Itẹn 16:23 - Ika

²³ Obi onyẹ nwọn uche a gwa ọnụ a ihiẹn o ku hụn ọnụ a gi a saẹka a kuzi ọhụnma.

Itẹn 16:23 ပူးပေါင်းရင်းမြစ်များ

Jobu 15:2

“Onyẹ nwọn uche e kudẹ ihiẹn nwọnlẹni isi n'ọ rị a shịarị oku ra? N'o gidẹ ufere ọkụn ọwụwa-ẹnyanwụn dadọn ẹfọ ra?

Jobu 8:10

Wẹ k'a kuzi i, gwa ị ihiẹn wẹ marịn. Wẹ k'a gwa ị ihiẹn wẹ ghọta.

Ẹbụ-ọma 45:1

Obi rị a sụọ m ụsụọ, yeni ihiẹn rị mma m chọ nị m ku. Eze kẹ m rị a gwa; ire m wụ ukeke (pẹni) akanwe marịn ọrụn!

Itẹn 15:28

Obi onyẹ ezi-omumẹ e rokpọ ihiẹn o k'a shịarị, kanị ọnụ onyẹ eje-omumẹ a shịarịhụ, e hupụha eje-ihiẹn.

Itẹn 15:7

Ọnụ ndị nwọn uche e mẹsọnmẹ ịhịan a marịn ihiẹn, kanị ndị-nzuzu ara rodẹ ọhụn.

Itẹn 16:21

Onyẹ uche rị ẹfọ kẹ w'a sị n'o nwọnghọ nghọta, oku rị mma a kwadọn nkuzi.

Itẹn 16:22

Nghọta e yesọnmẹ ndị nwọnn'ẹ ndụn kẹ isi-mirin dọn a gbapụhasọnmẹ mirin, kanị nzuzu e sehẹni ịhịan afụnfụn.

Itẹn 5:2

kẹni i marịn gi ezigbo uche e bi, kẹni oku-ọnụ ị wụrụ nke onyẹ marịn ihiẹn.

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.