Itẹn 19:14 - Ika

¹⁴ Nẹdi ịhịan e ye ẹ ụlọ lẹ ihiẹn ndị ọzọ, kanị ẹka Osolobuẹ kẹ ezigbo nwunyẹ gha a bịa.

Itẹn 19:14 ပူးပေါင်းရင်းမြစ်များ

Jẹnẹsisi 24:44

nị nwagbọọ hụ a sị m, “Ra; m k'e yezi anyịnyan ị ra” ya wụrụ hụn Osolobuẹ dọnmẹni nwa nna m.’

Jẹnẹsisi 24:7

Osolobuẹ, Chuku hụn rị elu-igwee, hụn gha iwe nẹdi m lẹ alị wẹ nọ mụ m wepụha m, hụn gwa m oku, kun enwẹn ẹ gi kwe m nkwa, sị, ‘M k'e ye ụmụ ị alịnị’, ịya jẹnkọ d'e zi mmọn-ozi ẹ n'ọ kwan'ị ụzọ, y'a hụn ụzọ lụhanị nwa m nwunyẹ ebẹhụ.

Itẹn 13:22

Onyẹ-ọma a latọnị ụmụ-ụmụ a ukuu, kanị ẹka ndị ezi-omumẹ kẹ akụ-lẹ-ụba onyẹ-njọ a lashi.

Itẹn 18:22

Onyẹ hụn nwunyẹ a hụngụọ ihiẹn rị mma, o nwọnhẹngụọ ihiẹn rị mma ẹka Osolobuẹ.

Itẹn 3:6

Imẹ ihiẹn ile y'e mẹ, jụgụ a ọnụ, o k'a kwan'ị ụzọ.

Ndị Kọrẹntị Nke Ẹbụọ 12:14

Lee n'ẹ, a kwademẹgụọ m nwan nị m lala d'a hụn ụnụ nke mgbe ẹtọ. Kanị m bịa, anakọ m ụnụ ihiẹn ọwụlẹ makẹ m gha e mẹ ụnụ ibu olu. Makẹni, ụnụ kẹ m chọkọ, ẹlẹ ihiẹn ụnụ. Ẹghẹẹ, ẹlẹ ụmụ a kpatọnị ndị mụnị wẹ, ndị mụnị wẹ nwọn a kpatọnị wẹ.

Ditrọnọmi 21:16

o kemẹni ụmụ a ikẹnnyẹ ukuu ẹ, y'e wekwọlẹ ihiẹn ru nwa-ibuzọ hụn wụ nwa okpoho hụ ihiẹn ẹ rịlẹni a sụọ a ye nwa okpoho ahụn ihiẹn ẹ a sụọ a.

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Joshụa 11:23

Ẹrịra kẹ Joshụa dọn weri alị hụ ile, kẹ Osolobuẹ dọn gwa Mozizi; Joshụa nọ we ẹ ye ndị Izrẹlụ n'ọ wụrụ ukuu wẹ, kẹ ebọn-ebọn rịsọnmẹ. Ya alị nọ zu ikẹn agha.

Samuẹlụ Nke Ibuzọ 25:3

Ẹfan okẹnnyẹni wụ Nabalụ; ẹfan nwunyẹ ẹ wụ Abigẹlụ. Abigẹlụ ma mma-ẹhụ, nwọn uche, kanị di ẹ wụ Nabalụ, onyẹ ẹbozo Kalẹbụ, nwọn eje-obi, ẹlẹ ezigbo ịhịan.