20 Ọ yeni ndị igbẹnnyẹ ẹka, e yesọnmẹni ndị mkpa gi ẹka.
O yesọnmẹ ndị-ọzọ ihiẹn, o yesọnmẹ ndị elu rị a fụ ihiẹn; o k'e mẹsọnmẹ ihiẹn furuni jẹnrin ejẹn; o k'e mẹri, nwọn mgbaye.
Onyẹ hụn a nyanhan ndị ogbẹnnyẹ e nwọnkẹ ngọzi. Ogẹn nsọngbu, Osolobuẹ a zụọpụha a azụọpụha.
Osolobuẹ e che ẹ nche, e dọnmẹ ẹ ndụn; ngọzi k'e sọn ẹ alị ọ rị. Y'a lakọ a tọnị ndị-iṅẹnrẹn ẹ.
Kanị, makẹni ụnụ azanị kẹ m kpọ oku, makẹni onwọnni onyẹ gọn ntịn kẹ m tịnpụ ẹka ẹbụọ nị m nabanhan ụnụ,
Onyẹ rị e mẹni ogbẹnnyẹ ọhụnma rị e zinye Osolobuẹ ihiẹn; o k'a kụ a ụgwọ ihiẹn o mẹ.
Onyẹ a ha ẹka k'e nwọn ngọzi, makẹni o yebeye ndị igbẹnnyẹ ihiẹn-oriri ẹ.
Ẹka a ohu rị oruru, ẹka a hụn ẹbọ rị ihiẹn o gi a tụ oruru.
Ụnụ lẹ ndị igbẹnnyẹ rị ebeni ogẹn ile, ụnụ nwọn ikẹn mẹni wẹ ọhụnma ogẹn ọwụlẹ ụnụ chọ; kanị mmẹ nwẹn esọnkọ ụnụ nọdị ebeni ogẹn ile.
Nke ndị Izrẹlụ, ọ sị, “M shịapụ ẹka ụhụọhịn ile, e che ndị isi-ikẹnni rị e nupụ isi.”
E yeni ni ndị nke Osolobuẹ ihiẹn rị a kọ ẹka. A nabanhan nị ndị ọbịa.
Onyẹ e zun ohin y'e zunzilẹ. Ya gi ẹka a lụrụ ihiẹn o gi e bi, e gi ẹka a a rụn ihiẹn rị mma, kẹni ọ hụn ihiẹn o gi e yezini ndị ihiẹn rị a fụ ọrụn ẹka.
Ndị dan ogbẹnnyẹ jẹnkọ d'a rịrịrị alị ụnụ. M rị nwan e ye ụnụ iwu a sị ụnụ, “A hanị nị umunẹ ụnụ lẹ ndị igbẹnnyẹ lẹ ndị ihiẹn rị a fụ ọrụn rị alị ụnụ ẹka.”
Hụn n'a nị ụnụ hụ e mẹ ihiẹn rị mma lẹni ihiẹn ụnụ hụ e ru ibe ụnụ ẹka, makẹni ụdị ẹjannị a sụọ Osolobuẹ ụsụọ.
