Itẹn 15:27 - Ika

²⁷ Onyẹ ẹnya-uku e sehẹni ikpụlọ a nsọngbu, kanị onyẹ hụn ghalẹni a narịn ihiẹn furulẹni n'ọ narịn k'a rị ndụn.

Itẹn 15:27 ပူးပေါင်းရင်းမြစ်များ

Ndị-nze Nke Ibuzọ 2:40

Ya Shimei nọ nyinrin jaki ẹ, jẹn d'e kunrun Akishi imẹ Gatị d'a chọ igbọn ẹ ndị hụ, ya wụ, Shimei a gha Jerusalẹm pụ; ọ nọ welụa igbọn ẹ ndị hụ.

Ndị-nze Nke Ẹbụọ 5:27

Oti Naamanị k'e risọnmẹ i nwan, yụ lẹ agbọ ị ile jẹnrin-ejẹn!” Oti nọ fụkpo Gẹhazi n'o d'a gha ebe Ẹlaịsha rị pụ, ẹhụ a ile hụ e nwun kẹ ẹkwa ọchan.

Ẹbụ-ọma 15:5

hụn ghalẹni a na ọmụnịnwa; hụn ghalẹni a na ọgị-azụụn buokin ịhịan ọnụ. Ndị e bi ẹnịna, onwọnni ogẹn wẹ e gi mẹhunmẹ!

Ọpụpụ 18:21

Ka gha imẹ wẹ ile họrị ndị k'a saẹka kị — ikẹnnyẹ hụn a tụ egun Chuku, ikẹnnyẹ wẹ gi e dọn ẹnya hụn ghalẹni e ri egho azụụn; y'e tumẹsọnmẹ wẹ nị wẹ kị wẹ; ndị k'a kị madụ nnụ-uku nnụ-uku, ndị k'a kị ọgụn-isẹn ọgụn-isẹn, ndị k'a kị iri-kwasị-ọgụnnaị iri-kwasị-ọgụnnaị lẹ ndị k'a kị iri-iri.

Ọpụpụ 23:8

“Anakwọlẹ ọgị-azụụn, makẹni ọgị-azụụn a nyụn ndị e legha ụzọ ẹnya, e mẹ ndị ezi-omumẹ e kuhutọ ọnụ.

Itẹn 1:19

Ẹrịra k'ọ rịnị ndị a kpa eje-egho; eje-erere ahụn e gbu ndị nwọnn'ẹ isi.

Itẹn 11:19

Ezigbo onyẹ ezi-omumẹ e nwọnhẹn ndụn, kanị onyẹ hụn a chụsọn eje-ihiẹn a la mmọn.

Itẹn 11:29

Onyẹ hụn e buhẹni ikpụlọ a nsọngbu ufere k'a wụ ukuu ẹ; onyẹ-nzuzu k'a wụrụ odibo onyẹ nwọn uche.

Itẹn 15:26

Iroro onyẹ eje-omumẹ e ze Osolobuẹ ize, kanị ọnụ-ọma a sụọ a ụsụọ.

Itẹn 20:21

Akụ-lẹ-ụba wẹ gi ẹnya-uku nwọnhẹn, arịkọnị ịhịan mma isi-njẹndemẹ.

Itẹn 23:4

Alụgbulẹ enwẹn i n'i hi ọdanfịn — nwọnrin uche kwọndọn enwẹn i.

Itẹn 28:16

Ọnapụ-ọnapụ kẹ onyẹ-ọkịkị nwọnlẹni nghọta a napụ, kanị onyẹ-ọkịkị eje-erere e ze ize k'a tọ.

Itẹn 28:25

Onyẹ ẹnya-uku e buhẹ ikpe, kanị o k'a masịnị onyẹ hụn gi Osolobuẹ e dọn ẹnya.

Itẹn 29:4

Ezioku kẹ eze gi e mẹ alị e turu ọhụnma, kanị hụn a nasọnmẹ ụtụ e wiwi alị a.

Jerimaya 17:11

Nnụnụ hụn e zuru ẹkwan o yilẹni d'e gbu — lẹ onyẹ e gi mmẹgbu a kpa egho wụ ohu; o gini d'e bi ebi, egho a la; ikpanzụụn, a hụn w'a n'ọ wụ nzuzu.

Ditrọnọmi 16:19

Ahanjalẹ ni eṅẹn mọbụ gbeyeni ịhịan. Anakwọlẹ ni egho-azụụn, makẹni egho-azụụn e kpukin onyẹ marịn ihiẹn ẹnya, e mẹ onyẹ kụrụ ọtọ a fịhutọ oku onyẹ ezi-omumẹ.

Ditrọnọmi 7:26

Ewebanhanlẹ ni ihiẹn Osolobuẹ a sọ iwe ụnụ, amamgbe ụnụ e sọn ẹ wụrụ ihiẹn Osolobuẹ jẹnkọ d'e tikpọ. Wẹ wụrụnị ụnụ ihiẹn rụchanrịnnị, ụnụ a sọchanrịn wẹ, makẹni ihiẹn Osolobuẹ jẹnkọ d'e tikpọ kẹ wẹ wụ.

Timoti Ibuzọ 6:10

Makẹni, ẹkpịrị-egho wụ mkpọgụn ụdị eje-ihiẹn ile gha a suepụha. O nwọngụọ ndị latọ ofufe-Kraịstị ebe wẹ rị a chọ nị wẹ hi ọdanfịn, mẹsọnmẹ ihiẹn bu ọda obi gi e gbu wẹ mgbu.

Timoti Ibuzọ 6:9

Ndị rị a chọ nị wẹ hi ọdanfịn a danban ọnwụnwan lẹ ọnyan lẹ ẹgụn rị ichẹn-ichẹn nwọnlẹni isi a rụ ịhịan ẹhụ, e wiwi ịhịan, e tikpọ a.

Joshụa 6:18

Ka kpachanpụkwọ nị ẹnya makẹ ihiẹn ndịnị wẹ wechanrịngụ kwanị Osolobuẹ gha a la ụnụ ẹnya, amamgbe ụnụ e weri hụn ọwụlẹ imẹ wẹ, ụnụ lẹ enwẹn ụnụ e họnrin ihiẹn wẹ jẹnkọ d'e tikpọchanrịn. Makẹni, ụnụ mẹ ẹ, ụnụ e mẹ igunrun Izrẹlụ ile họnrin ihiẹn wẹ sikọ d'e tikpọ, gi ẹ buhẹni wẹ nsọngbu.

Samuẹlụ Nke Ibuzọ 12:3

M wuzohụ nwan ebeni: Nọ nị nwan ihun Osolobuẹ lẹ onyẹ o tumẹ shịagbu m ẹri. Onyẹ kẹ m narịn efin ẹ? Onyẹ kẹ m narịn jaki ẹ? Onyẹ kẹ m mẹgbu? Onyẹ kẹ m bịangbu? Onyẹ kẹ m narịn egho-azụụn kẹni m fepụ ezioku ẹnya? Gwa nị m hụn ọwụlẹ m mẹ imẹ ihiẹn ndịnị, m k'e dọnzi ẹ.”