Itẹn 3:18 - Ika

¹⁸ Amamihiẹn wụ osisi e ye ndị nwọnhẹnn'ẹ ndụn; o k'a rịnị ndị hụn kwọnkẹnmẹn'ẹ mma.

Itẹn 3:18 ပူးပေါင်းရင်းမြစ်များ

Jẹnẹsisi 2:9

Osolobuẹ wụ Chuku nọ mẹ ụdị osisi ile rị mma ẹnya lẹ ndị rị mma w'e ri gha alị suepụha — kẹ osisi ahụn e ye ndụn hụn rị etintinnaị ugbo ahụn kẹ osisi ahụn wẹ gi a marịn ihiẹn rị mma lẹ ihiẹn rịlẹni mma.

Jẹnẹsisi 3:22

Ya kẹ Osolobuẹ wụ Chuku nọ sị, “Lee ẹ nwan, ịhịan a rịọlẹ kẹ ẹnyi: ọ marịngụọ nwan ihiẹn rị mma lẹ ihiẹn rịlẹni mma. O ru tan, ọ tịnpụ ẹka ghọrịzịkwọ mkpụrụ osisi ahụn e ye ndụn, ri, rị ndụn jẹnrin ejẹn.”

Itẹn 11:30

Elu onyẹ ezi-omumẹ wụ osisi e ye ndụn; onyẹ ma nwọnhẹn obi ịhịan a marịnghọ ihiẹn.

Itẹn 13:12

Ịhịan tụbiekẹ ẹnya ihiẹn, obi a nahịn a; kanị ihiẹn wẹ rị a tụ ẹnya a bịanị, wụ mkpụrụ osisi e ye ndụn.

Itẹn 15:4

Ọnụ hụn e dọnzi ihiẹn wụ osisi e ye ndụn, kanị ọnụ hụn e ku eje-ihiẹn e gbu mmọn ịhịan.

Itẹn 4:13

Kwọnkẹnmẹ ihiẹn wẹ sị ị mẹ, anịl'a nahịn ị; chemẹ ẹ ọhụnma, makẹni ịya wụ ndụn ị.

Itẹn 8:32

Gọn ni m nwan ntịn, ụmụ m! Gọnni m ntịn; n'ọ bọnị ndị e sọnsọnmẹ ụzọ m ọda-ọda.

Itẹn 8:34

O jẹnkọ d'a rịnị onyẹ hụn e gọn m ntịn mma, onyẹ hụn e che m ọnụ-mgbọn iwe m ụhụọhịn-ụhụọhịn n'ọ hụn m, e rudẹ ọnụmụzọ iwe m d'e che m.

Ẹkịliziastisi 7:12

Amamihiẹn wụ igungun e kpumẹ ịhịan nọkẹ kẹ egho dọn e kpumẹ ịhịan, kanị amamihiẹn ka, makẹni amamihiẹn e dọnmẹ onyẹ nwọnn'ẹ ndụn.

Rẹvẹleshọnụ 2:7

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụn mẹrini kẹ m k'a nị ri mkpụrụ-osisi ahụn e ye ndụn hụn rị Paradaịsị, Alị Ezumikẹn Osolobuẹ.

Rẹvẹleshọnụ 22:2

O hukọ ahanmahan ụwaya ahụn rị obodo hụ. Osisi ahụn e ye ndụn rị iyi hụ azụụnnị lẹ azụụnnị. Osisi ahụn a mị ụdị mkpụrụ mmẹbụọ ahụa. Ifọn-ifọn kẹ ọ mị mkpụrụ. Wẹ gi ẹhụhụọ a a zụọ ndị alị ile emu.