Itẹn 30:9 - Ika

⁹ Amamgbe m'e rijunmẹ ẹfọ, gbakitọ ị azụụn, sị, ‘Onyẹ wụ Osolobuẹ?’ Mọbụ a dan m ogbẹnnyẹ, zun ohin, gi ẹ budan ẹfan Chuku m.

Itẹn 30:9 ပူးပေါင်းရင်းမြစ်များ

Ẹbụ-ọma 125:3

Ọkpọ eje-ịhịan akịsọnmẹkọ alị ndị ezi-omumẹ, amamgbe ndị ezi-omumẹ e bu ẹka che eje-ihiẹn.

Ọpụpụ 20:7

“Egikwọlẹ ni ẹfan Osolobuẹ wụ Chuku ụnụ mẹ ihiẹn furulẹni; makẹni, Osolobuẹ ahatukọkwọ onyẹ ọwụlẹ gi ẹfan a mẹ ihiẹn furulẹni.

Ọpụpụ 5:2

Eze nọ sị, “Onyẹ wụ Osolobuẹ hụ, hụn m'e gi gọn ẹ ntịn hatu Izrẹlụ? Amarịn m Osolobuẹ; ahatukọ m Izrẹlụ.”

Itẹn 29:24

Onyẹ hụn a kwadọn onyẹ ohin wụ eṅẹnrẹn enwẹn ẹ; wẹ e ye ẹ iyi e kun bụ egun anịk'a ku ezioku.

Azaya 59:13

isi hụn ẹnyi nupụsọnmẹ okpuru Osolobuẹ lẹ ntụ ẹnyi gi sọn ẹ, kẹ ẹnyi dọn gbakitọ Chuku ẹnyi azụụn; a kwadọn nkịgbu lẹ nnupụ-isi, a kpachanpụ ẹnya a tụsọnmẹ ntụ.

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Jerimaya 5:12

A tụgụọ wẹ ntụ banyeni Osolobuẹ, wẹ sị, “Onwọnni ihiẹn o k'e mẹ! Onwọnni ihiẹn k'e mẹni ẹnyi; ẹnyi ahụnkọ agha mọbụ ụnwụn.”

Izikẹlụ 23:35

“Osolobuẹ Nwọn Ihiẹn ile sị nwan: Ebe o mẹni y'a zọgụọ m, nu m ye nkọ, ị k'a tarịrị afụnfụn eje-ughẹrẹ i lẹ ịgbaraja ị.”

Daniẹlụ 4:17

“ ‘Ndị-ozi hị ihiẹnni; ndị-nsọ sị ihiẹnni mẹ, kẹni ịhịan ile rị ụwa marịn nị alị-eze ile ịhịan pumẹ rịchanrịn okpuru Onyẹ hụ Kachanrịnnị, nị o we wẹ e ye onyẹ ọwụlẹ ọ chọ, e wedẹ wẹ e ye onyẹ kachanrịn ntịn a kị.’

Daniẹlụ 4:30

ọ nọ sị, “E lee okẹn Babilọnụ m gi ikẹn m hi ogbe tụn wụ ọnwan?! Mmẹ tụn a n'ọ wụrụ isi-obodo eze lẹni m gi ẹ nwọn ọghọ eze!”

Hosia 13:6

E ye m wẹ ihiẹn-oriri, ẹfọ e jun wẹ; ẹfọ e jungụ wẹ, wẹ nọ pachemẹ, zọ m.

Lẹvitikọsụ 5:1

“Onyẹ mẹ njọ yeni n'ọ jụ n'ọ shịakọ ẹri ihiẹn o gi ẹnya a hụn mọbụ ihiẹn o gi ntịn a nụ, bụ ọ nụghọ kẹ wẹ gi ẹfan Osolobuẹ sị ịhịan ile ku ihiẹn wẹ nụ lẹ ihiẹn wẹ hụn, o k'e gi isi ẹ buru ẹ;

Matiu 26:72

Ọ ghọrịzị, kundẹ Osolobuẹ, sị, “Amarịndẹ m okẹnnyẹ hụ!”

Matiu 26:74

Ya Pita nọ kunmẹ Osolobuẹ, sị n'ọ marịn okẹnnyẹ hụ. Ozigbo hụ, ọkpa nọ kwan.

Ditrọnọmi 31:20

M webangụ wẹ alị ahụn mirin-ẹran anụ lẹ mirin-ẹnwụn jun, e hu, alị hụ m kun enwẹn m kwe ndị nẹdi wẹ kanị nkwa nị m k'e ye wẹ; wẹ rijungụ ẹfọ, du, wẹ jẹnkọ d'e sọnmẹ mmọn-lẹ-iyi, fe wẹ, la m tọ, tikpọ Iwu m gi kwọngbama mmẹ lẹ wẹ.

Ditrọnọmi 32:15

Kanị Jẹshurunu ẹ hụn wụ Izrẹlụ hụn o mẹ kụrụ ọtọ, e tutu, nupụma isi; o rijun ẹfọ, a nyịn, e dẹn. Ọ la Chuku mẹmẹn'ẹ tọ, jụ Ọmụma hụn a zụọpụhan'a tọ.

Joshụa 24:27

Joshụa nọ sị wẹ ile, “Lee n'ẹ, ọmụmanị k'a shịagbu ẹnyi ẹri. Ọ nụgụọ oku ile Osolobuẹ gwa ẹnyi; ya k'a shịagbu ụnụ ẹri, amamgbe ụnụ e gi ntụ sọn Osolobuẹ ụnụ.”