Itẹn 18:19 - Ika

¹⁹ Onyẹ wẹ kpasu iwe amarịn nwẹnẹ, o zenahịndẹ mgbọn zeni wẹ gi tụnhunmẹ obodo; ikpe nọ kẹ igi igwe fidọn ọnụ-mgbọn ụlọ zeni.

Itẹn 18:19 ပူးပေါင်းရင်းမြစ်များ

Jẹnẹsisi 37:11

Ẹnya nọ fụma umunẹ ẹ, kanị nẹdi ẹ nọ bu oku hụ tọ imẹ obi ẹ.

Samuẹlụ Nke Ẹbụọ 13:22

Absalọm nkẹ agwadẹni Amnọnụ kaka akpụ oku ohu, kẹ mma kẹ njọ — bụ ize Amnọnụ a bangụọ a makẹni o mẹrụ Tama nwẹnẹ ẹ.

Samuẹlụ Nke Ẹbụọ 13:28

Absalọm nọ sị idibo ẹ, “Gọn ni ntịn! Hụn manya gi nwunyemẹ Amnọnụ ẹnya, m sịhụ ụnụ, ‘Gbu ni Amnọnụ,’ ụnụ e gbu ẹ. Atụkwọlẹ ni egun. Mmẹ gwa ụnụ — ẹlẹ ya? Atụlẹ ni egun; mẹn'ẹ.”

Ndị-nze Nke Ibuzọ 12:16

Mgbe ndị Izrẹlụ ile gi hụn a nị eze ekweni gọn wẹ ntịn, wẹ nọ sị eze: “Elee hụn wụdẹ nwan nke ẹnyi imẹ ẹbozo Defidi? Onwọnni hụn ru ẹnyi imẹ nwa Jese. A la nị iwe ụnụ, ndị Izrẹlụ! Ẹbozo Defidi, lepụma nị iwe ụnụ ẹnya!” Ya kẹ ndị Izrẹlụ nọ la iwe wẹ.

Ihiẹn Mẹni Nke Ẹbụọ 13:17

Abija lẹ itu ẹ nọ gbumẹ wẹ ọda-ọda, nke wụnị ndị Izrẹlụ Ẹbamịn ugu ma lụ ọgụn hụn wẹ gbu rị mmadụ nnụ-uku ọgụn-isẹn kwasị nnụ (500,000).

Itẹn 16:32

Onyẹ nwọn ndidin ka odogun-agha mma; onyẹ ma kwọndọn enwẹn ẹ ka onyẹ ma mẹri obodo mma.

Itẹn 18:18

Wẹ e gi ịtụ-mkpọ e dọnzi oku, e gi ẹ e gbọn ndị oku wẹ zegbu enwẹn ẹ.

Itẹn 18:20

Ihiẹn gha ọnụ ịhịan pụha k'o gi e rijun ẹfọ; ihiẹn ụgb'ọnụ a rụnpụha kẹ ẹfọ gi e jun ẹ.

Itẹn 6:19

ọshẹri-ntụ, hụn ntụ rị e hupụha ọnụ kẹ mirin lẹ onyẹ hụn e seni nwẹnẹ lẹ nwẹnẹ ikpe.

Ọrụn Ndị-ozi 15:39

Ezigbo oku nọ seni wẹ, nke wụ nị onyẹ-onyẹ nọ jẹnmẹ nke ẹ: Banabasị e weri Makị, e gi wẹ ụgbọ-mirin shi Saịprọsụ.

Samuẹlụ Nke Ibuzọ 17:28

Kanị ogẹn nwẹnẹ Defidi hụn kanị wụ Ẹliabụ gi nụ kẹ Defidi lẹ ndị hụ rị e ku, ọ nọ gi olulu sị a, “K'ị bịadẹ nwan ebeni d'e mẹ? Onyẹ k'ị latọnị atụnrụn ndị ahụn bulẹni ọda imẹ atụ? A marịnghọ m kẹ y'e mẹkarịhan enwẹn i lẹ kẹ obi jọhan ị njọ. Agha k'ị bịahụ ebeni d'e lee.”