Itẹn 14:19 - Ika

¹⁹ Ndị-ejẹ jẹnkọ d'e gbuni ndị ezi-omumẹ osekpu; ndị njọ jẹnkọ d'e gbu osekpu ọnụ-ụgba ndị ezi-omumẹ.

Itẹn 14:19 ပူးပေါင်းရင်းမြစ်များ

Jẹnẹsisi 42:6

Josẹfụ rị a kị alị Ijiptu ogẹn ahụn; ịya kẹ ndị alị ile e ṅọnnarịn ọka. Ogẹn umunẹ Josẹfụ gi nwan bịa, wẹ nọ kụn'a isi alị.

Jẹnẹsisi 43:28

Wẹ nọ sị a, “Odibo i wụ nẹdi ẹnyi hụ ikẹn; echẹn k'ọ rị ndụn.” Wẹ nọ hulụan'a isi, kele ẹ.

Ndị-nze Nke Ẹbụọ 3:12

Jehoshẹfatị nọ sị, “Osolobuẹ gi ẹ e ku oku ọhụnma-ọhụnma.” Eze Izrẹlụ lẹ eze Juda lẹ eze Ẹdọm nọ jẹnburu Ẹlaịsha.

Ẹbụ-ọma 49:14

Wẹ k'a wụrụ atụnrụn lakọ mmọn; ọnwụn e duru wẹ kẹ onyẹ e du atụnrụn; ndị kụrụ ọtọ k'a kị wẹ eki fọn, ẹhụ wẹ e retọ imẹ ili ebẹhụ, ahụnkọzị wẹ okẹn ụlọ wẹ hụ biri.

Ọpụpụ 11:8

Ịhaịmẹ i ndịnị ile jẹnkọ d'a bịa d'e kunrun mmẹ wụ Mozizi, gbu osekpu, sị ‘Jẹnmẹ nwan, ịyụ lẹ ndị sọnkọn'ị.’ O mẹgụ ẹrịra, a pụ m nwan alịnị.” Ya kẹ Mozizi nọ gi okẹn olulu pụ ebẹhụ eze wụ Fẹro rị.

Ọpụpụ 8:8

Fẹro e zi wẹ kpọ Mozizi lẹ Ẹrọnụ. Ọ nọ sị, “Mẹ ni ekpere rịọ Osolobuẹ n'o wepụnị mmẹ lẹ ndị nke m ẹwọ ndịnị, ogẹn hụ, a hatu m ndị Izrẹlụ nị wẹ jẹn d'a chụnnị Osolobuẹ ẹjan.”

Itẹn 11:29

Onyẹ hụn e buhẹni ikpụlọ a nsọngbu ufere k'a wụ ukuu ẹ; onyẹ-nzuzu k'a wụrụ odibo onyẹ nwọn uche.

Itẹn 14:18

Onyẹ mẹbe ogbori o họnrin nzuzu, kanị onyẹ gi uche e bi, amamihiẹn wụ ugọn o tu.

Azaya 60:14

Ụmụ ndị te bịangbu ụnụ k'a bịa d'a kụnị ụnụ isi-alị; ndị ile e legberi ụnụ k'a kụzịkwọnị ụnụ isi alị; wẹ k'a kpọ ụnụ Obodo Osolobuẹ, Zayọnụ hụn wụ nke Onyẹ-nsọ alị Izrẹlụ.

Malakaị 4:3

Ụnụ a zọkpụkpọ ndị-njọ, makẹni wẹ k'a rị kẹ ntụn okpuru ụkụ ụnụ ụhụọhịn m k'e mẹ ihiẹn m k'e mẹ. Ya kẹ Osolobuẹ ihiẹn ile rị okpuru ẹ ku.

Ọrụn Ndị-ozi 16:39

Wẹ nọ bịa d'a rịọ wẹ. Wẹ nọ wepụha wẹ, rịọma wẹ gha obodo hụ pụ.

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.

Samuẹlụ Nke Ibuzọ 2:36

Ogẹn ahụn, onyẹ-lẹ-onyẹ họdụ ikpụlọ ị jẹnkọ d'e gbu osekpu d'e kunrun ẹ kẹn'o ye ẹ egho lẹ n'o beye ẹ ẹkẹrẹ brẹdi, a rịọ a, ‘Dodo, ye m ọrụn onyẹ nchụn-ẹjan rụn, kẹni m hụn ihiẹn-oriri ri.’ ”