Itẹn 11:24 - Ika

²⁴ O nwọn onyẹ a ha ẹka bụ ọ hụ e nwọncheni; hụn-ẹbọ hụ e mẹ atịtịn a dan ogbẹnnyẹ.

Itẹn 11:24 ပူးပေါင်းရင်းမြစ်များ

Ihiẹn Mẹni Nke Ẹbụọ 31:10

Onyẹ-isi nchụn-ẹjan wụ Azaria, hụn wụ onyẹ ikpụlọ Zadọkụ nọ sị a, “Kete wẹ tụhamalẹ ihiẹn imẹ Ụlọ-nsọ Osolobuẹ, ẹnyi hụ e rijun ẹfọ, a hụn ọda-ọda e dọnmẹ, makẹni Osolobuẹ a gọziọlẹ ndị nke ẹ; hụnnị ile wụ hụn họdụnị.”

Ẹbụ-ọma 112:9

O yesọnmẹ ndị-ọzọ ihiẹn, o yesọnmẹ ndị elu rị a fụ ihiẹn; o k'e mẹsọnmẹ ihiẹn furuni jẹnrin ejẹn; o k'e mẹri, nwọn mgbaye.

Itẹn 11:18

Ụgwọ-ọrụn a la iwi kẹ eje-ịhịan e nwọnhẹn, kanị ezigbo ụgwọ-ọrụn kẹ onyẹ a kụnye ezi-omumẹ a ghọrị.

Itẹn 11:23

Ihiẹn hụn rị a gụn onyẹ ezi-omumẹ e wẹhẹ ihiẹn rị mma sụọ, kanị ihiẹn onyẹ eje-omumẹ rị a tụ ẹnya e wẹhẹ ọnụma Osolobuẹ.

Itẹn 11:25

Onyẹ a ha ẹka k'a gha ihun; onyẹ hụn e ye ndị ọzọ mirin a ra k'a hụnzị onyẹ e ye ẹ mirin a ra.

Itẹn 13:7

Onyẹ ohu e mẹ kẹ ọdanfịn bụ onwọnni ihiẹn o nwọn; hụn ẹbọ e mẹ kẹ ogbẹnnyẹ bụ o nwọnghọ ihiẹn ọda-ọda.

Itẹn 19:17

Onyẹ rị e mẹni ogbẹnnyẹ ọhụnma rị e zinye Osolobuẹ ihiẹn; o k'a kụ a ụgwọ ihiẹn o mẹ.

Itẹn 28:27

Onwọnni ihiẹn k'a kọ onyẹ e ye ndị igbẹnnyẹ ihiẹn, kanị ọnụ-ẹsọn bu ọda e sọn onyẹ a hụn ndị igbẹnnyẹ a nyụnma ẹnya.

Itẹn 28:8

Onyẹ hụn e gi okẹn ọmụnịnwa e hiwaye ọdanfịn rị a kpatọnị onyẹ e mẹni ndị igbẹnnyẹ ọhụnma.

Ẹkịliziastisi 11:6

Kụn mkpụrụ ị ụtụntụn, y'a rụnsọnmẹ ọrụn ị d'e ru ẹnyasị, makẹni y'a marịn hụn k'a ghanị — kẹ hụnnị rọ kẹ hụn ahụn, ra wẹ ẹbụbụọ k'e mẹ ọhụnma — y'a marịn.

Hagaị 1:6

Ụnụ ahụnnị nị ụnụ kụngụ ọda, ẹkẹrẹ sụọ kẹ ụnụ a hụn a ghọrị; ụnụ hụ e ri, kanị ụnụ arị a hụn hụn e jun ụnụ ẹfọ; ụnụ hụ a ra, kanị ụnụ arị a hụn hụn e jun ụnụ ẹfọ; ụnụ hụ e yi ẹkwa, kanị ụnụ arị a hụn hụn e zu ụnụ a chụ oyi; ụnụ hụ a kpa egho a kpaye ẹkpa e hini.

Malakaị 3:8

“Nị ịhịan zun nwan Osolobuẹ ohin? Bụ ụnụ hụ e zun m ohin. “Kanị ụnụ hụ a jụ, ‘Nanị ẹnyi dọn e zun Osolobuẹ ohin?’ “Ụzọ-ohu-imẹ-ụzọ-iri lẹ oyiye ụnụ furu nị ụnụ e ye kẹ ụnụ rị e zunnarịn m.

Luku 6:38

“Ye, kẹni Osolobuẹ ye i: i sikọ d'e nwọnhẹn hụn wẹ kpọnjun ọhụnma-ọhụnma, bịantu ẹ, zinzin, o junpụha — e hu wẹ ẹ ye i ngadan. Makẹni, kẹ i yehan ndị ọzọ k'i sikọ d'e nwọnhẹn.”

Ditrọnọmi 15:10

Han'a ẹka; shịapụkwọ ẹfọ ye ẹ ya! Ogẹn ahụn, Osolobuẹ wụ Chuku i e gi ufiri ẹ gọzi ihiẹn ile ị rị a rụn lẹ ihiẹn ile i buche ẹka.