Itẹn 4:18 - Ika

¹⁸ Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Itẹn 4:18 ပူးပေါင်းရင်းမြစ်များ

Samuẹlụ Nke Ẹbụọ 23:4

ọ nọ kẹ ukpẹ ụtụntụn, ebe anwụn nọ a wa, ebe igwere nọ mẹ zaị; ọ nọzị kẹ eki fọnpụnị kẹ mirin zuegụ hụn ẹfịfịa gi e pupụha alị.

Jobu 11:17

Elu i k'e nwun kẹ ukpẹ, nwunahịndẹ anwụn efinaị, ọhịhị a nọ ị kẹ ẹnyanwụn-ụtụntụn.

Jobu 17:9

K'osilẹrị, ndị ezi-omumẹ k'e kwọnkẹnmẹ hụn wẹ gi, ndị ẹka wẹ rị ọchan k'e zewaye.

Jobu 23:10

Kanị ọ marịnghọ ụzọ m'a gha; o lelegụ m, m k'a pụha ọhụnma lekẹ goru.

Ẹbụ-ọma 84:7

Wẹ k'a rị e nwọnwaye ikẹn, e we wẹ ru ihun Chuku imẹ Zayọnụ.

Ẹbụ-ọma 97:11

Ukpẹ e nwunkpu ndị ezi-omumẹ; ịghọghọ a bịanị ndị obi wẹ kụrụ ọtọ.

Itẹn 13:9

Ukpẹ onyẹ ezi-omumẹ e nwun ọda-ọda, kanị ukpẹ onyẹ eje-omumẹ k'e tinyụn.

Itẹn 15:24

Ụzọ ndụn ndị marịn ihiẹn a gha shikọ elu-elu, e mẹ wẹ adanlẹ la mmọn.

Itẹn 2:20

Nwọnrin nwan amamihiẹn, kẹni i gha ụzọ ezigbo ịhịan, ghasọnmẹ ụzọ ndị ezi-omumẹ.

Itẹn 2:9

Ogẹn ahụn, y'a ghọta ihiẹn rị mma lẹ imẹ ihiẹn k'o furu lẹ imẹ onyẹ ọwụlẹ k'o furu — ghọta ụzọ ile hụn rị mma.

Azaya 26:7

Ụzọ onyẹ ezi-omumẹ e riẹn eriẹn; Euu Onyẹ Hụn Kụrụ Ọtọ, y'e mẹ ụzọ e riẹnni onyẹ ezi-omumẹ.

Daniẹlụ 12:3

Ndị hụn nwọn uche k'a gha egbuke kẹ igwere, ndị hụn k'e mẹ ịhịan hutọ mẹmẹ ezi-omumẹ k'e gbuke kẹ kokisẹ jẹnrin ejẹn.

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Matiu 5:14

“Ụnụ wụ ukpẹ ụwa. Obodo wẹ tụnye elu òke asakọ ẹka zueri.

Matiu 5:16

Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Matiu 5:45

kẹni ụnụ wụrụ ụmụ Nẹdi ụnụ rị elu-igwee nke-esi. Makẹni, o mẹ anwụn a e tikpu kẹ eje-ịhịan kẹ ezigbo ịhịan, e mẹ mirin e zueni kẹ ndị ezi-omumẹ kẹ ndị eje-omumẹ.

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Ndị Kọrẹntị Nke Ẹbụọ 3:18

Ẹnyi ile wẹ kpupụgụ ẹkwa hụ ihun rị nwan e legha ọghọ Di-nwọnni-ẹnyi nọkẹ onyinyọn rị imẹ ughegbe; wẹ hụ e nwọnhutọ ẹnyi, e mẹ ẹnyi a rị kẹ Onyẹ ẹnyi rị e legha, e nwọn ọghọ a e nwọnwaye. Ihiẹnni gha ẹka Di-nwọnni-ẹnyi hụn wụ Mmọn-nsọ a bịa.

Ndị Filipi 2:15

kẹni ụnụ wụrụ ndị nwọnlẹni nkọrịanị, ndị ẹka wẹ rị ọchan; ụmụ Osolobuẹ obibi wẹ nwọnlẹni ntụpọ hụn bi imẹ eje-agbọ zinrinlẹni, e nwun, e ke, imẹ ụwanị kẹ kokisẹ.

Pita Nke Ẹbụọ 1:19

Ẹnyi gi ẹ nwan marịn nị ihiẹn ndị-amụma ku imẹ Ẹkụkwọ-nsọ furu wẹ gi e dọn ẹnya. Ọ ka ụnụ mma nị ụnụ gi wẹ e dọn, nọkẹ ukpẹ ẹka rị e nwun imẹ ishi, d'e ru ni eki e fọn, Onyẹ ahụn wụ Kokisẹ-ụtụntụn e timẹ imẹ obi ụnụ.

Pita Nke Ẹbụọ 3:18

Kama, gi ni ẹfọma Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi e suewaye imẹ okukwe; a marịnwayezi ni Di-nwọnni-ẹnyi. Ọghọ ya rịn'a ogẹnni, rịzịkwọn'a jẹnrin ejẹn, d'e ru ụhụọhịn ikpanzụụn! Isẹẹ.

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.

Rẹvẹleshọnụ 22:5

Eki egikọzị; achọkọzị wẹ ukpẹ-ẹka mọbụ ukpẹ ẹnyanwụn, makẹni Di-nwọnni-ẹnyi wụ Osolobuẹ jẹnkọ d'a wụ ukpẹ wẹ. Wẹ k'a kị jẹnrin ejẹn.

Ndị Han Eṅẹn 5:31

“Euu Osolobuẹ, ndị iṅẹnrẹn i ile wẹ la iwi ẹrịra! Kanị, ndị ihiẹn i a sụọ wẹ nọ kẹ ẹnyanwụn, ebe ọ nọ wachanrịn!” Agha hụ e bigụ, udọn nọ rị alị ahụa ọgụnnaị.