26 Onyẹ kpari nẹdi ẹ, chụpụ nnẹ ẹ wụ nwa ịfa lẹ ụya.
Ndịnị wụ itẹn Solomọnụ: Nwa marịn ihiẹn e wẹhẹni nẹdi ẹ ịghọghọ — kanị nwa nzuzu e wẹhẹni nnẹ ẹ ẹkwan.
Onyẹ hụn gi ogẹn anwụn a ghọkikomẹ ihiẹn-ugbo wụ nwa nwọn uche, kanị hụn a ranhịn ogẹn wẹ gi e we ihiẹn-ugbo wụ nwa ụya.
Odibo nwọn uche k'a kị nwa e mẹ ihiẹn-ifẹnrẹn, o k'e sọn ndị ikpụlọ hụ keri ukuu nọkẹ nwẹnẹ.
Nwa nzuzu e wẹhẹni nẹdi ẹ ụfụ, e mẹ nnẹ mụn'a a kwan ụya.
Nwa m, i gọnbehi ntịn nkuzi, y'a ghabehi ụzọ amamihiẹn.
Onyẹ hụn a kpachanpụ ẹnya e bi ogẹn ile e nwọnkẹ ngọzi, kanị hụn a gba isi-akwanran a danban eje-ihiẹn.
Onyẹ hụn e zun nẹdi ẹ mọbụ nnẹ ẹ ohin, sị, “Ẹlẹ njọ” — lẹ onyẹ e tikpọ ịhịan wụ ohu.
Onyẹ e dọnmẹ Iwu-Osolobuẹ wụ nwa nwọn uche, kanị hụn e sọn ndị okẹn ihiẹn-oriri e gbe ifẹnrẹn e ye nẹdi ẹ ihun.
O nwọnghọ ndị a kpọ nẹdi wẹ iyi, agbọ ghalẹni a gwa nnẹ wẹ oku rị mma.
“Ẹnya hụn a mụ nẹdi ẹ ẹmụ, e legberi oku nnẹ ẹ, nnụnụ rị ọdanmgbugbu k'a gụpụha a, ụmụ udele e ri ẹ.
Kanị, nwa ị nị gigụ ihiẹn i ile bu ịgbaraja a lụa nwan, y'e gbun'ẹ nwa-efin hụ kachanrịn mma ẹnyi zụntọ!!’
