Itẹn 28:8 - Ika

⁸ Onyẹ hụn e gi okẹn ọmụnịnwa e hiwaye ọdanfịn rị a kpatọnị onyẹ e mẹni ndị igbẹnnyẹ ọhụnma.

Itẹn 28:8 ပူးပေါင်းရင်းမြစ်များ

Samuẹlụ Nke Ẹbụọ 12:6

O k'a kụrịrị ụgwọ atụnrụn ahụn ụzọ ẹnọ, ebe ọ nọ mẹ ihiẹn nọ ẹrịra, o mẹni omikẹn!!”

Ẹbụ-ọma 72:13

O mẹ omikẹn ndị ndụn rịlẹni lẹ ndị ụya rị e ri, ọ zụọpụha ndụn ndị ụya rị e ri.

Ọpụpụ 22:25

“I zinye onyẹ mkpa gi imẹ ụnụ ndị nke m egho, emẹkwọlẹ kẹ onyẹ e zinye egho — anakwọl'a ọmụnịnwa.

Itẹn 13:22

Onyẹ-ọma a latọnị ụmụ-ụmụ a ukuu, kanị ẹka ndị ezi-omumẹ kẹ akụ-lẹ-ụba onyẹ-njọ a lashi.

Itẹn 14:21

Onyẹ hụn e legberi ibe ẹ rị e mẹ njọ, kanị onyẹ e mẹni ndị elu rị a fụ ọhụnma wụ onyẹ Osolobuẹ gọzi.

Itẹn 14:31

Onyẹ hụn e mẹgbu ndị igbẹnnyẹ rị e legberi Onyẹ keni wẹ, kanị onyẹ ọwụlẹ e mẹni ndị elu rị a fụ ọhụnma rị a gbaye Chuku.

Itẹn 19:7

Ize ogbẹnnyẹ e ze umunẹ ẹ ile — kị k'e mẹ ndị ọwụ a agbalẹn'a ọsọ? Ọ hụ a chụ wẹ, a rịọ wẹ, kanị w'a ra nọkunmẹ ẹ.

Ẹkịliziastisi 2:26

Onyẹ hụn ihiẹn ẹ sụọ Chuku, o ye ẹ amamihiẹn, mẹ ẹ marịn ihiẹn o furu n'ọ marịn, mẹ ẹfọ a sụọ a ụsụọ; kanị, nke onyẹ njọ, ogbo o ye ẹ wụ ịkpatọ lẹ iwe ẹ ye onyẹ ihiẹn ẹ a sụọ Chuku. Hụnnị wụzịkwọ ihiẹn-ọlaliwi lẹ ịchụ ufere!!

Izikẹlụ 18:13

omẹni o zinye egho makẹni ọ chọkọ ọmụnịnwa mọbụ a nadẹ ọmụnịnwa kaka. Ọ rịkọ ndụn! Makẹni o mẹgụọ arụnị ile, wẹ k'e gburịrị a; ẹdeke ẹ k'a rị a isi.

Izikẹlụ 18:17

ara buche ẹka eje-ihiẹn, ara zinye egho makẹni ọ chọkọ ọmụnịnwa, ara nadẹ ọmụnịnwa kaka; ọ hụ e gi Iwu m e bi, e mẹ ihiẹn m ku. O gikọ ufiri njọ nẹdi ẹ nwụn; o k'a rịrịrị ndụn.

Izikẹlụ 18:8

omẹni ara zinye egho makẹni ọ chọkọ ọmụnịnwa mọbụ nadẹ ọmụnịnwa kaka; omẹni ara bu ẹka che eje-ihiẹn, omẹni ara gbeyeni ịhịan;

Lẹvitikọsụ 25:36

Anakwọlẹ a ọmụnịnwa ọwụlẹ, ka tụ egun Chuku i, kẹni onyẹ Izrẹlụ ibe i hụ du i biri.