Itẹn 1:27 - Ika

²⁷ ogẹn ihiẹn ụnụ a tụ egun ẹ e gi kunrun ụnụ lekẹ ufere e tikpọnị, ogẹn okẹn eje-ihiẹn e gi kunrun ụnụ nọkẹ okẹn ufere rị a kpọnị, ogẹn eje ihiẹn-ụfụ lẹ nsọngbu e gi kunrun ụnụ.

Itẹn 1:27 ပူးပေါင်းရင်းမြစ်များ

Jobu 27:9

Nị Chuku gọndẹ nwan ntịn ẹkwan a ogẹn nsọngbu?

Ẹbụ-ọma 58:9

Ite gini d'a nụ ọkụn, Osolobuẹ ya zachanpụ ndị eje-ịhịan, kẹ wẹ dọn a zachanpụ nkụn wẹ gi fiye ọkụn kẹ nke ndụn kẹ nke ọkpọ-nkụn.

Azaya 17:13

Ọsụọkwọn'a ndị alị ichẹn-ichẹn rị a zụn ụzụn kẹ okẹn-mirin rị e huni, Osolobuẹ k'a jụgbọ wẹ hụ a gbate wẹ, nọkẹ ẹfịfịa ọkpọ-nkụn ufere bukọ elu òke, nọkẹ ukun-ẹfịfịa ufere bukọ.

Jerimaya 23:19

E lee nị nwan okẹn ẹbi kpọlanị, ọnụma Osolobuẹ hụn lalanị — o jẹnkọ d'a nọ isi ndị eje-omumẹ hụ bi.

Nahum 1:3

Osolobuẹ ara bukẹnrin olulu, kanị o nwọnkẹkwọ ikẹn; ara hatukwọ onyẹ mẹ eje-ihiẹn. Okẹn ufere lẹ ẹbi k'o gi lala; ụkụ a e kpọn orukpu-igwere kẹ uzunzun.

Ndị Rom 2:9

afụnfụn lẹ nsọngbu k'a rịnị onyẹ ọwụlẹ e mẹ eje-ihiẹn, ndị Ju wụ ibuzọ, o sọn ndị wụlẹni ndị Ju.

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!