Itẹn 24:13 - Ika

¹³ Nwa m, ra mirin-ẹnwụn, makẹni ihiẹn rị mma rọ; mirin-ẹnwụn gha ọgba-ẹnwụn a tantu a sụọ ụsụọ ọnụ:

Itẹn 24:13 ပူးပေါင်းရင်းမြစ်များ

Ẹbụ-ọma 119:103

Ihiẹn i ku a sụọka m ụsụọ ọnụ, sụọkarịdẹ mirin-ẹnwụn!

Ẹbụ-ọma 19:10

Uwẹ kadẹ goru mkpa a rị, kẹ ezigbo goru bu ọda; uwẹ kazị mirin-ẹnwụn a sụọ — kadẹ mirin-ẹnwụn wẹ buchelẹni ihiẹn ọzọ hụn rị a gha ọgba mirin-ẹnwụn a tantu.

Itẹn 16:24

Oku rị mma wụ ọgba-ẹnwụn — ọ sụọ umẹ-ndụn ịhịan ụsụọ, e mẹ ọkpụkpụ a a rị ikẹn.

Itẹn 25:16

Ị hụn mirin-ẹnwụn, rahụ hụn k'e jun i ẹfọ — amamgbe y'a rakarị enwẹn i, gbọpụ a.

Itẹn 25:27

Ọrịnị mma nị ịhịan raghafe mirin-ẹnwụn okẹn, mọbụ nị ịhịan a chọsọnmẹ onyẹ k'e yen'ẹ ọghọ.

Itẹn 27:7

Onyẹ ẹfọ jun kẹ mirin-ẹnwụn ghalẹni a sụọ ọnụ; kanị onyẹ ẹgụn rị a gụn, ihiẹn e lu ilu a sụọd'a ụsụọ ọnụ.

Ẹbụ Solomọnụ 4:11

Nwunyẹ m, ụgb'ọnụ ị a sụọka ụsụọ; ọ sụọ kẹ mirin-obobo; ọ hụ a tan kẹ ọgba mirin-ẹnwụn dọn a tan mirin-ẹnwụn. Mirin-ẹran lẹ mirin-ẹnwụn rị ị okpuru ire. Ẹwuru i rị e kun fuẹin kẹ alị Lẹbanọnụ.

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Azaya 7:15

Nwata hụ k'e ri mirin-ẹran kpụkpụrụnị lẹ mirin-ẹnwụn hụn jẹnkọ d'e jun ụzọ ile ogẹn o gi ru ogo ịmarịn njọ lẹ mma,

Matiu 3:4

Ẹwuru wẹ gi ẹṅẹnrẹn anyịnyan-mkpukpuke wụ kamẹlụ mẹmẹ kẹ Jọnụ e yi; akpụkpọ-anụ kẹ wẹ gi mẹmẹ akpụkpọ-ukun ẹ; igurube lẹ mirin-ẹnwụn rị ọfịa k'o ri.

Ndị Han Eṅẹn 14:9

Ọ nọ gi ẹka gwọrị a, rakọ a, jẹnkọ. Ogẹn o gi kunrun nẹdi ẹ lẹ nnẹ ẹ, ọ nọ yebeye wẹ, wẹ nwẹn nọ ra. Kanị ọ gwanị wẹ nị imẹ ozun ẹwọrọ k'ọ gha gwọrị ya wụ mirin-ẹnwụn.

Samuẹlụ Nke Ibuzọ 14:27

Kanị Jonatanị anụnị nị nẹdi ẹ ye wẹ ẹfan Osolobuẹ kun, ọ nọ rụ ọkpọ rị a ẹka ye imẹ ụlọ-ẹnwụn, ra mirin-ẹnwụn. Ọ ragụ a, ndụn nọ ban a.