Itẹn 18:10 - Ika

¹⁰ Ẹfan Osolobuẹ wụ okẹn ụlọ zeni; ndị ezi-omumẹ gbaban a, a hụn wẹ isi.

Itẹn 18:10 ပူးပေါင်းရင်းမြစ်များ

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 32:11

Dodo, gbapụha m ẹka Isọ nwẹnẹ m, makẹni egun rị a tụ m, n'ọ k'a bịa d'a maye m, maye nnẹ lẹ ụmụ ndịnị.

Samuẹlụ Nke Ẹbụọ 22:2

Ọ sị, “Osolobuẹ wụ Okẹn-ọmụma e che m nche, ebe m'a gbaban lẹ onyẹ hụn a zụọpụhanị m;

Samuẹlụ Nke Ẹbụọ 22:3

Chuku wụ Okẹn-ọmụma m, hụn m'a gbaban; akpaịn m lẹ mpịn hụn a zụọpụhanị m. Ịya wụ ebe m nọ e nwọn nchedọn, ebe m'a gbaban lẹ onyẹ a zụọpụhanị m — ịyụ zụọpụha m ẹka ndị egbu-lẹ-egbu.

Samuẹlụ Nke Ẹbụọ 22:51

O yesọnmẹ eze ọ họrị okẹn mmẹri; o nwọnsọnmẹ ihiẹn-ọsụsụọ onyẹ hụn o tumẹ hụn wụ Defidi, kẹ ya kẹ ụmụ a ile jẹnrin ejẹn.”

Ẹbụ-ọma 144:2

Onyẹ hụn nwọn ihiẹn-ọsụsụọ m; Ebe m'a gbaban lẹ Onyẹ m'e gbọnni; Onyẹ nzụọpụha m lẹ Akpaịn m. Ịya kẹ m gbọnni. Onyẹ hụn e bu ndị ichẹn-ichẹn e che okpuru m.

Ẹbụ-ọma 18:2

Osolobuẹ wụ Okẹn-ọmụma e che m nche, ebe m'a gbaban lẹ onyẹ hụn a zụọpụhanị m! Chuku m wụ Okẹn-ọmụma m hụn m'a gbaban, akpaịn m lẹ mpịn a zụọpụhanị m. Ịya wụ ebe m nọ e nwọn nchedọn.

Ẹbụ-ọma 20:2

Ya gha imẹ Ụlọ-nsọ a zihẹn'i eyemẹka; ya gha Ugu Zayọnụ rị Jerusalẹm kwadọn i.

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Ẹbụ-ọma 91:14

Osolobuẹ sị, “Makẹni ihiẹn m sụọ a, m k'a zụọpụha a, bu ẹ dọnmẹ ebe eje-ihiẹn jẹnkọlẹni d'e ru ẹ ẹhụ makẹni ọ marịnghọ ẹfan m.

Ẹbụ-ọma 91:2

M k'a sị Osolobuẹ, “Ịyụ wụ igungun m, ebẹhụ zeni m'a gbaban; ịyụ wụ Chuku m, hụn m gi e dọn ẹnya.”

Ọpụpụ 6:3

Kẹ m we enwẹn m ghọsị Ebraham lẹ Aziki lẹ Jekọpụ, m ghọsị wẹ nị m wụ Chuku Nwọn Ikẹn Ile, kanị, egini m ẹfan m wụ Osolobuẹ ghọsị wẹ enwẹn m.

Itẹn 14:26

Onyẹ hụn a tụ egun Osolobuẹ e nwọngụọ nwan ebe ọ gbaban, ebẹhụ kẹ ụmụ a k'a gbabanzịkwọ.

Itẹn 29:25

Ịtụ egun ịhịan wụ ọnyan, kanị onyẹ gi Osolobuẹ dọn ẹnya, onwọnni ihiẹn e mẹn'ẹ.

Azaya 26:4

Gi ni Osolobuẹ dọn ẹnya jẹnrin ejẹn, makẹni o mẹ nke Osolobuẹ, Osolobuẹ wụ Ọmụma Itẹbitẹ.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Jerimaya 23:6

Ọ kịma, Juda a hụn isi, ihiẹn emẹkọ Izrẹlụ. Ẹfan wẹ k'e gi marịn a wụ: ‘Osolobuẹ A Tụnị Ẹnyi Ụya’.

Habakọkụ 3:19

Osolobuẹ-nwọnni-ẹnyi wụ ikẹn m! O mẹ ụkụ m a nọ kẹ nke ele, e mẹ m a sadẹ ẹka e jẹn ijẹn ebe jẹn elu.” Ye onyẹ-ndu ẹbụ ẹbụnị. Wẹ kpọ ụbọ ye ẹ.

Matiu 1:23

“Lee ẹ, okpoho kelẹni marịn okẹnnyẹ jẹnkọ d'a tụ imẹ, mụ okẹnnyẹ; wẹ k'a kpọ nwa hụ ‘Imanuẹlụ’, ya wụ, ‘Osolobuẹ rị imẹ igunrun ẹnyi.’ ”

Rẹvẹleshọnụ 1:8

“Mmẹ wụ Ibuzọ lẹ Ikpanzụụn!” Ya kẹ Di-nwọnni-ẹnyi wụ Osolobuẹ ku — onyẹ hụ hụn rị kikẹnni, hụn rị mbụ, hụn lalanị; Onyẹ hụn nwọn ikẹn ile.

Samuẹlụ Nke Ibuzọ 17:45

Defidi nọ sị a, “Ọpịa-agha lẹ obo lẹ obo ọnụ-suẹn-suẹn-suẹn k'i bula d'a lụsọn m ọgụn, kanị ihiẹn mmẹ gi bịa d'a lụsọn i ọgụn wụ ẹfan Osolobuẹ ihiẹn ile rị okpuru ẹ, Chuku ndị-agha Izrẹlụ, hụn ị rị a kpọ mgba a kpari!!

Samuẹlụ Nke Ibuzọ 30:6

Obi eruni Defidi alị kaka, makẹni ndị hụ sọnkọn'a hụ e ku oku igi ọmụma magbu ẹ — ihiẹn hụn mẹ ụmụ onyẹ-onyẹ hụ a fụ hụnyẹ akpobi. Kanị Defidi nọ gi Osolobuẹ wụ Chuku ẹ kasị enwẹn ẹ obi.