Itẹn 19:21 - Ika

²¹ Ịhịan e rotọ ihiẹn bu ọda, kanị uche Osolobuẹ wụ ihiẹn hụn k'e mẹni.

Itẹn 19:21 ပူးပေါင်းရင်းမြစ်များ

Jẹnẹsisi 50:20

Eje-ihiẹn kẹ ụnụ te mamanị m, kanị ihiẹn rị mma kẹ Osolobuẹ bu obi imẹ ẹ kẹni o gi ẹ rụnpụha ihiẹnni rị e mẹ kikẹnni: hụn wụ ịgbapụha ndụn ndị bu ọda.

Samuẹlụ Nke Ẹbụọ 17:14

Absalọm lẹ ndị Izrẹlụ ile nọ sị, “Iroro Hushaị onyẹ Aki tụ ka nke Ahitofẹlụ mma.” Ihiẹnni mẹ makẹni ịya kẹ Osolobuẹ kwademẹ n'o gi ẹ kpọrọpụ ezigbo iroro hụ Ahitofẹlụ tụ, kẹn'ọ hụn ụzọ mẹ Absalọm okẹn-ihiẹn.

Ẹsta 9:25

Kanị, mgbe Ẹsta gi jẹnburu eze, eze nọ ti iwu, detu ẹ, sị wẹ hụn a nị eje-ihiẹn ahụn Hamanị romẹni ndị Ju nọ isi ẹ bi, sịzịkwọ wẹ hogbu Hamanị, kọn ẹhụ ụmụ a ikẹnnyẹ ye ihiẹn wẹ gi e hogbu ịhịan.

Jobu 23:13

Okusị-ọgụ k'ọ wụ; onyẹ k'a jụ a ihiẹn ọwụlẹ? Ihiẹn sụọn'a k'o mẹ.

Ẹbụ-ọma 21:11

Ọsụọn'a nị wẹ romẹn'i eje-ihiẹn, mama eje-ihiẹn, ọ ghakọ.

Ẹbụ-ọma 83:4

Wẹ hụ a sị ibe wẹ, “Bịa nị, nị ẹnyi tikpọ alị wẹ la iwi, kẹni ẹfan Izrẹlụ gụ!”

Itẹn 12:2

Ọhụnma kẹ Osolobuẹ e mẹni ezigbo ịhịan, kanị ikpe kẹ Osolobuẹ a ma onyẹ ẹro.

Itẹn 16:1

Ịhịan nwọn ikẹn rotọ ihiẹn ọ chọ n'o ku, kanị ihiẹn Osolobuẹ chọ kẹ ọnụ ịhịan k'e ku.

Itẹn 16:9

Ịhịan nwọn ikẹn rotọ ihiẹn ọ chọ n'o mẹ, kanị ụkụ ịhịan e jẹn ebe Osolobuẹ chọ.

Itẹn 19:22

Ịhịan chọ onyẹ wẹ gi e dọn ẹnya; ọ ka mma n'ị wụ ogbẹnnyẹ karị n'ị wụ onyẹ-ntụ.

Itẹn 21:1

Akpobi eze nọkẹ mirin rị e huni ẹka Osolobuẹ — Ebe ọwụlẹ sụọ Osolobuẹ k'o mẹ ẹ e shi.

Itẹn 21:30

Onwọnni amamihiẹn mọbụ nghọta mọbụ ndụnmọdụn hụn wẹ gi e mẹri Osolobuẹ.

Ẹkịliziastisi 7:29

Ọnwan sụọ kẹ m chọpụha: Kẹ Chuku ke ịhịan, ịhịan zinrin ezinrin, kanị ihiẹn bu ọda kẹ ịhịan rị nwan e ro.”

Azaya 14:24

Osolobuẹ hụn nwọn ikẹn ile e kunọlẹ enwẹn ẹ, ọ sị, “Ihiẹn k'e mẹrịrị kẹ m dọn chọ a; ihiẹn m rotọ k'a bụnrịrị.

Azaya 46:10

M'a nọ mbidọn e ku ọgụgụ, e mẹ ndị mbụ-mbụ a marịn ihiẹn rị ihun. M sị: “Ihiẹn hụn m bu obi k'e mẹrịrị; m k'e mẹchanrịn ihiẹn ile m chọ nị m mẹ.”

Jerimaya 44:29

Osolobuẹ sịzị, ‘M jẹnkọ d'e mẹ ihiẹn ụnụ e gi marịn nị m k'e ye ụnụ afụnfụn ebeni, kẹni ụnụ marịn nị ẹlẹ m rị e ku ẹ mmaka nị m k'e mẹ ụnụ ihiẹn.

Izikẹlụ 20:32

“Ihiẹn hụ ụnụ rị e ro aghakọ, ihiẹn hụ ụnụ rị a sị enwẹn ụnụ, ‘Nị ẹnyi nọ kẹ alị ndị ọzọ, ebọn ndị rị alị ndị ọzọ, ndị hụn e fe mkp'osisi lẹ ọmụma.’

Daniẹlụ 4:35

Ndị ile bi elu-ụwa enwọn kẹ wẹ han ebe ọ rị. Ihiẹn sụọn'a k'o mẹ — kẹ ebe ikẹn ndị rị elu-igwee rị kẹ ebe ndị rị elu-ụwa rị. Onwọnni onyẹ a sa ẹka e gbọndọn ẹ mọbụ sị a: “K'i mẹni ihiẹnni?”

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Pita Ibuzọ 2:8

Ọ wụrụgụọzị “Ọmụma w'a kpọgburu; nkumẹ a han wẹ a dan.” Agbayeni wẹ oku hụ haịn wẹ gi kpọgburu kẹ wẹ dọn detọnị wẹ ya.

Judu 1:4

Makẹni, o nwọnghọ ndị ghalẹni a tụ egun Osolobuẹ hụn gi nzuzue banhan imẹ igunrun ẹnyi, ụdị ịhịan Ẹkụkwọ-nsọ kutọgụ afụnfụn rị e cheni wẹ; ndị gi ẹfọmanị Osolobuẹ mẹ e họnrin oghere wẹ gi e bi eje-obibi, a jụdẹ Jizọsị Kraịstị hụn ịya sụọ wụ Onyẹ nwọn ihiẹn ile lẹ Di-nwọnni-ẹnyi.