Itẹn 12:22 - Ika

²² Ire a tụ ntụ wụ arụ ebe Osolobuẹ rị, kanị ndị e ku ezioku a sụọ a ụsụọ.

Itẹn 12:22 ပူးပေါင်းရင်းမြစ်များ

Ndị-nze Nke Ibuzọ 13:18

Ya onyẹ-amụma hụ ka ẹgẹdi nọ sị a, “Mmẹ nwẹn wụzị onyẹ-amụma nọkẹ yụ. Mmọn-ozi gwa m nị Osolobuẹ sị m: ‘D'e wekinhẹn ẹ, n'o d'a nọ iwe i ri, ra.’ ” (Kanị, ntụ kẹ onyẹ-amụma hụ ka ẹgẹdi rị a tụ a.)

Ẹbụ-ọma 120:2

“Osolobuẹ, dodo zụọpụha m ẹka onyẹ-ntụ, onyẹ ezioku rịlẹni ọnụ.”

Ẹbụ-ọma 5:6

Y'e tikpọ ndị ile a tụ ntụ. Ndị egbu-lẹ-egbu lẹ ndị-ndufie wụ arụ ẹnya Osolobuẹ.

Itẹn 11:1

Igi mkpu rịlẹni mma zụ afịa wụ arụ ẹnya Osolobuẹ kanị ezigbo mkpu a sụọ a ụsụọ.

Itẹn 11:20

Onyẹ e ro eje-ihiẹn rụ arụ ẹnya Osolobuẹ, kanị ndị obibi wẹ nwọnlẹni nkọrịanị a sụọ a ụsụọ.

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Itẹn 17:7

Oku rị mma efuruni ọnụ onyẹ ẹwobi — nanị ntụ e dọn nwan furu ọnụ onyẹ ọkịkị?

Azaya 9:15

ndị-ichẹn lẹ ndị-ndu wụ isi, ndị-amụma rị a kuzi ntụ wụ ọdụndụn.

Jerimaya 9:24

onyẹ k'a nyan isi ya gi ọnwan nyan isi: n'ọ marịnghọ m lẹni ọ ghọtaghọ m — nị m wụ Osolobuẹ, onyẹ hụn e gi ẹfọma lẹ ezioku lẹ ezi-omumẹ e mẹ ihiẹn elu-ụwa, makẹni uwẹ nwọn a sụọ m.” Ya kẹ Osolobuẹ ku.

Izikẹlụ 13:19

Ụnụ rị e gi ufiri ọka-bali junhụ ọb'ẹka w'e kpọnye ụnụ lẹ mpekele brẹdi e budan m ẹnya ndị nke m. Ụnụ hụ e gi ntụ ụnụ rị a tụ ndị nke m hụn gi ntụ e dọn e gbu ndị furu ni wẹ rị ndụn, a latọ ndị furu ni wẹ nwụn.

Izikẹlụ 13:22

“ ‘Ụnụ hụ e gi ntụ ụnụ e mẹ ndụn a gụ ndị ezi-omumẹ bụ ẹlẹ mmẹ ku ihiẹn ndị hụ ndụn gi a gụ wẹ, a gba ndị eje-omumẹ umẹ, e mẹ wẹ ahapụlẹ eje-obibi wẹ, hụn te furu w'a hapụ kẹni wẹ rị ndụn.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.