25 Uhue a nyịntu ịhịan nọkẹ ibu, kanị oku rị mma a gba a umẹ.
Y'e hiemẹgụọ m, welụachanrịn m alị; ẹkwan-ẹkwan kẹ m'a kwan eki e we gi;
Obi m, kẹ ndụn rị a gụn'ị? K'ị rị e sọngbu ni m? Lemẹkwọ Chuku, nị m k'a jazị a mma; ịya wụ onyẹ e yeni m ẹka lẹ Chuku m.
Oku-ọnụ onyẹ e kugụ d'e ro e wu kẹ ọpịa-agha, kanị oku-ọnụ ndị marịn ihiẹn e mẹ ịhịan a dịnhịn.
Onyẹ ezi-omumẹ a chọsọnmẹ ọwụ a, kanị onyẹ eje-omumẹ e duhuhu ọwụ a.
Obi sụọ marịn k'o dọn rị a fụ a; ọ sụọma a, ịya sụọ marịnzịkwọ — onwọnni onyẹ ọzọ.
Omẹni ịghọghọ rị ịhịan obi, ihun a sụọma a ẹmụ, kanị ụfụ rị ịhịan obi, o gbu mmọn a.
Onwọnni ụhụọhịn a rị onyẹ rị e ri ụya mma, kanị nke onyẹ obi rị a sụọ ụsụọ, ụhụọhịn ile k'o nwọnsọnmẹ anwịnrịn.
Oku ịhịan shịarị danyechanrịn, o mẹ ẹ ghọghọ; oku wẹ ku ogẹn o furu a rịka mma.
Ihun sụọ ịhịan ẹmụ, obi ibe ẹ a ghọghọ; ozi rị mma bịa, ndụn a ban ịhịan rudẹ ọkpụkpụ.
Oku rị mma wụ ọgba-ẹnwụn — ọ sụọ umẹ-ndụn ịhịan ụsụọ, e mẹ ọkpụkpụ a a rị ikẹn.
Obi ụsụọ wụ ezigbo ọgụn, kanị omẹni ndụn a rị obi, ọkpụkpụ asaẹka wuzo ọtọ.
Obi ịhịan e mẹ ẹ a s'ẹka e dingbu emu, kanị ndụn gụ obi, k'o k'a sa nwan ẹka din?
Oku wẹ tụye ọhụnma nọ kẹ mkpụrụ-osisi a la ẹnya wẹ gi goru kpụ, dọnyesọnmẹ elu ihiẹn siliva.
Kẹ udẹn e kun fuẹin lẹ nsẹnsi dọn e mẹ obi a sụọ ịhịan ụsụọ, ẹrịra kẹ ọwụ ịhịan a rị a, makẹni o gi akpak'alị obi ẹ a dụn a ọdụn.
Di-nwọnni-ẹnyi wụ Osolobuẹ e yegụọ m ire onyẹ wẹ zụn hụn m gi a marịn oku m'e gi gba onyẹ ndụn gụ umẹ. Ụtụntụn ọwụlẹ k'o gi a kpọtiẹn m, a shịapụ ntịn m — kẹni m gọn ntịn kẹ onyẹ wẹ rị a kuzi ihiẹn.
Ya kẹ Osolobuẹ nọ gi oku rị mma lẹ oku a rọkọ obi za mmọn-ozi ahụn rị a gwa m oku.
