Itẹn 21:21 - Ika

²¹ Onyẹ hụn a chọ ezi-omumẹ lẹ ihiẹn-ọsụsụọ a hụn ndụn, aghamihun lẹ ọghọ.

Itẹn 21:21 ပူးပေါင်းရင်းမြစ်များ

Ẹbụ-ọma 112:4

Ukpẹ e nwunni ndị kụrụ ọtọ imẹ ishi, ndị hụn e mẹ omikẹn lẹ ẹfọma, ndị e mẹ ihiẹn furuni.

Itẹn 10:16

Erere ndị ezi-omumẹ wụ ndụn, kanị erere ndị eje-omumẹ wụ afụnfụn njọ.

Itẹn 11:19

Ezigbo onyẹ ezi-omumẹ e nwọnhẹn ndụn, kanị onyẹ hụn a chụsọn eje-ihiẹn a la mmọn.

Itẹn 15:9

Ụzọ ndị eje-omumẹ wụ arụ ẹnya Osolobuẹ, kanị ndị a chụsọn ezi-omumẹ a sụọ a ụsụọ.

Itẹn 22:4

Iwelụa-enwẹn ịhịan alị lẹ ịtụ-egun Osolobuẹ e wẹhẹ akụ-lẹ-ụba, ọghọ lẹ ndụn.

Itẹn 3:22

Kẹni wẹ hụn ụzọ wụrụnị ị ndụn, wụrụnị ị ihiẹn-olu wẹ gi chọ ị mma.

Azaya 51:1

Osolobuẹ sị: Gọn ni m ntịn, ụnụ ile hụn a chọ nị ihiẹn rịzị k'o furu — ụnụ ndị rị a chọ nke Osolobuẹ: Bu ni nwan ẹnya ọmụma hụ wẹ gha bepụha ụnụ lẹ ebahụn wẹ nọ bepụha ụnụ.

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Matiu 5:6

Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Ndị Rom 14:19

Nị ẹnyi a chọ nị nwan ihiẹn ẹnyi lẹ ibe ẹnyi e gi bi udọn, e sue imẹ okukwe.

Ndị Kọrẹntị Ibuzọ 15:58

Ezi umunẹ m, turu ni nwan; emẹhunmẹlẹ ni; a rụn nị ọrụn Di-nwọnni-ẹnyi a rụnwaye, ebe ụnụ marịn nị ọrụn ụnụ rụn imẹ Di-nwọnni-ẹnyi alakọ iwi.

Ndị Filipi 3:12

Ẹlẹni e nwọnhẹngụọlẹ m ihiẹn ahụn mọbụ nị e zuchanrịngụọlẹ m oke. Kama, m'a chụshi ẹ ikẹn, kẹni m nwụndọn ihiẹn hụ Kraịstị wụ Jizọsị gi ufiri ẹ nwụndọn m.

Ndị Tẹsalonika Ibuzọ 5:21

kama, e lele ni ihiẹn ile, ụnụ e kwọnkẹnmẹ hụn rị mma.

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Nke Ẹbụọ 2:22

Jụchanrịn ihiẹn a la ikorọbịa lẹ ịgbagba ẹnya; chụma ezi-omumẹ, okukwe, ihiẹn-ọsụsụọ lẹ udọn, e sọn ndị gi obi rị ọchan a kpọku Di-nwọnni-ẹnyi.

Hibru 12:14

A lịlịma nị nị udọn a rị ẹgbata ụnụ lẹ ịhịan ile lẹ ni ụnụ a rịzị nsọ, makẹni onyẹ rịlẹni nsọ ahụnkọ Onyẹ-nwọnni-ẹnyi.

Pita Ibuzọ 1:7

wẹ rị e gi wẹ a ghọsị nị okukwe ụnụ wụ ezigbo ẹ, makẹni okukwe ụnụ ka goru mkpa bụ wẹ e gidẹ ọkụn e lele goru — ọsụọn'a nị goru e wiwi ewiwi! Wẹ rị e lele okukwe ụnụ, kẹni wẹ ja ụnụ mma ogẹn Jizọsị e gi bịa, ye ụnụ ọghọ lẹ mgbaye.