Itẹn 27:23 - Ika

²³ Hụnkwọ a n'ị marịn k'ọ rị igunrun anụ ị, lepụkwọ igunrun anụ i ẹnya ọhụnma —

Itẹn 27:23 ပူးပေါင်းရင်းမြစ်များ

Jẹnẹsisi 33:13

Kanị Jekọpụ nọ sị a, “Diọkpa, y'a marịngụọ nị ụmụ-ẹkanị mmẹ lẹ wẹ wị e mẹkẹ kịrị-kịrị; nị m jẹnkọ d'a rị e leban ewu lẹ atụnrụn lẹ efin ndịnị kị ụmụ mirin-mirin ẹnya. Wẹ gihụ ikẹn kị wẹ akpọhịn ohu dẹ, anụ ndịnị ile jẹnkọ d'a nwụnhụnchanrịn.

Ihiẹn Mẹni Nke Ẹbụọ 26:10

Uzịa tụnzịkwọ ụlọ-nche jẹn elu ebe bu ọda imẹ atụ, gutọsọnmẹ ọmị bu ọda, makẹni o nwọn anụ bu ọda jun kẹ ukun-ugu wụ Shẹfẹla kẹ alị-aradan. Makẹni ugbo a sụọ a ọda-ọda, o nwọnghọzị ndị a rụnn'a ugbo lẹ alị vaịnị — kẹ elu òke kẹ ebe ọzọ alị nọ e mẹ ihiẹn ọhụnma.

Ọpụpụ 7:23

Eze Ijiptu e gbehutọdẹ, kin azụụn shi imẹ ọgwa a; onwọnzikwọnị ihiẹn ọ kpọ hụnnị.

Itẹn 24:27

Rụnpụ ọrụn ị rị ogbe, y'e dọnzi ugbo i ọhụnma, i kebe tụn ụlọ ị.

Itẹn 24:32

E rokpọ m ihiẹn m hụn, m nọ gi ihiẹn m hụn mụnrụn ihiẹn:

Jerimaya 31:10

Ụnụ ndị alị ile, gọnkwọ nị ntịn ihiẹn Osolobuẹ rị e ku; gwasọnmẹ ni alị ndị rị ebe teni rịdẹ mkpẹnrẹn ohimin nị: “Onyẹ hụn feyịya ndị Izrẹlụ jẹnkọ d'e wegbama wẹ, lepụ wẹ ẹnya nọkẹ onyẹ e du atụnrụn.

Izikẹlụ 34:12

Kẹ onyẹ e du atụnrụn rị igunrun atụnrụn dọn a chọ ndị kpapụnị, ẹrịra kẹ m k'a dọn chọ atụnrụn m. A zụọpụha m wẹ ebe-lẹ-ebe wẹ gbajẹn ụhụọhịn igwere fọnlẹni.

Izikẹlụ 34:31

Ụnụ wụ atụnrụn m, atụnrụn m'a zụn hụn wụ ịhịan; mmẹ wụ Chuku ụnụ. Ya kẹ Osolobuẹ Nwọn Ikẹn Ile ku.’ ”

Jọnụ 10:3

Ịya kẹ onyẹ nche a kpọpụnị ụzọ; ịya kẹ atụnrụn a e gọn ntịn olu ẹ. Ọ kpọ atụnrụn a ẹfan, o dupụha wẹ.

Ditrọnọmi 32:46

ọ nọ sị wẹ, “Bucharịnkwọ nị okuni ile m rị e ku tannị e kushi ikẹn che obi, nị ụnụ gwa ụmụ ụnụ dọnrin ẹnya sọnchanrịn oku ile rị imẹ iwuni.

Pita Ibuzọ 5:2

e lepụ nị atụnrụn Osolobuẹ wẹ buche ụnụ ẹka ẹnya; e du ni wẹ, ẹlẹ nke ndị wẹ wa a ye olu, kanị nke ndị gi obi wẹ a rụn — hụn wụ ihiẹn Osolobuẹ chọ; egilẹ ni ẹkpịrị egho mẹ ẹ, kama ya wụrụ ihiẹn a dụ ụnụ omumẹ.

Samuẹlụ Nke Ibuzọ 17:28

Kanị ogẹn nwẹnẹ Defidi hụn kanị wụ Ẹliabụ gi nụ kẹ Defidi lẹ ndị hụ rị e ku, ọ nọ gi olulu sị a, “K'ị bịadẹ nwan ebeni d'e mẹ? Onyẹ k'ị latọnị atụnrụn ndị ahụn bulẹni ọda imẹ atụ? A marịnghọ m kẹ y'e mẹkarịhan enwẹn i lẹ kẹ obi jọhan ị njọ. Agha k'ị bịahụ ebeni d'e lee.”