Itẹn 21:8 - Ika

⁸ Obibi onyẹ njọ ara zinrin, kanị obibi onyẹ ẹka a rị ọchan kụrụ ọtọ.

Itẹn 21:8 ပူးပေါင်းရင်းမြစ်များ

Jẹnẹsisi 6:12

Osolobuẹ a hụngụọ a nị ụwa rụ arụ, makẹni ịhịan ile a mẹrụchanrịngụọ enwẹn wẹ imẹ ụwa.

Itẹn 15:26

Iroro onyẹ eje-omumẹ e ze Osolobuẹ ize, kanị ọnụ-ọma a sụọ a ụsụọ.

Itẹn 2:15

hụn a ghasọnmẹ ụzọ zinlẹni, e mẹ ghẹrẹ-ghẹrẹ-ghẹrẹ.

Itẹn 21:9

Ọ ka mma nị ịhịan kaperi nkọ ohu elu ụlọ karị isọn nwunyẹ e kpe ikpe-ikpe biri mmụlọ.

Itẹn 30:12

O nwọnghọ ndị hụn e ro ni wẹ rị ọchan bụ wẹ e ke sụpụ wẹ nsịn hụn ru wẹ unyin.

Ẹkịliziastisi 7:29

Ọnwan sụọ kẹ m chọpụha: Kẹ Chuku ke ịhịan, ịhịan zinrin ezinrin, kanị ihiẹn bu ọda kẹ ịhịan rị nwan e ro.”

Ẹkịliziastisi 9:3

Ọnwan wụ eje-ihiẹn hụn rị ihiẹn ile e mẹ elu-ụwa: Ihiẹn ohu ahụn e kunrun ịhịan ile. Obi ịhịan nkẹ wụzịkwọ eje-ihiẹn eje-ihiẹn, ẹra rị wẹ obi e we wẹ bigụ, omẹgụ, a laburu wẹ ndị nwụnnị.

Azaya 26:7

Ụzọ onyẹ ezi-omumẹ e riẹn eriẹn; Euu Onyẹ Hụn Kụrụ Ọtọ, y'e mẹ ụzọ e riẹnni onyẹ ezi-omumẹ.

Azaya 59:8

Amarịn wẹ ihiẹn udọn wụ; mmẹgbu kẹ wẹ gi marịn wẹ; ụzọ nkikọn kẹ w'a gha — onwọnni onyẹ a gha ụzọ wẹ obi e ru alị.

Daniẹlụ 12:10

Ndị bu ọda jẹnkọ d'a chanchan enwẹn wẹ, a wụrụ wẹ ndị nwọnlẹni nkọrịanị, a chanchan wẹ wẹ kẹ w'a chanchan goru, kanị ndị eje-ịhịan k'e mẹsọnmẹ eje-ihiẹn. Onwọnni onyẹ e mẹ eje-ihiẹn k'a ghọtanị, kanị ndị marịn ihiẹn k'a ghọta.

Matiu 12:33

“I mẹmẹ osisi n'ọ rị mma, mkpụrụ a a rị mma; i mẹmẹ osisi n'ọ jọ njọ, mkpụrụ a a jọ njọ. Makẹni, mkpụrụ osisi kẹ wẹ gi a marịn a.

Matiu 5:8

Ngọzi wụ nke ndị obi wẹ rị ọchan, makẹni wẹ sikọ d'a hụn Osolobuẹ.

Ọrụn Ndị-ozi 15:9

Onwọnni ihiẹn ọ sị n'ọ rị ichẹn ẹgbata ẹnyi lẹ wẹ, makẹni o gigụọ okukwe chanchan obi wẹ.

Ndị Kọrẹntị Ibuzọ 3:3

Makẹni echẹn kẹ ụnụ rịkwọ e bi kẹ ịhịan-mmaka. Ẹghẹẹ, ebe ẹnya-ụfụ lẹ ikpe rị imẹ igunrun ụnụ, ụnụ anọnị kẹ ndị nwọnlẹni Mmọn-nsọ? Ẹlẹ agụngụn ịhịan-mmaka kẹ ụnụ rị a gụn?

Taịtọsụ 1:15

Ẹnya ndị obi wẹ rị ọchan, ihiẹn ile rị ọchan, kanị ẹnya ndị rụnị lẹ ndị gilẹni oku Osolobuẹ dọn, ihiẹn ile rụ arụ — kẹ uche wẹ kẹ ịhọrị wẹ rụzịdẹ arụ.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Taịtọsụ 3:5

ọ nọ zụọpụha ẹnyi, ẹlẹ ihiẹn rị mma ẹnyi mẹ haịn, kanị, omikẹn ẹ; o gi ịmụdọnzini ẹnyi chanchan ẹnyi, o mẹ ẹnyi wụrụ ndị ọhụn ghahanị Mmọn-nsọ,

Jọnụ Ibuzọ 2:29

Omẹni ụnụ a marịnghọ n'ọ rị ọchan, gi n'ẹ marịn nị ịya mụ onyẹ ọwụlẹ e bi obibi rị ọchan.

Jọnụ Ibuzọ 3:3

Ndị ile nwọn olilẹnyanị imẹ obi wẹ e dọnmẹ enwẹn wẹ ọchan kẹ ya lẹ enwẹn ẹ dọn rị ọchan.