12 Ntịn a nụ ihiẹn lẹ ẹnya e legha ụzọ — Osolobuẹ mẹmẹ wẹ ẹbụbụọ.
Shịapụ m ẹnya, nị m hụn okẹn-ihiẹn rịsọnmẹ iwu i.
Onyẹ hụn bu ntịn che ịhịan ẹhụ, ọ nụkọ ihiẹn? Onyẹ hụn mẹmẹ ẹnya ịhịan, o leghakọ ụzọ?
Osolobuẹ nọ sị a, “Onyẹ ye ịhịan ọnụ? Onyẹ e mẹ ịhịan anụlẹ ihiẹn mọbụ ekulẹ oku? Onyẹ e mẹ ẹ legha ụzọ mọbụ họnrin ẹnya-ishi? Ẹlẹ mmẹ wụ Osolobuẹ rọ?
Onyẹ marịn ihiẹn jụgbọ onyẹ a nụ ihiẹn, ọ nọ kẹ onyẹ wẹ yimẹ ihiẹn-ntịn goru mọbụ ihiẹn ọzọ wẹ gi ezigbo goru mẹmẹ.
O ru ogẹn ahụn, ndị odin jẹnkọ d'a nụ ihiẹn wẹ rị a gụnnị wẹ imẹ ẹkụkwọ; ndị ẹnya-mpịn rị imẹ ụya lẹ ẹkpa-ishi e leghama ụzọ.
M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’
Omẹni ẹhụ ile te wụ ẹnya-ẹnya, kẹ nkẹ o gi nụ ihiẹn? Omẹni ẹhụ ile te wụ ntịn-ntịn, kẹ nkẹ o gi nụ ishin?
