Itẹn 12:5 - Ika

⁵ Iroro rị mma kẹ onyẹ ezi-omumẹ a tụ, kanị ndụnmọdụn onyẹ eje-omumẹ e dufie edufie.

Itẹn 12:5 ပူးပေါင်းရင်းမြစ်များ

Ẹbụ-ọma 119:15

M k'a gha e ro iwu i, bu ẹnya m che ụzọ ị.

Ẹbụ-ọma 139:23

Chuku dodo nyọnchan m, kẹn'i marịn obi m; lele m, kẹn'i marịn ihiẹn m rị e ro,

Itẹn 11:23

Ihiẹn hụn rị a gụn onyẹ ezi-omumẹ e wẹhẹ ihiẹn rị mma sụọ, kanị ihiẹn onyẹ eje-omumẹ rị a tụ ẹnya e wẹhẹ ọnụma Osolobuẹ.

Itẹn 12:4

Ezigbo nwunyẹ wụ okpu-eze isi di ẹ, kanị nwunyẹ hụn e mẹ ihiẹn-ifẹnrẹn rị kẹ eje-emu rị di ẹ ọkpụkpụ.

Itẹn 12:6

Oku-ọnụ ndị eje-omumẹ rị e che wẹ nọkẹ onyẹ warịnị e che n'o gbu ịhịan; kanị ọzụọpụha kẹ oku-ọnụ ndị ezi-omumẹ a zụọpụha wẹ.

Itẹn 14:8

Amamihiẹn onyẹ nwọn uche k'o gi e lekpọ obibi ẹ, kanị nzuzu ndị-nzuzu e dufie wẹ.

Itẹn 24:9

Ihiẹn hụn onyẹ-ẹwobi romẹ wụ njọ; onyẹ hụn e lelịanị e ze ịhịan ize.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Jerimaya 9:3

Osolobuẹ sị, “Wẹ e bu ire wẹ e zinmẹ lekẹ ụta — ntụ hụ a tụpụha lekẹ ọbara-ụta; arị wẹ e gi ezioku a wụrụ okẹn-ịhịan wẹ rị a wụ imẹ alịnị. Wẹ hụ e mẹsọnmẹ njọ; amarịn wẹ m.

Jerimaya 9:5

Ọwụ hụ e dufie ọwụ, onwọnni onyẹ e ku ezioku. E zingụọ wẹ ire wẹ ntụ; e mẹ wẹ njọ amazị wẹ hụn wẹ mẹkọ.

Matiu 2:16

Ogẹn Hẹrọdụ gi hụn nị ndị hụ marịn ẹnya kokisẹ e mẹọlẹ ẹ ẹro, eje-olulu nọ bu ẹ. Ọ nọ zi ndị o zi, wẹ nọ jẹn d'e gbupụ ụmụẹka ikẹnnyẹ ile rị Bẹtilẹhẹm lẹ ẹgbẹrẹ hụ ile, ikẹnnyẹ ndị hụn rị gha ahụa ẹbụọ lụa alị. Ogẹn hụn ndị hụ marịn ẹnya kokisẹ gwa a k'o kwọndọn ẹka mẹ ihiẹnni o mẹ.

Matiu 26:4

Wẹ nọ zu umẹ nị wẹ gi ẹro nwụnrụn Jizọsị gbu.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Ndị Kọrẹntị Nke Ẹbụọ 4:2

Ẹnyi a jụgụọ ihiẹn-ifẹnrẹn ndị hụ ịhịan e zuemẹ; ẹnyi ara mẹ ẹro mọbụ tụ ntụ ye oku Osolobuẹ. Kama, ẹnyi hụ e kuchanrịn ezioku k'ọ nọ, e gi ẹ e we enwẹn ẹnyi a ghọsị ịhịan ile idẹnya Osolobuẹ, kẹni wẹ e gi akpakalị obi wẹ e lele kẹ ẹnyi nọ.