Itẹn 26:25 - Ika

²⁵ Ọsụọn'a nị oku-ọnụ a a sụọka ụsụọ, egilẹ ẹ dọn, makẹni arụ ile zu ọnụ imẹ obi ẹ.

Itẹn 26:25 ပူးပေါင်းရင်းမြစ်များ

Nehemiah 6:2

Ya kẹ Sanbalatị lẹ Gẹshẹm nọ zihẹni m ozi, sị m, “Bịa, nị ẹnyi zu imẹ alị-ọfịa nẹi rị alị aradan Ono.” Kanị, eje-umẹ kẹ wẹ zuni m ihiẹn hụ.

Ẹbụ-ọma 12:2

Ntụ-ntụ kẹ onyẹ onyẹ a tụ ibe ẹ; wẹ e kuhụ oku ọnụnụ-ire kanị obi wẹ rị e ku ichẹn.

Ẹbụ-ọma 28:3

Adọkpụnpụkwọlẹ m kẹ y'e mẹ ndị-njọ, ndị e mẹ eje-ihiẹn — a mụyeni ibe wẹ ẹmụ kanị wẹ bu iwe wẹ obi.

Itẹn 23:7

makẹni onyẹ nọ ẹrịra a gbakọ egho ole ọ wụ imẹ obi ẹ. Ọ hụ a sị ị, “Ri, ra,” kanị obi ẹ arịa.

Itẹn 26:23

Ọnụ-ọma ya lẹ eje-obi wị nọhụ kẹ ihiẹn-ụrụa wẹ gi siliva nyankwama.

Jerimaya 12:6

Umunẹ i, ndị nẹdi i mụ yụ lẹ wẹ e rezighọdẹ i; e gigụọ wẹ i yi oro. Ọsụọn'a wẹ rị e ku oku i ọhụnma ebe ị rị, egikwọlẹ wẹ dọn ẹnya.

Maịka 7:5

Egikwọlẹ onyẹ ịyụ lẹ ya gba a wị dọn ẹnya; egikwọlẹ ọwụ ị dọn ẹnya; marịnkwọ ihiẹn y'e ku ebe nwunyẹ i rị.

Matiu 24:23

“Ogẹn hụ, onyẹ sị ụnụ, ‘Lee Kraịstị ebeni!’ Mọbụ ‘Lee ẹ ebẹhụ,’ ekwerikwọlẹ ni.

Samuẹlụ Nke Ibuzọ 18:17

Ya Sọlụ nọ sị Defidi, “Lee nwa m okpoho-kanị wụ Mẹrabụ, m k'e ye i y'ẹ lụrụ. Ka wụsọnmẹ odogun-agha m, lụsọnmẹ agha Osolobuẹ.” Sọlụ rị a sị enwẹn ẹ, “Emẹtụkọ m'a ẹka; ndị Filistia wụ ndị-iṅẹnrẹn ẹnyi wẹ gbu ẹ imẹ agha.”