Itẹn 17:21 - Ika

²¹ Onyẹ mụ nwa nzuzu, ẹkwan k'o buhẹ; nẹdi onyẹ-ẹwobi enwọnkọ ịghọghọ.

Itẹn 17:21 ပူးပေါင်းရင်းမြစ်များ

Jẹnẹsisi 26:34

Ogẹn Isọ gi rị nwa ahụa ọgụnnaị, ọ nọ lụrụ Juditi, nwa onyẹ Hẹti w'a kpọ Biẹri, lụrụzị Basematị, nwa onyẹ Hẹti ọzọ w'a kpọ Ẹlọnụ —

Samuẹlụ Nke Ẹbụọ 18:33

Ihiẹn o ku nọ mẹhunmẹ eze. Ọ nọ nyinshi mmughẹ hụ rị elu ọnụmụzọ rị ọnụ-mgbọn, a kwan. K'o jẹnkọ, ọ hụ a sị, “Absalọm nwa m-ee! Euu, nwa m-ee! Absalọm nwa m-ee!! K'ọ rị m, mmẹ nwụnhụn, ẹlẹ ịyụ — Euu Absalọm; nwa m-ee! Nwa m-ee!”

Itẹn 10:1

Ndịnị wụ itẹn Solomọnụ: Nwa marịn ihiẹn e wẹhẹni nẹdi ẹ ịghọghọ — kanị nwa nzuzu e wẹhẹni nnẹ ẹ ẹkwan.

Itẹn 15:20

Nwa marịn ihiẹn e wẹhẹni nẹdi ẹ ịghọghọ, kanị onyẹ-ẹwobi e legberidẹ nnẹ ẹ.

Itẹn 17:25

Nwa nzuzu e wẹhẹni nẹdi ẹ ụfụ, e mẹ nnẹ mụn'a a kwan ụya.

Itẹn 19:13

Okẹnnyẹ e zuzuni e wiwi nẹdi ẹ ihiẹn; nwunyẹ e kpe ikpe-ikpe lẹ mirin a tan ọtịntan-ọtịntan wụ ohu.

Ndị Kọrẹntị Nke Ẹbụọ 2:3

Ihiẹn m gi deni ụnụ ẹhụhụọ-ozi hụ m de wụ amamgbe m'a bịa, ụnụ nwẹn, hụn nkẹ e mẹ m ghọghọ, e mẹ m ihiẹn k'a fụnị m. Makẹni, a marịnghọ m ụnụ ile ọhụnma-ọhụnma, nị, m ghọghọma, ụnụ ile a ghọghọma.

Jọnụ Nke Ẹtọ 1:4

Onwọnni ihiẹn e mẹ m a ghọghọ nọkẹ ebe m nọ nụ nị ụmụ m rị e bi kẹ Ezioku dọn chọ.

Samuẹlụ Nke Ibuzọ 8:3

Kanị, ụmụ a ikẹnnyẹ ndịnị esọnni nzọmụkụ a. Wẹ hụ a chọsọnmẹ eje-erere, a narịn egho-azụụn, a han eje-eṅẹn.