Itẹn 16:14 - Ika

¹⁴ Ọnụma eze nwọn ikẹn buhẹni ịhịan ọnwụn, kanị onyẹ hụn nwọn uche a marịnghọ k'o dọn rọ a.

Itẹn 16:14 ပူးပေါင်းရင်းမြစ်များ

Jẹnẹsisi 40:2

Fẹro nọ gi olulu sọn ndị-ọrụn a ẹbụbụọ ahụn: onyẹ-isi ndị e buye ẹ manya lẹ onyẹ-isi ndị e shin'ẹ brẹdi.

Ẹsta 7:7

Ịya kẹ eze nọ gi ọnụma lihi ọtọ, la manya a tọ, shi imẹ ụgba-obobo hụ wẹ nọ e zu ikẹn rị obi-eze. Hamanị a hụn a nị eze a kwademẹgụọ n'o k'e gbu ẹ, ya ọ nọ nọdị, rịọma Ẹsta wụ Alasị eze n'o dọnmẹ ẹ ndụn.

Itẹn 15:18

Onyẹ e bukẹnrin olulu e se oku, kanị onyẹ ndidin e gbọn ikpe.

Itẹn 16:13

Ndị e ku ezioku a sụọ ndị-nze ụsụọ, onyẹ e ku ihiẹn k'ọ nọ kẹ wẹ gi e mẹ ẹhụ.

Itẹn 16:15

Ihun sụọ eze ẹmụ, ịhịan a rị ndụn; ọhụnma eze nọzịkwọ kẹ orukpu udu-mirin.

Itẹn 17:11

Nnupụ-isi sụọ kẹ eje-ịhịan a chọ n'o nupụ; onyẹ ghalẹni e mẹ omikẹn kẹ wẹ k'e zijẹn'ẹ.

Itẹn 19:12

Olulu eze nọ kẹ ebe ẹwọrọ rị e dẹn, kanị ọhụnma a nọ kẹ igirigi ziẹnye elu irurue.

Itẹn 20:2

Olulu eze nọ kẹ ẹwọrọ rị e dẹnni, onyẹ hụn kpasu ẹ iwe gi ẹka a seri ihiẹn e gbun'ẹ.

Itẹn 29:26

Ndị bu ọda a channị onyẹ rị a kịnị ẹnya, kanị ẹka Osolobuẹ kẹ ịhịan nọ e nwọnhẹn ihiẹn run'ẹ.

Itẹn 29:8

Ndị-nlelịa a mụ ọkụn e ye ndị obodo obi, kanị ndị nwọn amamihiẹn e mẹ olulu a rọ.

Ẹkịliziastisi 10:4

Omẹni onyẹ rị a kịnị rị e buni i olulu, alatọlẹ ọrụn ị, ịgba-nkịtịn e dọnzidẹ mmẹfie bu ọda jọgbu enwẹn ẹ.

Daniẹlụ 2:16

Ya Daniẹlụ nọ buru eze, sị a ye ẹ ogẹn, n'ọ hụn ụzọ kọwan'a nrọ hụ.

Makị 6:27

Ọ nọ zi onyẹ-agha ohu e che ẹ nche d'e behẹ isi Jọnụ. Onyẹ-agha hụ nọ jẹn imẹ ụlọ-ngan, bepụ Jọnụ isi,

Ọrụn Ndị-ozi 12:20

Hẹrọdụ rị e buni ndị Taya lẹ Sidọnụ olulu ọda-ọda. Ya wẹ nọ zu d'a hụn a. A rịọtọgụọ wẹ Blastusu hụn e lepụ ọgwa Hẹrọdụ ẹnya n'o yeni wẹ ẹka. Ya wẹ nọ nwan jẹn d'e kunrun Hẹrọdụ d'a rịọ a nị wẹ dọn, makẹni alị Hẹrọdụ rị a kị kẹ alị wẹ gha e nwọnhẹn ihiẹn-oriri.

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”