Itẹn 1:28 - Ika

²⁸ Ogẹn ahụn, ụnụ jẹnkọ d'a kpọ m, kanị azakọ m; ụnụ k'e gi akpak'alị obi ụnụ chọ m kanị ụnụ ahụnkọ m —

Itẹn 1:28 ပူးပေါင်းရင်းမြစ်များ

Jẹnẹsisi 6:3

Ya kẹ Osolobuẹ nọ sị, “Mmọn m anọferikọzị imẹ ịhịan, makẹni ịhịan mmaka k'ọ wụ — ufiri ẹ, ahụa ọgụn isin sụọ kẹ ịhịan sikọ d'a tọru elu ụwanị.”

Jobu 27:9

Nị Chuku gọndẹ nwan ntịn ẹkwan a ogẹn nsọngbu?

Jobu 35:12

Ya haịn o gilẹni a za wẹ, wẹ gha a kwanghọsị a — makẹni wẹ rị a pache rịkẹ ndị njọ ahụn wẹ wụ.

Ẹbụ-ọma 18:41

A kwan wẹ, a hụnnị wẹ onyẹ a zụọpụhanị wẹ; a hịdẹ wẹ Osolobuẹ, ọ zanị wẹ.

Ẹbụ-ọma 18:42

E gweriẹn m wẹ, e họnrin wẹ uzunzun ufere bukọ; e hupụ m wẹ kẹ ẹpẹtẹ.

Ẹbụ-ọma 66:18

Omẹni m te rị e ro njọ, Osolobuẹ eke gọn m ntịn.

Itẹn 15:29

Osolobuẹ a nọte anọte ebe ndị eje-omumẹ rị, kanị ọ nụ ekpere ndị ezi-omumẹ.

Itẹn 8:17

Ndị ihiẹn m a sụọ, ihiẹn wẹ a sụọ m asụọ; ndị hụn a chọshi m ikẹn a hụn m a hụn.

Ẹbụ Solomọnụ 5:6

A gụnpụnị m Nke-m ụzọ, kanị ọ pụgụọ — ọ rịzị a. Obi e feri m n'ọ pụgụọ; a chọ m'a, ahụnnị m'a; a hị m'a oku, ọ zanị m.

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Jerimaya 11:11

Ya haịn Osolobuẹ gi nwan rị a sị, ‘M jẹnkọ d'e mẹ wẹ tikpọ wẹ hụn wẹ jẹnkọlẹni d'a s'ẹka wanahịn. Ọsụọn'a wẹ kwanghọsị m, egọnkọ m wẹ ntịn.

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Izikẹlụ 8:18

Mmẹ nwẹn jẹnkọ nwan d'e gi olulu mẹ wẹ ihiẹn; elekọ m wẹ ẹnya ihun; emẹkọ m omikẹn wẹ. Wẹ k'a kwanghọsị m ọda-ọda, egọnkọ m wẹ ntịn.”

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”

Hosia 5:6

Wẹ k'e gi atụnrụn lẹ efin chọ ihun Osolobuẹ, kanị o lekọ wẹ ẹnya ihun; o wepụgụọnị wẹ ẹka.

Emọsụ 8:12

Wẹ k'a rị a wahunmẹ, a gha ohimin a pụ ohimin; a gha ẹbamịn-ugu e shi ẹbamịn ọwụwa-ẹnyanwụn, a gbajẹn, a gbalụa, a chọhunmẹ oku Osolobuẹ, kanị ahụnkọ w'a.

Maịka 3:4

O ru ogẹn hụ, ụnụ jẹnkọ d'a kwanghọsị Osolobuẹ, kanị ọ zakọ ụnụ; o k'e fepụ ụnụ ẹnya yeni eje-ihiẹn ụnụ rị e mẹ.

Zẹkaraya 7:13

Ebe o mẹni azanị wẹ m kẹ m kpọ wẹ oku, a kpọ wẹ m, m nọ jụ n'a zakọ m wẹ. Ya kẹ mmẹ wụ Osolobuẹ ihiẹn ile rị okpuru ẹ ku.

Ditrọnọmi 1:45

Ụnụ nọ lụaha, kwanghọsịma Osolobuẹ, kanị o gọndẹni ntịn ẹkwan ụnụ n'a kwan; o feyedẹni ụnụ ẹnya.

Jemisi 4:3

Ụnụ rịọdẹ ụnụ ara nwọnhẹn, makẹni ụnụ rị a rịọ hụn furulẹni nị ụnụ rịọ, hụn ụnụ e gi mẹ ihiẹn a sụọnị ụnụ.

Samuẹlụ Nke Ibuzọ 8:18

Ogẹn hụ, ụnụ jẹnkọ d'a kwanma ẹkwan, rịọma nị wẹ d'a zụọpụha ụnụ ẹka eze hụ ọnụ hanrịn, kanị ụhụọhịn hụ, Osolobuẹ azakọ ụnụ.”