Itẹn 25:25 - Ika

²⁵ Ozi rị mma gha alị teni bịa nọ kẹ mirin jụ oyi wẹ raye ẹkpịrị kpọ nkụn.

Itẹn 25:25 ပူးပေါင်းရင်းမြစ်များ

Jẹnẹsisi 45:27

Kanị, ogẹn wẹ gi gwachanrịngụ a oku ile Josẹfụ gwa wẹ, lẹ ogẹn o gi hụn ụgbọ-anyịnyan ndị ahụn Josẹfụ buye wẹ d'e gi buhẹ ẹ, ndụn nọ banzị Jekọpụ nẹdi wẹ.

Samuẹlụ Nke Ẹbụọ 23:15

Ẹgụn mirin rị a gụn Defidi, ọ nọ sị, “K'o rị m a hụndẹ m onyẹ sikọ d'e jẹn ọmị rị ẹhụ ọnụ-mgbọn Bẹt'lẹhẹm d'e wẹhẹni m mirin ra!”

Ẹbụ-ọma 63:1

Osolobuẹ, ịyụ wụ Chuku m; m rị a chọ ị. Ẹgụn ị rị a gụn m rịkẹ mirin, ẹgụn ị rị a gụn ẹhụ m rịkẹ onyẹ rị alị ọkpọ-nkụn hụnlẹni mirin ra!

Ọpụpụ 17:6

M k'e wuzo ebẹhụ, ihun ụnụ ile, ẹhụ ọmụma ahụn rị Horẹbụ. Fịan ọmụma ahụn ọkpọ hụ; mirin k'a gha imẹ ẹ pụha nị wẹ ra.” Ya Mozizi nọ nọ idẹnya ndị-ichẹn Izrẹlụ mẹ ẹrịra.

Itẹn 15:30

Ihun sụọ ịhịan ẹmụ, obi ibe ẹ a ghọghọ; ozi rị mma bịa, ndụn a ban ịhịan rudẹ ọkpụkpụ.

Itẹn 25:26

Ebe onyẹ ezi-omumẹ nọ kweyeni onyẹ eje-omumẹ, nọ kẹ ebe isi-mirin nọ gberụrụ mọbụ ebe eje-ihiẹn nọ ban imẹ ọmị.

Azaya 52:7

Ụkụ ndịnị fetula ugu arịka mma-o! Ụkụ ndị ahụn wela ozi rị mma! Ndị bịa d'e ku ni ihiẹn a rịgụọ mma, ndị wẹhẹ ozi rị mma, ndị rị a hị nị nzụọpụha a bịagụọ, ndị rị a sị ndị Zayọnụ, “Chuku ụnụ wụ eze!”

Azaya 55:1

Bịa nị, ụnụ ile ẹgụn mirin rị a gụn, bịa nị ebe mirin rị; kẹ onyẹ ọwụlẹ gilẹni egho, bịa nị d'e ṅọnrin ihiẹn-oriri ri! Bịa d'e ṅọnrin manya lẹ mirin-ẹran ọfẹ, onwọnni ihiẹn ụnụ k'a kụ!

Jerimaya 18:14

Mirin-ọchan wụ sno e ziẹnjun imẹ alị Lẹbanọnụ, hụn rịsọnmẹ mkpọtu ugu Lẹbanọnụ e dẹnpụdẹ nwan edẹnpụ ra — mirin oyi hụn gha ebẹhụ tegbu enwẹn ẹ huhẹ, e huhẹbehi e huhẹbehi?

Nahum 1:15

E lee ni ụkụ onyẹ rị elu ugu gi ozi rị mma lala! Ọ hụ e yi, “Ihiẹn ile a rịgụọ mma! Ndị Juda mẹmẹzi ni mmẹmmẹ ụnụ! Mẹni ni nwan Osolobuẹ nkwa ụnụ kwe ẹ; ndị-ejẹ ahụn amayekọzị ụnụ! Wẹ k'e tikpọchanrịn wẹ!”

Jọnụ 7:37

Ụhụọhịn ikpanzụụn mmẹmmẹ hụ, hụn wụ ụhụọhịn kachanrịn mkpa, Jesu nọ wuzo ọtọ, yi, “Onyẹ ẹgụn mirin rị a gụn, ya bịa d'e kunrun m n'ọ ra!

Ndị Rom 10:15

Nanị w'a dọn ku oku ẹ omẹni e zijẹnni wẹ ndị-ozi? Ya kẹ Ẹkụkwọ-nsọ gi sị nị “Ụkụ ndị wẹhẹ oziọma a rịka mma!”

Timoti Ibuzọ 1:15

Okuni wụ ezioku furu w'a nabanhanchanrịn: “Kraịstị wụ Jizọsị bịa imẹ ụwa d'a zụọpụha ndị njọ” hụn o mẹ ni mmẹ kachanrịn njọ imẹ wẹ ile.

Joshụa 22:33

Ozi wẹ nọ jun ndị Izrẹlụ ẹfọ, a ja wẹ Osolobuẹ mma; ekuzini wẹ oku ịlụsọn wẹ agha tikpọ alị hụ ndị Rubẹni lẹ ndị Gadị bi.

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.