Itẹn 22:23 - Ika

²³ Osolobuẹ k'e kinni wẹ ọnụ wẹ, narịngwarị ndị narịn wẹ ihiẹn.

Itẹn 22:23 ပူးပေါင်းရင်းမြစ်များ

Ẹbụ-ọma 103:6

Osolobuẹ a tụnị ndị wẹ rị a bịangbu ụya, e kinni wẹ ọnụ wẹ.

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 12:6

Ihiẹn ọwụlẹ Osolobuẹ ku wụchanrịn ihiẹn wẹ gi e dọn ẹnya; lekẹ siliva wẹ gi okẹn ọkụn chanchan, chanchan a mgbe ẹsa.

Ẹbụ-ọma 140:12

A marịnghọ m nị Osolobuẹ k'a hannị ndị wẹ rị e mẹgbu eṅẹn; ọ hụn a nị ndị mkpa gi e nwọnhẹn ihiẹn runi wẹ.

Ẹbụ-ọma 140:13

Ẹghẹẹ, ndị ezi-omumẹ k'a ja ẹfan ị mma; ndị obibi wẹ kụrụ ọtọ k'e bi ebe ị rị.

Ẹbụ-ọma 35:1

Bunụmanị wẹ, Osolobuẹ, dodo bunụmanị ndị bunụmanị m; lụsọn ndị rị a lụsọnni m!

Ẹbụ-ọma 35:10

Ihiẹn ile rị imẹ m jẹnkọ d'e yi, “Onyẹ nọ kẹ yụ wụ Osolobuẹ?! Y'a gbapụha ndị wẹ rị a bịangbu ẹka ndị rị a bịangbuni wẹ, a zụọpụha ndị wẹ rị e mẹgbu lẹ ndị wẹ rị e sọngbu ẹka ndị rị e mẹgbuni wẹ.”

Ẹbụ-ọma 43:1

Chuku, dodo shịanị m ẹri; kinni m ọnụ m ebe ndịnị marịnlẹni Chuku rị, zụọpụha m ẹka ndị-ntụ hụn e mẹgbu ịhịan —

Ẹbụ-ọma 68:5

Nẹdi ndị nwọnlẹni nẹdi k'ọ wụ, onyẹ hụn e kinni ikpoho di wẹ nwụn ọnụ wẹ: ịya kẹ Chuku hụn bi ebẹhụ rị nsọ wụ!

Ọpụpụ 22:22

“Emẹgbukwọlẹ ni okpoho di ẹ nwụn mọbụ onyẹ nwọnlẹni nẹdi mọbụ nnẹ.

Ọpụpụ 22:23

Ụnụ mẹ ẹ, n'a kwanghọsị wẹ m, m k'a nụrịrị ẹkwan wẹ.

Itẹn 21:7

Ẹka-ikẹn ndị eje-omumẹ k'a dọkpụnpụ wẹ lẹ enwẹn wẹ, makẹni ekweni wẹ mẹ ihiẹn rị mma.

Itẹn 23:11

makẹni Onyẹ Hụ e kinni wẹ ọnụ wẹ ze eze, o k'e sọn i dọ, kinni wẹ ọnụ wẹ.

Azaya 33:1

Nsọngbu rị e che i, yụ hụn e tikpọnị wẹ kelẹni tikpọ; ịyụ hụn e re ndị ọzọ bụ wẹ eke re i! I tikpọgụ, e tikpọ wẹ ịyụ nwẹn! I regụ ndị ọzọ, ndị ọzọ k'e rezikwọ ịyụ nwẹn.

Jerimaya 30:16

“Ufiri ẹ, m jẹnkọ d'e tikpọ ndị ile tikpọn'ị; wẹ k'a kpụnrụn ndị-iṅẹnrẹn i ile; ndị ile gbu i kwarị ihiẹn i, wẹ k'e gbuzikwọ wẹ kwarị ihiẹn wẹ; ndị ile zun i ohin, wẹ jẹnkọ d'e zun wẹ ohin.

Jerimaya 50:34

Kanị onyẹ a gbapụhanị wẹ ze e ze; Osolobuẹ ihiẹn ile rị okpuru ẹ wụ ẹfan a. O k'e kinni wẹ ọnụ wẹ ru isi ẹ, kẹn'o ye alị wẹ udọn, bu nsọngbu tọnị ndị bi Babilọnụ. “Osolobuẹ sị:

Jerimaya 51:36

Osolobuẹ rị nwan a sị Jerusalẹm, “M jẹnkọ d'e kun'i ọnụ ị, mẹgwarịn'ị; m k'e mẹ ohimin ẹ tahị, mẹ isi-mirin ẹ tahị.

Maịka 7:9

Nị m narịn afụnfụn Osolobuẹ ye m makẹ njọ m mẹ ẹ, d'e ru n'o leban ẹnya ọnọdị m, hannị mmẹ lẹ ndị o gi e ye m afụnfụn eṅẹn. O wepụhazị m ebe ukpẹ rị, a hụn m nzụọpụha a.

Habakọkụ 2:8

Makẹni ụnụ e gbugụọ ndị alị bu ọda kwarị ihiẹn wẹ, ndị họdụsọnmẹ alị ndị hụ k'e gbu ụnụ, kwarị ihiẹn ụnụ — makẹ ndị ụnụ gbu lẹ eje-ihiẹn ụnụ mẹ alị lẹ obodo rị ichẹn-ichẹn lẹ ndị bi imẹ wẹ.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Samuẹlụ Nke Ibuzọ 24:12

“Osolobuẹ ya hannị mmẹ lẹ ịyụ eṅẹn. Osolobuẹ ya mẹgwarị ị eje-ihiẹn i mẹ m, kanị emẹtụkọ m'ị ẹka.

Samuẹlụ Nke Ibuzọ 24:15

Osolobuẹ ya hannị mmẹ lẹ ịyụ eṅẹn. Ya leban oku m ẹnya, kuni m ọnụ m; ya zụọpụha m ẹka ị gi ghọsị nị emẹni m'i njọ!”

Samuẹlụ Nke Ibuzọ 25:39

Mgbe Defidi gi nụ nị Nabalụ a nwụnhụn, ọ nọ sị, “Ọjịja-mma ya rịnị Osolobuẹ, hụn mẹgwarịnị m Nabalụ ihiẹn-ụya o mẹ m. Osolobuẹ e gbọndọngụọ mmẹ wụ odibo ẹ emẹlẹ eje-ihiẹn, mẹ nwan Nabalụ gi isi ẹ buru eje-ihiẹn o mẹ.” Ya Defidi nọ zi ozi jẹnni Abigẹlụ sị a d'a wụrụ nwunyẹ ẹ.