Itẹn 16:20 - Ika

²⁰ Onyẹ gi ezigbo ihiẹn wẹ kuzi ẹ dọn, ihiẹn a ghan'a, onyẹ gi Osolobuẹ dọn ẹnya, ngọzi a wụrụ nke ẹ.

Itẹn 16:20 ပူးပေါင်းရင်းမြစ်များ

Ihiẹn Mẹni Nke Ibuzọ 5:20

E nwọnhẹnkẹ wẹ eyemẹka imẹ agha hụ, Chuku haịn wẹ gi mẹri ndị Hagi lẹ ndị ile wẹ lẹ ndị Hagri wị — makẹni wẹ kwanghọsị a imẹ agha ahụn. Ọ za wẹ ekpere makẹni wẹ gi ẹ dọn ẹnya.

Ẹbụ-ọma 125:1

Ndị gi Osolobuẹ dọn ẹnya nọ kẹ ugu-Zayọnụ, hụn wẹ ghalẹni asẹka e mẹhunmẹ, hụn k'a rị jẹnrin ejẹn.

Ẹbụ-ọma 146:5

Onyẹ Chuku Jekọpụ e yeni ẹka e nwọnkẹ ngọzi, onyẹ bu obi tụkwasị Osolobuẹ wụ Chuku ẹ,

Ẹbụ-ọma 2:12

Gbuni ni nwa a osekpu, amamgbe iwe a bịa a, ụnụ a la ntikpọ ụzọ, makẹni o nwọnkwọ ikẹn bumẹ olulu idẹnmizi! Onyẹ hụn we enwẹn ẹ kwan'a kakwọ mma!

Ẹbụ-ọma 32:10

Nsọngbu bu ọda a bịanị ndị-njọ, kanị, ihiẹn-ọsụsụọ Osolobuẹ e fihunmẹ ndị gi Osolobuẹ dọn ẹnya.

Ẹbụ-ọma 34:8

Danmịndẹle, n'ị hụn a nị Osolobuẹ a rịka mma; onyẹ hụn gbaburun'ẹ e nwọnkẹ ngọzi.

Itẹn 13:13

Onyẹ wẹ gwa oku o lelịa a k'e gi isi ẹ buru; kanị onyẹ gbaye iwu wẹ ye ẹ, ọ narịn ụgwọ-ọrụn.

Itẹn 13:15

Ọhụnma a bịanị onyẹ nwọn ezigbo nghọta, kanị ihiẹn a fụsọnmẹ onyẹ ihunnaị ọrụn.

Itẹn 17:2

Odibo nwọn uche k'a kị nwa e mẹ ihiẹn-ifẹnrẹn, o k'e sọn ndị ikpụlọ hụ keri ukuu nọkẹ nwẹnẹ.

Itẹn 19:8

Onyẹ hụn nwọnhẹn amamihiẹn e mẹgụọnị enwẹn ẹ ihiẹn rị mma; onyẹ kwọnkẹnmẹ nghọta k'a gha ihun.

Itẹn 8:35

Makẹni onyẹ nwọnhẹn m, o nwọnhẹn ndụn, ihiẹn ẹ a sụọma Osolobuẹ.

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Daniẹlụ 3:28

Ya Nebukadineza nọ yi, “Ịja mma y'a rịnị Chuku Shẹdrakị, Mishakị lẹ Abẹdnego, hụn zi mmọn-ozi ẹ d'a gbapụha idibo ẹ, idibo ẹ hụn gi ẹ dọn ẹnya, pa oku eze, kweri ọnwụn, hụn nkẹ w'e gi fe mọbụ gbaye mmọn ọwụlẹ wezụka Chuku wẹ.

Daniẹlụ 6:23

Ẹfọ nọ sụọ eze ụsụọ ọda-ọda, ọ nọ zi wẹ d'a dọpụha Daniẹlụ imẹ olu hụ. A dọpụha wẹ Daniẹlụ, wẹ nọ hụn a n'o nwọnni ebe ọ rụ ẹhụ, makẹni o gi Chuku ẹ dọn ẹnya.

Matiu 10:16

“Lee n'ẹ, m zikọ ụnụ kẹ atụnrụn wẹ ziye imẹ igunrun ẹwọrọ. E gi ni uche e bi — rịkẹ agwọ, ka rị nị kẹ nduru hụn ghalẹni a rụ ịhịan ẹhụ.