Itẹn 10:21 - Ika

²¹ Oku-ọnụ ndị ezi-omumẹ e ye ndị bu ọda ihiẹn-oriri, kanị ndị nzuzu a nwụnhụndẹ makẹni uche arịa.

Itẹn 10:21 ပူးပေါင်းရင်းမြစ်များ

Jobu 23:12

Apatuni m oku gha a ọnụ pụha; oku-ọnụ a kadẹ m mkpa karị ihiẹn-oriri m.

Ẹbụ-ọma 37:30

Oku hụn a gha onyẹ ezi-omumẹ ọnụ a pụha wụ amamihiẹn-amamihiẹn; ezioku-ezioku k'o ku.

Itẹn 1:29

makẹni amamihiẹn ze ụnụ ize, makẹni ụnụ ahanrịnnị ịtụ-egun Osolobuẹ.

Itẹn 1:31

ụnụ jẹnkọ nwan d'e ri mkpụrụ hụn obibi ụnụ mịpụha, gi isi buru ihiẹn ụnụ romẹ, ẹfọ e jun ụnụ.

Itẹn 1:32

Makẹni isi ndị ẹwobi e fesọnmẹ k'e gbu wẹ, ẹfọ-ojunjun ndị-nzuzu k'e tikpọ ndị-nzuzu;

Itẹn 10:11

Ọnụ onyẹ ezi-omumẹ wụ isi-mirin e ye ndụn, kanị oku a rụ ẹhụ jun eje-ịhịan ọnụ.

Itẹn 12:18

Oku-ọnụ onyẹ e kugụ d'e ro e wu kẹ ọpịa-agha, kanị oku-ọnụ ndị marịn ihiẹn e mẹ ịhịan a dịnhịn.

Itẹn 15:4

Ọnụ hụn e dọnzi ihiẹn wụ osisi e ye ndụn, kanị ọnụ hụn e ku eje-ihiẹn e gbu mmọn ịhịan.

Itẹn 15:7

Ọnụ ndị nwọn uche e mẹsọnmẹ ịhịan a marịn ihiẹn, kanị ndị-nzuzu ara rodẹ ọhụn.

Itẹn 17:16

Kịnị kẹ onyẹ-ẹwobi rị e yeni wẹ egho w'e gi kuzi ẹ amamihiẹn, ebe o mẹni uche arịa a ẹfọ?

Itẹn 5:12

Ogẹn ahụn ị sị, “Ize ọzụnzụn zeni m mẹ m ihiẹnni! Anịdẹni m wẹ jụgbọ m kaka!

Itẹn 5:2

kẹni i marịn gi ezigbo uche e bi, kẹni oku-ọnụ ị wụrụ nke onyẹ marịn ihiẹn.

Itẹn 5:23

O k'a nwụnhụn makẹni ọ nịnị wẹ zụn a; okẹn nzuzu ẹ k'e duhuhu ẹ.

Itẹn 6:32

Onyẹ na nwunyẹ ịhịan enwọn uche; onyẹ ọwụlẹ mẹn'ẹ gbu enwẹn ẹ.

Ẹkịliziastisi 12:11

Oku ndị marịn ihiẹn ku nọ kẹ ẹgbe wẹ pịn hụn wẹ gi e du efin, wẹ kịgbama wẹ, wẹ nọsọnmẹ kẹ ntu wẹ kpọye ọhụnma — hụn gha ẹka Onyẹ-ndu anụ ohu bịa.

Azaya 5:13

Ufiri ẹ, wẹ k'a kpụn ndị nke m shi alị ọzọ makẹni ndị nke m enwọn nghọta; ẹgụn-ọnụ k'e gbu ndị-isi wẹ, ẹgụn-mirin e gbu ndị-mmaka.

Jerimaya 15:16

K'i gwa m oku, e righọ m'a lekẹ ihiẹn-oriri, o mẹ m ghọghọ, mẹ ẹfọ sụọ m ụsụọ, makẹni ẹfan ị kẹ m'a za, Osolobuẹ, Chuku ihiẹn ile rị okpuru ẹ.

Jerimaya 3:15

E tumẹni m ụnụ ndị-ndu hụn k'e du ụnụ kẹ m chọ. Wẹ k'e gi amamihiẹn lẹ nghọta du ụnụ.”

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Matiu 12:35

Ezigbo ịhịan a gha ihiẹn rị mma o butọ e wepụha ihiẹn rị mma, kanị eje-ịhịan a gha eje-ihiẹn o butọ e wepụha eje-ihiẹn.

Matiu 13:19

Onyẹ nụ ozi Alị-eze bụ ọ ghọhan'a, Eje-onyẹ hụ a bịa d'a jụnarịn a ihiẹn hụ wẹ kụnye ẹ obi. Ọhụn wụ mkpụrụ ndị hụn wẹ ghaye ọkpụzọ.

Ndị Rom 1:28

Makẹni ekwerini wẹ mẹ nọkẹ sị a marịnghọ wẹ Osolobuẹ, Osolobuẹ nọ la wẹ tọnị uche wẹ ahụn la iwi kẹni wẹ mẹsọnmẹ ihiẹn furulẹni,

Pita Ibuzọ 5:2

e lepụ nị atụnrụn Osolobuẹ wẹ buche ụnụ ẹka ẹnya; e du ni wẹ, ẹlẹ nke ndị wẹ wa a ye olu, kanị nke ndị gi obi wẹ a rụn — hụn wụ ihiẹn Osolobuẹ chọ; egilẹ ni ẹkpịrị egho mẹ ẹ, kama ya wụrụ ihiẹn a dụ ụnụ omumẹ.