Itẹn 16:24 - Ika

²⁴ Oku rị mma wụ ọgba-ẹnwụn — ọ sụọ umẹ-ndụn ịhịan ụsụọ, e mẹ ọkpụkpụ a a rị ikẹn.

Itẹn 16:24 ပူးပေါင်းရင်းမြစ်များ

Ẹbụ-ọma 119:103

Ihiẹn i ku a sụọka m ụsụọ ọnụ, sụọkarịdẹ mirin-ẹnwụn!

Ẹbụ-ọma 19:10

Uwẹ kadẹ goru mkpa a rị, kẹ ezigbo goru bu ọda; uwẹ kazị mirin-ẹnwụn a sụọ — kadẹ mirin-ẹnwụn wẹ buchelẹni ihiẹn ọzọ hụn rị a gha ọgba mirin-ẹnwụn a tantu.

Itẹn 12:18

Oku-ọnụ onyẹ e kugụ d'e ro e wu kẹ ọpịa-agha, kanị oku-ọnụ ndị marịn ihiẹn e mẹ ịhịan a dịnhịn.

Itẹn 15:23

Oku ịhịan shịarị danyechanrịn, o mẹ ẹ ghọghọ; oku wẹ ku ogẹn o furu a rịka mma.

Itẹn 15:26

Iroro onyẹ eje-omumẹ e ze Osolobuẹ ize, kanị ọnụ-ọma a sụọ a ụsụọ.

Itẹn 17:22

Obi ụsụọ wụ ezigbo ọgụn, kanị omẹni ndụn a rị obi, ọkpụkpụ asaẹka wuzo ọtọ.

Itẹn 23:16

M k'e gi akpak'alị obi m ghọghọ, omẹni ọnụ ị e ku ihiẹn furuni.

Itẹn 27:9

Kẹ udẹn e kun fuẹin lẹ nsẹnsi dọn e mẹ obi a sụọ ịhịan ụsụọ, ẹrịra kẹ ọwụ ịhịan a rị a, makẹni o gi akpak'alị obi ẹ a dụn a ọdụn.

Itẹn 3:8

Ọhụn k'e wẹhẹn'i ẹhụ ikẹn, wụrụzịkwọ ọgụn ọkpụkpụ ị gi e ze.

Itẹn 4:22

makẹni w'e ye ndị nwọnhẹnni wẹ ndụn, e mẹ ẹhụ a rịchanrịn wẹ ikẹn.

Ẹkịliziastisi 12:10

Onyẹ-nkuzi lịlịma chọrịsọnmẹ akpụrụ-oku a sụọnị, gi wẹ ku ihiẹn ọ chọ n'o ku; ihiẹn o detusọnmẹ wụ ezioku, o de wẹ kẹ wẹ nọ.

Ẹbụ Solomọnụ 4:11

Nwunyẹ m, ụgb'ọnụ ị a sụọka ụsụọ; ọ sụọ kẹ mirin-obobo; ọ hụ a tan kẹ ọgba mirin-ẹnwụn dọn a tan mirin-ẹnwụn. Mirin-ẹran lẹ mirin-ẹnwụn rị ị okpuru ire. Ẹwuru i rị e kun fuẹin kẹ alị Lẹbanọnụ.

Jerimaya 15:16

K'i gwa m oku, e righọ m'a lekẹ ihiẹn-oriri, o mẹ m ghọghọ, mẹ ẹfọ sụọ m ụsụọ, makẹni ẹfan ị kẹ m'a za, Osolobuẹ, Chuku ihiẹn ile rị okpuru ẹ.

Ditrọnọmi 32:2

Nkuzi m jẹnkọ nwan d'e zue kẹ mirin, oku-ọnụ m jẹnkọ d'e ziẹn kẹ igirigi, nọkẹ mbụmbụ-mirin bụye elu irurue ọhụn, nọkẹ ezigbo mirin zueye elu ihiẹn pu nke ọhụn.

Rẹvẹleshọnụ 10:10

Ya m nọ narịn mmọn-ozi hụ ẹkụkwọ hụ mẹ ẹkẹrẹ ri, ọ nọ sụọ m ụsụọ ọnụ kẹ mirin-ẹnwụn, kanị, e rigụ m'a, ẹfọ nọ rụrụ m.