Itẹn 3:34 - Ika

³⁴ Olelịa kẹ Osolobuẹ e lelịa ndị-nlelịa, kanị o mẹyeni ndị e welụa enwẹn wẹ alị.

Itẹn 3:34 ပူးပေါင်းရင်းမြစ်များ

Ẹbụ-ọma 138:6

Ọsụọn'a nị Osolobuẹ rị elu-igwee, ọ nyanhanzị ndị e welụa enwẹn wẹ alị; kanị, ọ ghadẹ ebe teni a hụnchanrịn ndị nhọnrọn kẹ wẹ nọ.

Ẹbụ-ọma 18:26

onyẹ shịapụchanrịnn'ị ẹfọ, y'a shịapụchanrịnn'a ẹfọ; kanị, onyẹ gi ẹro sọn i, y'e gi uche sọn ẹ.

Itẹn 1:26

mmẹ nwẹn sikọ d'a mụzịkwọ ẹmụ ogẹn eje-ihiẹn e gi kunrun ụnụ, m k'a mụgbu ụnụ ogẹn ọdakin e gi kunrun ụnụ;

Itẹn 14:9

Ndị-nlelịa e gidẹ ịrịọ mgbagharị a mụ ẹmụ, kanị Osolobuẹ e kweri arịrịọ ndị ezi-omumẹ.

Itẹn 16:19

Ọ ka mma nị ịhịan welụa enwẹn ẹ alị, wụrụ onyẹ wẹ rị e mẹgbu, karị n'ọ rị e sọn ndị mpache e keri ihiẹn wẹ napụ ịhịan.

Itẹn 19:29

Ndị-ẹwobi kẹ wẹ dọnmẹtọnị afụnfụn; ụgba-azụụn ndị-nzuzu kẹ wẹ dọmẹtọnị mkpịnsịn.

Itẹn 21:24

Onyẹ mpache hụn e mẹkarị enwẹn ẹ — ẹfan a wụ “Onyẹ-nlelịa”; ọ gụnchanrịn agụngụn onyẹ enwẹn ẹ jun ẹfọ.

Itẹn 9:12

Omẹni i nwọn uche, ịyụ k'o k'a bannị erere; omẹni ị wụ onyẹ-nlelịa, ịyụ sụọ k'a ta afụnfụn rịn'a.”

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Jemisi 4:6

Kanị Osolobuẹ e ye ẹka ọda-ọda; ya haịn Ẹkụkwọ-nsọ gi sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”