6 Akụ-lẹ-ụba wẹ gi ntụ kpa wụhụ igirigi e fopụnị lẹ ọnyan e gbuni.
Eje akụ-lẹ-ụba ara ban erere, kanị ezi-omumẹ a gbapụha ịhịan ẹka ọnwụn.
Eje-egho e gi ẹrẹtẹ-ẹrẹtẹ a la, kanị hụn wẹ kpa ẹkẹrẹ-ẹkẹrẹ a ba ọbụba-ọbụba.
“O runi kaka! Ọ ṅanranka!” Ya kẹ onyẹ rị e ṅọnni e ku — kanị ọ pụ, ọ nyanma isi n'o ṅọnkẹ ẹ ọhụnma.
Akụ-lẹ-ụba wẹ gi ẹnya-uku nwọnhẹn, arịkọnị ịhịan mma isi-njẹndemẹ.
Onyẹ hụn a kụn eje-omumẹ k'a ghọrị nsọngbu, ọkpọ hụn o gi a kpa ikẹn ahụn k'a kpagi.
Wezụkachanrịn ẹro lẹ ntụ ebe m rị; anịlẹ m dan ogbẹnnyẹ mọbụ hi ọdanfịn, ka e ye m hụ ihiẹn e zu m e ri ụhụọhịn-ụhụọhịn.
Kanị onyẹ ọwụlẹ nwọnhẹnlẹni m rị a rụ enwẹn ẹ ẹhụ; ndị ile ize m e ze, ọnwụn rị a sụọ wẹ a sụọ.”
Nnụnụ hụn e zuru ẹkwan o yilẹni d'e gbu — lẹ onyẹ e gi mmẹgbu a kpa egho wụ ohu; o gini d'e bi ebi, egho a la; ikpanzụụn, a hụn w'a n'ọ wụ nzuzu.
Ma nị nwan eje-ihiẹn ile ụnụ rị e mẹ tuhu; nwọnrin ni obi ọhụn lẹ mmọn ọhụn. Kị ụnụ k'a nwụnnị, ụnụ ndị Izrẹlụ?!’
O furu ni wẹ kpukin wẹ ọnụ! Makẹni, wẹ rị e gi ihiẹn ahụn furulẹni wẹ gi ufiri egho a kuzi a sụkpọsọnmẹ ikpụlọ.
Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!
