Itẹn 31:9 - Ika

⁹ Agbakwọlẹ nkịtịn; a han ezigbo eṅẹn; anịlẹ wẹ mẹgbu ndị igbẹnnyẹ lẹ ndị nwọnlẹni ịhịan.”

Itẹn 31:9 ပူးပေါင်းရင်းမြစ်များ

Samuẹlụ Nke Ẹbụọ 8:15

Defidi hụ a kị ndị Izrẹlụ ile, e mẹni ndị nke ẹ ihiẹn rị mma lẹ ihiẹn furuni.

Jobu 29:12

Makẹni, m'a gbapụha ogbẹnnyẹ rị a kwan nị wẹ yen'ẹ ẹka, wẹ lẹ onyẹ nwọnlẹni nẹdi lẹ onyẹ e yen'ẹ ẹka.

Ẹbụ-ọma 82:3

E kinni ni ndị nwọnlẹni ihiẹn wẹ kpọ wẹ lẹ ndị nwọnlẹni nẹdi ọnụ wẹ; a tụnị nị ndị rị e ri ụya lẹ ndị-igbẹnnyẹ ụya.

Itẹn 16:12

Ndị-nze ara gi eje-omumẹ mẹ ẹhụ, makẹni ezi-omumẹ kẹ ukpo-eze gi e turu.

Itẹn 20:8

Eze nọdị ukpo ẹ a han eṅẹn, ẹnya a hụ e shiẹnpụhachanrịn eje-ihiẹn rị alị-eze ẹ.

Itẹn 29:7

Oku iye ndị igbẹnnyẹ ihiẹn runi wẹ rị onyẹ ezi-omumẹ mkpa, kanị onyẹ eje-omumẹ ara ghọta ụdị amamihiẹn hụ.

Azaya 1:17

Mụnị kẹ wẹ dọn e mẹ ihiẹn rị mma! A kwadọn ni ezigbo eṅẹn, e yeni ni ndị wẹ rị e mẹgbu ẹka. A nọ nị ndị nwọnlẹni nẹdi e ye azụụn, e kinni ni ikpoho di wẹ nwụn ọnụ wẹ.

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Azaya 11:4

O k'e kinni ndị rị e ri ụya ọnụ; o k'a hannị ndị igbẹnnyẹ ụwanị ezigbo eṅẹn, ye wẹ ihiẹn runi wẹ. Mkpịnsịn rị a ọnụ k'o k'e gi gbu ụwanị; umẹrẹn rị a ụgb'ọnụ k'o k'e gi gbupụ ndị eje-omumẹ.

Jerimaya 21:12

Ụnụ ndị ikpụlọ Defidi, lekwọ nị ihiẹn Osolobuẹ ku: E gikwọ nị ezioku a kị ụhụọhịn-ụhụọhịn; a zụọpụhakwọ nị ndị wẹ rị a bịangbu ẹka ndị rị a bịangbuni wẹ — amamgbe m'e gi ufiri eje-ihiẹn ụnụ mẹ gi ọnụma m mẹ ụnụ ihiẹn lekẹ ebe ọkụn nọ a dụn, ọkụn wẹ jẹnkọlẹni d'e tinyụn.

Jerimaya 22:3

Osolobuẹ sị: mẹmẹ ni ihiẹn rị mma lẹ ihiẹn furuni. A gbapụha nị ndị wẹ rị a bịangbu ẹka ndị rị a bịangbuni wẹ. Emẹjalẹ ni abịamabịa lẹ ndị nwọnlẹni nẹdi lẹ ikpoho di wẹ nwụn mọbụ gi ẹka-ikẹn sọn wẹ, egbulẹ ni ndị nwọnlẹni ihiẹn wẹ mẹ ebeni.

Jerimaya 23:5

Mmẹ wụ Osolobuẹ sị, “Ogẹn lala hụn m k'e gi wepụhanị Defidi Agalaba rị ọchan, eze hụn k'e gi akọ-lẹ-uche kị, e mẹ ihiẹn rị mma lẹ ihiẹn furuni imẹ alịnị.

Jerimaya 5:28

tutu, e dẹn. Ẹfọ eje-ihiẹn ara jun wẹ; w'a ra kuni ndị nwọnlẹni nẹdi ọnụ wẹ ru isi ẹ. W'a ra shi ọnwụn nị ihiẹn ogbẹnnyẹ ru ẹ ẹka.

Daniẹlụ 4:27

Eze-Agụ, dodo weri nwan ọdụn m k'a dụn ị: mẹbehi njọ, mẹmẹ ezi-omumẹ; la ẹfọ-njọ tọ n'i mẹmẹni ndị rị e ri ụya ẹfọma. Ikẹnkwọ y'a ghasọnmẹ ihun.”

Lẹvitikọsụ 19:15

“Ebulẹ ikpe ma onyẹ ikpe malẹni; egbeyelẹni ogbẹnnyẹ mọbụ kuyeni okẹn-ịhịan, ka hannị ibe i eṅẹn ọhụnma.

Zẹkaraya 7:9

Osolobuẹ ihiẹn ile rị okpuru ẹ sị: “Han nị ezigbo eṅẹn; e gi ni ẹfọma lẹ omikẹn e sọn ibe ụnụ;

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Jọnụ 7:24

Ahanzilẹni eṅẹn elu-elu, ka han nị eṅẹn ọhụnma.”

Ditrọnọmi 1:16

Ogẹn hụ, m nọ ye ndịnị jẹnkọ d'a hannị ụnụ eṅẹn iwu, sị wẹ, “Ikpe bịa, nụ nị ọnụ ndị rị e kpeni, ụnụ a han ezigbo eṅẹn. Ọsụọn'a ikpe seni onyẹ Izrẹlụ lẹ onyẹ Izrẹlụ ibe ẹ, ọsụọn'a onyẹ Izrẹlụ lẹ onyẹ alị ọzọ bi imẹ igunrun ụnụ.

Hibru 1:9

Ezi-omumẹ wụ ihiẹn a sụọnị ị; njọ e ze i ize. Ịya haịn Chuku hụn wụ Chuku i, gi hukpu i udẹn ịghọghọ, gi ye i ọghọ karị ibe i.”

Rẹvẹleshọnụ 19:11

Ya m nọ hụn kẹ elu-igwee kpupụ, a hụn m ẹshin ọchan ebẹhụ; ẹfan onyẹ rị e nyinn'ẹ wụ “Onyẹ-wẹ-gi-dọn-ẹnya lẹ Ezioku.” Ọ han ezigbo eṅẹn, a lụ agha furuni.

Samuẹlụ Nke Ibuzọ 19:4

Jonatanị nọ ku oku Defidi ọhụnma ebe nẹdi ẹ rị, sị a, “Agụ, emẹlẹ odibo i wụ Defidi eje-ihiẹn; onwọnni eje-ihiẹn o mẹ i; ọrụn a a bangụọn'ị erere ọda-ọda.

Samuẹlụ Nke Ibuzọ 20:32

Jonatanị nọ sị nẹdi ẹ, “Kị wẹ k'e gbun'ẹ? K'o mẹ?”