Itẹn 18:15 - Ika

¹⁵ Ndị nwọn uche a s'ẹka a marịn ihiẹn — ntịn ndị marịn ihiẹn a chọpụha amamihiẹn.

Itẹn 18:15 ပူးပေါင်းရင်းမြစ်များ

Ndị-nze Nke Ibuzọ 3:9

Ye nwan odibo i uche n'o gi kị ndị nke i, gi ẹ marịn ihiẹn rị mma lẹ ihiẹn jọ njọ. Onyẹ k'a sa ẹka kị ndị nke i ni bugbu enwẹn wẹ ọda?”

Jobu 8:10

Wẹ k'a kuzi i, gwa ị ihiẹn wẹ marịn. Wẹ k'a gwa ị ihiẹn wẹ ghọta.

Itẹn 1:5

Onyẹ hụn marịn ihiẹn ya gọnzikwọ wẹ ntịn, gi wẹ marịnwaye; wẹ k'e yezikwọnị onyẹ nwọn uche ẹka bi;

Itẹn 10:14

Onyẹ marịn ihiẹn e dọnmẹtọ amamihiẹn nọkẹ akụ-lẹ-ụba, kanị owiwi kẹ ọnụ onyẹ-nzuzu e wezụhan.

Itẹn 15:14

Obi nwọn uche a chọ n'ọ marịn ihiẹn, kanị nzuzu kẹ ọnụ onyẹ nzuzu e ri.

Itẹn 15:31

Onyẹ wẹ jụgbọ ọjụgbọ hụn e ye ndụn, o gi ẹ dọn, k'a rị imẹ ndị marịn ihiẹn.

Itẹn 23:23

Ṅọnrin ezioku; erekwọl'a; ṅọnrin amamihiẹn, ọzụnzụn lẹ nghọta.

Itẹn 4:5

Nwọnrin amamihiẹn; nwọnrin nghọta; azọkwọlẹ ihiẹn m ku mọbụ gha imẹ ẹ pụ.

Itẹn 4:7

Amamihiẹn wụ ibuzọ: nwọnrin nwan amamihiẹn. Y'e ke nwọn ihiẹn ọwụlẹ, omẹni y'e ke nwọnrin nghọta.

Itẹn 9:9

Kuzi onyẹ marịn ihiẹn, ọ marịnwaye; kuzi onyẹ ezi-omumẹ, ọ mụcheni.

Luku 10:39

Mata nwọn nwẹnẹ w'a kpọ Meri. Mẹri nọ nọdị alị ebe ụkụ Di-nwọnni-ẹnyi rị, e gọn ntịn ihiẹn ọ rị e ku.

Ndị Ẹfẹsọsụ 1:17

m'a rịọsọnmẹ Osolobuẹ Di-nwọnni-ẹnyi Jesu Kristi, Nẹdi hụn kachanrịnnị, n'o ye ụnụ mmọn ịghọta-ihiẹn, a ghọsịsọnmẹ ụnụ ihiẹn, kẹ ụnụ dọn rị a marịnwaye ẹ.

Jemisi 1:5

Onyẹ marịnlẹni ihiẹn o k'e mẹ, ya rịọ Osolobuẹ hụn a shịapụ ẹfọ e ye, hụn ghalẹni e kpe nị w'e rịọ a ihiẹn, o k'e ye ẹ amamihiẹn.