa ụnụ oku. Wẹ nọ gbasọnmẹ ụnụ mkpịnsịn-ẹka ẹnya, a sị ụnụ, ‘Emẹzilẹ ni arụnị e ze m ize!’