13 Egikwọlẹ ẹka alụlụa zụn nwata; i gbu ẹ mkpịnsịn, ọ nwụnkọ.
Onyẹ sị ọ fịankọ mkpịnsịn, ihiẹn nwa a ara sụọ a; kanị hụn ihiẹn nwa a a sụọ a zụn a, a zụnshi ẹ ikẹn.
Fịan nwa ị mkpịnsịn, n'o gighọ a rị mma; e yelẹni ọnwụn ẹka gbu ẹ.
Nzuzu-nzuzu rị nwata isi, kanị mkpịnsịn wẹ gi a zụn a a chụpụ a ya.
Bu obi i che ihiẹn wẹ rị a kuzi i, y'e bu ntịn ị che oku y'e gi marịn ihiẹn.
Mkpịnsịn lẹ ọjụgbọ e mẹ ịhịan e nwọnrin uche, kanị nwa wẹ latọ n'o mẹmẹ k'ọ sụọ k'a fa nnẹ ẹ.
Zụnkwọ nwa ị, kẹni o ru eki, o mẹ obi ru i alị, umẹ-ndụn ị e nwọnrin anwịnrịn.
E dingbu ni nwan afụnfụn, nị ọzụnzụn rọ. Osolobuẹ rị e mẹ ụnụ kẹ ụmụ a. Elee nwa kẹ nẹdi ẹ ghalẹni e ye afụnfụn ebe ọ n'a zụn a?
