Itẹn 15:8 - Ika

⁸ Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Itẹn 15:8 ပူးပေါင်းရင်းမြစ်များ

Samuẹlụ Nke Ẹbụọ 15:12

Ogẹn Absalọm gi rị a chụn ẹjan ahụn, o zi wẹ d'a kpọ Ahitofẹlụ onyẹ Gilo, hụn wụ ọka-iroro Defidi, sị a ya gha obodo ẹ wụ Gilo bịa. Umẹ ahụn Absalọm rị e zu nọ kẹnrẹn, ndị rị e sọn Absalọm hụ a bawaye ụba.

Ndị-nze Nke Ibuzọ 3:10

Ihiẹnni Solomọnụ rịọ sụọ Osolobuẹ ụsụọ.

Ihiẹn Mẹni Nke Ibuzọ 29:17

“Chuku m, a marịnghọ m nị y'e lele obi, nị ihiẹn kụrụ ọtọ a sụọ ị ụsụọ. M wepụha obi m ye ihiẹn ndịnị ile m ye, ẹlẹni o nwọn ihiẹn ọzọ m chọkọ. M rịzịkwọ nwan a ghọghọ makẹni a hụnọlẹ m kẹ ndị nke ị rị ebeni dọn gi obi wẹ ye i ihiẹn.

Ẹbụ-ọma 141:2

Narịn ekpere m nọkẹ ẹjan nsẹnsi, y'a narịn ẹka m kịshi elu nọkẹ ẹjan-ẹnyasị.

Ẹbụ-ọma 17:1

Dodo Osolobuẹ, gọn ntịn arịrịọ onyẹ ezi-omumẹ; lee ẹkwan m rị a kwan; gọn ntịn ekpere m — nị ntụ arị m ọnụ!

Itẹn 10:24

Ihiẹn a tụ onyẹ eje-omumẹ egun jẹnkọ d'e kunrun ẹ; ihiẹn rị a gụn onyẹ ezi-omumẹ jẹnkọ d'e ru ẹ ẹka.

Itẹn 15:29

Osolobuẹ a nọte anọte ebe ndị eje-omumẹ rị, kanị ọ nụ ekpere ndị ezi-omumẹ.

Itẹn 15:7

Ọnụ ndị nwọn uche e mẹsọnmẹ ịhịan a marịn ihiẹn, kanị ndị-nzuzu ara rodẹ ọhụn.

Itẹn 21:27

Ẹjan ndị eje-omumẹ a chụn wụ arụ ẹnya Osolobuẹ — ọrịwụzị hụn wẹ bu eje-ihiẹn obi wẹhẹ!

Itẹn 21:3

Ezi-omumẹ lẹ imẹ onyẹ ọwụlẹ k'o furu kẹ Osolobuẹ ka a nabanhan karị ịchụn-ẹjan.

Itẹn 28:9

Onyẹ sị o gọnkọ ntịn Iwu-Osolobuẹ, ekpere ẹ wụdẹ arụ ebe Osolobuẹ rị.

Ẹkịliziastisi 5:1

Kpachanpụ ẹnya ogẹn ọwụlẹ i jẹn ụnọ Chuku. Ọ ka mma n'ị jẹn ebẹhụ d'e gọn ntịn karị n'ị jẹn d'a chụn ẹjan ndị-nzuzu — hụn ghalẹni a marịn wẹ mẹfie.

Ẹbụ Solomọnụ 2:14

Nduru m, hụn hụarị oghe rị ọmụma, hụn rị ebe w'a hụarịsọnmẹ elu ugu. Ghọsị m ihun i, nị m nụ olu i; makẹni olu i a sụọka ụsụọ; ihun i a rịka mma.

Azaya 61:8

Makẹni ezioku a sụọ mmẹ wụ Osolobuẹ ụsụọ; ohin lẹ mmẹgbu e ze m ize. M sikọ d'e mẹ hụn runi m kụ wẹ ụgwọ-ọrụn, e tumẹ m nkwerigbama k'e kwọngbama mmẹ lẹ wẹ jẹnrin-ejẹn.

Azaya 66:3

Onyẹ hụn gi okẹn-efin chụnyeni m ẹjan hụzị e gbu ọchụn; onyẹ hụn a chụnyeni m ẹjan nwa-atụnrụn, hụzị a kpagi nkitẹ olu e ye mmọn; onyẹ hụn e ye m oyiye-ọka hụzị a chụnyeni mmọn ẹdeke ezin; onyẹ hụn a mụyeni m nsẹnsi hụzị a ja mmọn-lẹ-iyi mma. Hụn sụọnị wẹ kẹ wẹ e mẹ, arụ ile wẹ e mẹ a sụọgbu wẹ.

Jerimaya 6:20

Kịnị kẹ m gi nsẹnsi ụnụ e mẹ — ọsụọn'a alị Shẹba kẹ ụnụ gha wẹhẹ? Kịnị kẹ m gi udẹn-ọma kalamusu ụnụ e mẹ — ọsụọn'a alị tegbu enwẹn ẹ kẹ ụnụ gha wẹhẹ ẹ? Ewekọ m anụ ụnụ gi a chụnnị m ẹjan w'a dụn ọkụn; ẹjan ụnụ ara sụọ m.”

Daniẹlụ 9:23

Ogẹn i gihụ mẹmẹ ekpere hụ kẹ Osolobuẹ gi za. Azịza hụ kẹ m wẹhẹni i nwan, makẹni Osolobuẹ ara gi i gu egu. Leban nwan ẹnya ozi hụ, nị ị hụn ụzọ ghọta ọhụn ahụn:

Lẹvitikọsụ 7:18

Wẹ ri anụ ẹjan-ekele ọwụlẹ nọru nke akp'ọhịn ẹtọ rịn'a, Osolobuẹ anarịnkọ oyiye hụ, ya wụ nị onyẹ yen'ẹ eyeni, makẹni ọ rụgụọ; onyẹ ri hụn ọwụlẹ imẹ ẹ, o gi isi ẹ buru ẹ.

Maịka 6:6

Kị m'e gi bịa ihun Osolobuẹ? Kị m'e gi bịa d'a rịọ Chuku rị elu-igwee? Nị m wẹhẹn'ẹ ẹjan w'a kpọ ọkụn? Nị m chụnyen'ẹ ẹjan nwa-efin ahụa ohu?

Maịka 6:7

Nị ebulu nnụ-uku sụọ Osolobuẹ ụsụọ? Ra ofigbọn-olivu rị e hu kẹ iyi nnụ ole-lẹ-ole? Nị m chụnyen'ẹ nwa-ibuzọ m gi kụ ụgwọ njọ m? Nị m gi nwa gha m ẹhụ pụha kụ ụgwọ njọ gha imẹ obi m pụha?

Hagaị 2:14

Ya kẹ Hagaị nọ sị: Osolobuẹ sị, “Ẹrịra kẹ ndịnị lẹ alịnị rụ nwan ẹnya m; ẹrịra kẹ ọrụn-ẹka wẹ ile rụzị; oyiye ọwụlẹ wẹ e ye rụ arụ.

Malakaị 1:10

K'ọ rị m nwan, onyẹ ohu imẹ ụnụ a gụnma ụzọ Ụlọ-nsọ, amamgbe ụnụ ghazị a mụye ọkụn nwọnlẹni ihiẹn m gi ẹ e mẹ elu ukpo nchụn-ẹjan m! Ihiẹn ụnụ rị e mẹ asụọnị m kaka; anarịnkọ m ẹjan ụnụ. Ya kẹ Osolobuẹ ihiẹn ile rị okpuru ẹ ku.

Jọnụ 4:24

Osolobuẹ wụ mmọn, ẹlẹ ịhịan; ndị k'e fen'ẹ k'e ferịrị a ofufe imẹ-mmọn lẹ nke ezioku.”