Itẹn 3:33 - Ika

³³ Ọnụ kẹ Osolobuẹ a bụ ikpụlọ eje-ịhịan, kanị ngọzi k'ọ gọzi ikpụlọ onyẹ ezi-omumẹ.

Itẹn 3:33 ပူးပေါင်းရင်းမြစ်များ

Samuẹlụ Nke Ẹbụọ 6:11

Ẹkpẹti nkwa Osolobuẹ nọ nọdị iwe Obẹdi-Ẹdọm onyẹ Gatị ifọn ẹtọ, Osolobuẹ nọ gọzi Obẹdi-Ẹdọm lẹ ikpụlọ a ile.

Jobu 24:18

“Kanị wẹ wụkwọ ụfọfọ rị elu mirin; azụụn wẹ keye wẹ imẹ alị wẹ a wụrụgụọ ihiẹn Chuku bụ ọnụ, onwọnni onyẹ e jẹndẹ ugbo-vaịnị rịn'a.

Jobu 31:12

Ọkụn hụn a dụnnị, e buhẹ Ntikpọ rọ — nkẹ o dụnpụchanrịn ihiẹn ile rị ugbo m.

Ẹbụ-ọma 1:3

Onyẹ hụ nọ kẹ osisi wẹ kụnye mkpẹnrẹn-mirin, hụn a mị mkpụrụ a udu ẹ, hụn ghalẹni a gbụ ẹhụhụọ. Ihiẹn ile onyẹ ahụn buche ẹka a gha ihun.

Ẹbụ-ọma 37:22

Alị k'e họnrin nke ndị hụn Osolobuẹ gọzi, kanị owepụ kẹ wẹ k'e wepụ ndị hụn ọ bụ ọnụ.

Ẹbụ-ọma 91:10

onwọnni eje-ihiẹn k'e mẹn'i; onwọnni eje-ihiẹn k'e ru iwe i.

Itẹn 10:6

Ngọzi ngọzi rị isi onyẹ ezi-omumẹ, kanị ntikpọ ntikpọ warị ọnụ eje-ịhịan.

Itẹn 14:11

Wẹ k'e tikpọ ikpụlọ onyẹ eje-omumẹ, kanị ikpụlọ onyẹ ezi-omumẹ k'a gha ihun.

Itẹn 15:6

Ihiẹn rị mkpa e jun iwe onyẹ ezi-omumẹ, kanị ihiẹn ndị eje-omumẹ e nwọnhẹn e buhẹni wẹ nsọngbu.

Itẹn 21:12

Chuku hụn wụ Onyẹ Ezi-omumẹ hụ a hụn ihiẹn rị e mẹ iwe ndị eje-omumẹ, e mẹ ndị eje-omumẹ a la iwi.

Malakaị 2:2

ụnụ jụ nị ụnụ egọnkọ m ntịn, nị ụnụ egikọ oku iye ẹfan m ọghọ dọn, m k'a bụ ụnụ ọnụ; m k'e gi ịbụ-ọnụ nọkin ngọzi ụnụ — e mẹgụọdẹ m'a, makẹni ụnụ egini oku iye ẹfan m ọghọ dọn. Ya kẹ Osolobuẹ ihiẹn ile rị okpuru ẹ ku.

Ditrọnọmi 11:28

ịbụ-ọnụ rọ omẹni ụnụ emẹni ihiẹn Osolobuẹ wụ Chuku ụnụ sị ụnụ mẹ, omẹni ụnụ a latọ ihiẹn ndịnị m rị a gwa ụnụ tannị sọnmẹ mmọn-lẹ-iyi ụnụ marịnlẹni.

Ditrọnọmi 7:26

Ewebanhanlẹ ni ihiẹn Osolobuẹ a sọ iwe ụnụ, amamgbe ụnụ e sọn ẹ wụrụ ihiẹn Osolobuẹ jẹnkọ d'e tikpọ. Wẹ wụrụnị ụnụ ihiẹn rụchanrịnnị, ụnụ a sọchanrịn wẹ, makẹni ihiẹn Osolobuẹ jẹnkọ d'e tikpọ kẹ wẹ wụ.

Joshụa 6:18

Ka kpachanpụkwọ nị ẹnya makẹ ihiẹn ndịnị wẹ wechanrịngụ kwanị Osolobuẹ gha a la ụnụ ẹnya, amamgbe ụnụ e weri hụn ọwụlẹ imẹ wẹ, ụnụ lẹ enwẹn ụnụ e họnrin ihiẹn wẹ jẹnkọ d'e tikpọchanrịn. Makẹni, ụnụ mẹ ẹ, ụnụ e mẹ igunrun Izrẹlụ ile họnrin ihiẹn wẹ sikọ d'e tikpọ, gi ẹ buhẹni wẹ nsọngbu.

Joshụa 7:13

“Jẹnmẹ nwan, d'e dọn wẹ nsọ kẹ iwu m dọn ku. Sị wẹ: Dọn ni enwẹn ụnụ nsọ gi kwademẹni ekile; makẹni Osolobuẹ wụ Chuku Izrẹlụ sị: ‘Ndị Izrẹlụ, ihiẹn wẹ gichanrịn kwanị Osolobuẹ rị imẹ igunrun ụnụ: ụnụ asakọ nwan ẹka che ndị-iṅẹnrẹn ụnụ ọgụn d'e runi ụnụ e wepụ ihiẹn ndị ahụn.’