23 Ṅọnrin ezioku; erekwọl'a; ṅọnrin amamihiẹn, ọzụnzụn lẹ nghọta.
Eziẹ, iwu i ka m a sụọ karị goru, karịdẹ goru rịgbu enwẹn ẹ mma.
Iwu gha ị ọnụ pụha ka m mkpa karị egho, karị akpụrụ goru lẹ siliva nnụ bu ọda.
Ndịnị wụ itẹn Solomọnụ: Nwa marịn ihiẹn e wẹhẹni nẹdi ẹ ịghọghọ — kanị nwa nzuzu e wẹhẹni nnẹ ẹ ẹkwan.
Inwọnrin amamihiẹn ka mma karị inwọnrin goru; ịhanrịn nghọta ka mma karị ịhanrịn siliva!
Kịnị kẹ onyẹ-ẹwobi rị e yeni wẹ egho w'e gi kuzi ẹ amamihiẹn, ebe o mẹni uche arịa a ẹfọ?
Ndị nwọn uche a s'ẹka a marịn ihiẹn — ntịn ndị marịn ihiẹn a chọpụha amamihiẹn.
Ị jụgbọkwọ onyẹ-nlelịa, ize i a ban a; ka jụgbọ onyẹ nwọn uche, ihiẹn i a sụọma a.
Bịa nị, ụnụ ile ẹgụn mirin rị a gụn, bịa nị ebe mirin rị; kẹ onyẹ ọwụlẹ gilẹni egho, bịa nị d'e ṅọnrin ihiẹn-oriri ri! Bịa d'e ṅọnrin manya lẹ mirin-ẹran ọfẹ, onwọnni ihiẹn ụnụ k'a kụ!
“Alị-eze elu-igwee rị kẹ ihiẹn rị okẹn mkpa zueri imẹ alị imẹ ugbo, hụn onyẹ ohu hụn, ọ nọ zuemẹzi ẹ, gi ịghọghọ jẹn d'e rechanrịn ihiẹn ile o nwọn, ọ nọ bịa d'e ṅọnrin alị hụ.
Ọ hụn hụn ṅanran ọda-ọda, ọ nọ jẹn d'e rechanrịn ihiẹn ile o nwọn, bịa d'e ṅọnrin ẹ.
Elee erere k'ọ ban nị ịhịan e nwọnchanrịngụ ụwa ile, umẹ-ndụn a a nahịn a? Kị ịhịan sikọ d'e gi gbarị umẹ-ndụn a?
Ihiẹn m marịnhụ wụ nị Mmọn-nsọ hụ a gwa m'a imẹ obodo ọwụlẹ nị ngan lẹ nsọngbu rị e che m.
Ọ sị enwẹn ẹ nị mkpari lẹ nlegberi o k'a narịn makẹ Kraịstị wụ ezigbo akụ-lẹ-ụba hụn ka akụ-lẹ-ụba alị Ijiptu, makẹni o bu ẹnya zinmẹ ụgwọ-ọrụn lalanị.
“Kanị e gi wẹ ẹdeke Nwa-ebulu hụ lẹ oku wẹ gi shịan'a ẹri mẹri ẹ; ndụn wẹ a danị wẹ, e kweridẹ wẹ nị wẹ gbu wẹ.
M rị nwan a dụn ị ọdụn: ṅọnnarịn m ezigbo goru unyin rịlẹni, kẹni i hụn ụzọ wụrụ ọdanfịn nke-esi; ṅọnnarịn m ẹkwa ọchan yiri amamgbe w'a hụn ọtọ ị ahụn e mẹ ifẹnrẹn; ṅọnnarịnzị m ọgụn-ẹnya tụnye ẹnya, kẹni i leghama ụzọ.
