Itẹn 18:5 - Ika

⁵ Ọrịnị mma nị wẹ nị onyẹ mẹ njọ ri eṅẹn mọbụ nị wẹ ma onyẹ mẹlẹni njọ ikpe.

Itẹn 18:5 ပူးပေါင်းရင်းမြစ်များ

Jobu 34:19

Ẹlẹ ịya wụ onyẹ hụn ghalẹni e gbeyeni ndị-ọkịkị, onyẹ hụn ghalẹni emẹyeni ọdanfịn a hapụ ogbẹnnyẹ, makẹni ya mẹmẹ wẹ ile?

Ẹbụ-ọma 82:2

Ọ sị wẹ: “Elee mgbe kẹ ụnụ a hanbehi eje-eṅẹn elee mgbe kẹ ụnụ e gbeyebehini ndị-njọ?! Sẹla

Ọpụpụ 23:2

“Emẹkwọlẹ eje-ihiẹn makẹni ndị bu ọda rị e mẹ ẹ. Ashịakwọlẹ ẹri ntụ nuzụka ezioku makẹni ị chọkọ nị oku yụ lẹ ndị ka ọda dangbama;

Ọpụpụ 23:3

egbeyekwọlẹni ịhịan yeni n'ọ wụ ogbẹnnyẹ.

Ọpụpụ 23:6

“Egikwọlẹ nị ịhịan wụ ogbẹnnyẹ hangbu ẹ eṅẹn.

Itẹn 17:15

Ịsị nị ikpe amanị onyẹ mẹ njọ lẹ ịma onyẹ mẹlẹni njọ ikpe — wẹ ẹbụbụọ wụ arụ ẹnya Osolobuẹ.

Itẹn 17:26

Ọrịnị mma nị wẹ ye onyẹ mẹlẹni eje-ihiẹn afụnfụn mọbụ fịan onyẹ gi ọkwa mkpịnsịn makẹni o ku ezioku.

Itẹn 24:23

Ndịnị wụzịkwọ ihiẹn ndị nwọn amamihiẹn ku: Igbeyeni ịhịan arị mma:

Itẹn 28:21

Igbeyeni ịhịan ajọka njọ: bụ ịhịan e mẹdẹ eje-ihiẹn makẹni a ghagụọ wẹ azụụn ye wẹ ẹkẹrẹ brẹdi.

Itẹn 31:5

amamgbe w'a ragụ, a zọ wẹ ihiẹn iwu ku, napụsọnmẹ ndị igbẹnnyẹ ihiẹn runi wẹ.

Azaya 5:23

hụn a narịn ọgị-azụụn a hatu onyẹ ikpe ma, a hangbu onyẹ ẹka a rị ọchan eṅẹn.

Azaya 59:14

Wẹ ile kẹ ẹnyi gi chụkin ezigbo eṅẹn azụụn, a chụzụka ezi-omumẹ; ezioku nkẹ hụ a lụ ọnwụn ọgbara-ogbe, ihiẹn kụrụ ọtọ ara s'ẹka banhandẹ ọgwa.

Lẹvitikọsụ 19:15

“Ebulẹ ikpe ma onyẹ ikpe malẹni; egbeyelẹni ogbẹnnyẹ mọbụ kuyeni okẹn-ịhịan, ka hannị ibe i eṅẹn ọhụnma.

Maịka 3:9

Gọnkwọ nị ntịn, ụnụ ndị-isi ebọn Jekọpụ! Ụnụ ndị-ọkịkị Izrẹlụ! Ụnụ ndị ezigbo eṅẹn e ze ize, hụn e bu ihiẹn ile kụrụ ọtọ isi a kpọma alị,

Maịka 7:3

Wẹ ile buchanrịn ẹka ẹbụbụọ che eje-ihiẹn, ọ hụ a gha wẹ ẹka. Ndị isi hụ e gi ọnụ a dọ egho-azụụn, ndị ọka-ikpe hụzị a na; Ndị uku hụ e gi ọnụ wẹ a chọ nke wẹ; wẹ ile hụ e kịgbama e mẹ eje-ihiẹn.

Matiu 22:16

Wẹ nọ zijẹn ndị nsọnmazụụn wẹ lẹ ndị itu Hẹrọdụ d'a jụ a ụtaanị: “Onyẹ-nkuzi, ẹnyi a marịnghọ n'ị wụ onyẹ ezioku, nị ị rị a kuzi ụzọ Osolobuẹ k'o furu, nị egun ịhịan ara tụ ị, y'a ra lee ịhịan ẹnya ihun.

Ditrọnọmi 16:19

Ahanjalẹ ni eṅẹn mọbụ gbeyeni ịhịan. Anakwọlẹ ni egho-azụụn, makẹni egho-azụụn e kpukin onyẹ marịn ihiẹn ẹnya, e mẹ onyẹ kụrụ ọtọ a fịhutọ oku onyẹ ezi-omumẹ.