18 Onyẹ e bukẹnrin olulu e se oku, kanị onyẹ ndidin e gbọn ikpe.
Ya ndị Izrẹlụ nọ sị ndị Juda, “Ụzọ iri wụ nke ẹnyi ebe eze rị — ẹbụọ sụọ wụ nke ụnụ; wezụkadẹ ọhụn, ẹnyi ka Defidi e nwọn karị ụnụ. Kị ụnụ n'e legberini ẹnyi? Ẹlẹ ẹnyi buzọ kumẹ ni ẹnyi d'e welụa eze ẹnyi?” Kanị ọnụ ndị Juda nọ karị nke ndị Izrẹlụ.
Iwe iwe-ịhịan e se ikpe, kanị ihiẹn-ọsụsụọ e kpumẹdẹ ihiẹn wẹ mẹ ịhịan.
Onyẹ ndidin e nwọn nghọta ọda-ọda, kanị onyẹ e bukẹnrin onunu a ghọsị nzuzu.
Wẹ welụa ọnụ shịarị ịhịan oku, olulu a rọ; kanị wẹ weshi ọnụ elu gwa ịhịan oku, ọ kpasu ẹ iwe.
Ẹnya onyẹ-nzụnzụn, ogun gbọnkinsọnmẹ ụzọ, kanị ẹnya onyẹ ezi-omumẹ ụzọ rịchanrịn mma.
Ọnụma eze nwọn ikẹn buhẹni ịhịan ọnwụn, kanị onyẹ hụn nwọn uche a marịnghọ k'o dọn rọ a.
Onyẹ e bi k'ọ sụọ a e sesọnmẹ oku; ọghẹlẹ e kebe ọwụ lẹ ọwụ.
Ahanlẹ onyẹ e bu olulu ọwụ, esọnlẹ onyẹ e bukẹnrin olulu kpa —
Ndidin kẹ wẹ gi a s'ẹka a gwa onyẹ-ọkịkị oku, o gi ẹ dọn; ọnụ-ọma k'a sadẹ ẹka kpagi ọkpụkpụ.
Ikeke unyin lẹ ikeke-ọkụn wị; nkụn lẹ ọkụn wị; onyẹ ikpe lẹ ikpe wị.
Onyẹ ẹnya-uku e buhẹ ikpe, kanị o k'a masịnị onyẹ hụn gi Osolobuẹ e dọn ẹnya.
Onyẹ e bu olulu e sehẹsọnmẹ ikpe; onyẹ a kpọ ọnụma e mẹ njọ bu ọda.
Omẹni onyẹ rị a kịnị rị e buni i olulu, alatọlẹ ọrụn ị, ịgba-nkịtịn e dọnzidẹ mmẹfie bu ọda jọgbu enwẹn ẹ.
Ngọzi wụ nke ndị hụn e mẹ ni udọn rị, makẹni wẹ sikọ d'a kpọ wẹ ụmụ Osolobuẹ.
