Itẹn 29:23 - Ika

²³ Mpache ịhịan e budan a, kanị onyẹ e welụa enwẹn ẹ alị k'e nwọnrin ọghọ.

Itẹn 29:23 ပူးပေါင်းရင်းမြစ်များ

Jobu 22:29

Wẹ wetu ịhịan alị, nị y'a sị, ‘Weli wẹ!’ Chuku a zụọ onyẹ ahụn wẹ welụa alị.

Jobu 40:12

Lee onyẹ mpache ọwụlẹ, y'e wetu ẹ alị; gbupụ ndị-ejẹ ebe wẹ wuzo ozigbo-ozigbo.

Itẹn 11:2

Nhọnrọn bịa, ịfa a bịa, kanị onyẹ welụa enwẹn ẹ alị, o nwọnrin uche.

Itẹn 15:33

Egun Osolobuẹ e zin ịhịan amamihiẹn, onyẹ welụagụ enwẹn ẹ alị kẹ wẹ e ye ọghọ.

Itẹn 16:18

Mpache bịaọlẹ, ihiẹn e sọnn'ẹ wụ ntikpọ; enwẹn ịhịan junmẹ ẹ ẹfọ, o d'a dan.

Itẹn 16:19

Ọ ka mma nị ịhịan welụa enwẹn ẹ alị, wụrụ onyẹ wẹ rị e mẹgbu, karị n'ọ rị e sọn ndị mpache e keri ihiẹn wẹ napụ ịhịan.

Itẹn 17:19

Onyẹ ikpe a sụọ, njọ rị a sụọ a; onyẹ hụn rụn ọnụ-ụgba jẹn elu rị a chọ enwẹn ẹ oku.

Itẹn 18:12

Ịhịan pachemẹ, ọ dan kanị ịhịan welụama enwẹn ẹ alị ọghọ a bịan'a.

Itẹn 22:4

Iwelụa-enwẹn ịhịan alị lẹ ịtụ-egun Osolobuẹ e wẹhẹ akụ-lẹ-ụba, ọghọ lẹ ndụn.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 66:2

Ẹlẹ ẹka m mẹmẹ wẹ, haịn wẹ gi rị?” Ya kẹ Osolobuẹ ku. Onyẹni kẹ m'a kpọ ịhịan: onyẹ hụn e welụa enwẹn ẹ alị njọ a e gbu mgbu obi, hụn a nụ oku m, e mẹhunmẹ.

Obadaya 1:3

Ọghọ ụnụ ye enwẹn ụnụ e dufieọlẹ ụnụ — ụnụ gi ugu-ọmụma fihunmẹ alị ụnụ e dọn ẹnya; ụnụ gi ugu jẹngbu enwẹn ẹ elu ụnụ bi e dọn ẹnya; Ụnụ hụ a sị enwẹn ụnụ, ‘Onyẹ k'a sa ẹka mẹri ẹnyi?!’

Matiu 18:4

Onyẹ hụn welụa enwẹn ẹ alị nọkẹ nwatanị, ịya kachanrịn imẹ Alị-eze elu-igwee.

Matiu 23:12

Onyẹ bushi enwẹn ẹ elu, e wetu w'ẹ alị; kanị onyẹ welụa enwẹn ẹ alị, e bushi w'ẹ elu.

Matiu 5:3

“Ngọzi wụ nke ndị la enwẹn wẹ tọnị Osolobuẹ nọkẹ igbẹnnyẹ, makẹni Alị-eze elu-igwee wụ nke wẹ!

Luku 14:11

“Makẹni onyẹ weshi enwẹn ẹ elu, e welụa w'ẹ alị; onyẹ welụa enwẹn ẹ alị, e weshi w'ẹ elu.”

Luku 18:14

“Jesu nọ sị: M rị a gwa ụnụ nị onyẹ ụgwọ-isi hụ kẹ Osolobuẹ kuni ọhụnma n'o d'a lama iwe ẹ, ẹlẹ onyẹ Itu-Farisi hụ. Makẹni, onyẹ bushi enwẹn ẹ elu, e welụa w'ẹ alị; onyẹ welụa enwẹn ẹ alị, e bushi wẹ ẹ elu.”

Ọrụn Ndị-ozi 12:23

Ozigbo, mmọn-ozi Osolobuẹ nọ titu Hẹrọdụ, makẹni o yeni Osolobuẹ ọghọ. Ọhọrị nọ bu ẹ ri, ọ nọ nwụnhụn.

Ditrọnọmi 8:16

o ye ụnụ mana ri imẹ atụ, ihiẹn-oriri ndị nẹdi ụnụ marịnlẹni, gi ẹ welụa ụnụ isi alị, lele ụnụ kẹni ọ rịnị ụnụ mma.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”