Hosia 9:7 - Ika

⁷ Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Hosia 9:7 ပူးပေါင်းရင်းမြစ်များ

Ndị-nze Nke Ẹbụọ 9:11

Jehu nkẹ e kinhẹn d'e kunrun ibe ẹ, onyẹ ohu imẹ wẹ nọ jụ a, sị, “Demẹ ọ hụkwọ mma? Kị onyẹ-ẹranị chọhanị ị?” Jehu nọ sị wẹ, “Ọnụ a marịngụọ onyẹ nọ ẹnịna lẹ ụdị ihiẹn o k'e ku.”

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 34:8

Makẹni Osolobuẹ a kayegụọ ụhụọhịn o k'e mẹgwarị; ọ kayegụọ ahụa o k'e gi mẹshi alị Ẹdọm ikẹn, makẹ ufiri Zayọnụ rị alị Izrẹlụ.

Azaya 44:25

Mmẹ haịn ndị-amụma ntụ gi e ku ọzọ, ọzọ e mẹ, e mẹ ndị a hụn-ụzọ a nọ kẹ ndị ẹwobi; mmẹ haịn o gi arụnahịn ndị marịn ihiẹn, ihiẹn wẹ marịn e họnrin ihiẹn nwọnlẹni isi.

Jerimaya 10:15

Abannị wẹ erere, wẹ wụhụ ihiẹn ẹmụ; wẹ jẹnkọ d'a la iwi ogẹn m'e gi mẹ wẹ ihiẹn furuni wẹ.

Jerimaya 11:23

Onwọnkọdẹ kaka akpụ onyẹ ohu m jẹnkọ d'a latọ imẹ wẹ, makẹni eje-nsọngbu kẹ m welanị ndị Anatọtụ ogẹn m'e gi ye wẹ afụnfụn.”

Jerimaya 16:18

“M jẹnkọ d'e ye wẹ afụnfụn njọ lẹ eje-ihiẹn wẹ mẹ, ye wẹ ya ụzọ ẹbụọ, makẹni e gigụọ wẹ eje-ihiẹn ndị ahụn wẹ kpụtọsọnmẹ mẹrụ alị m, ihiẹn ndị ahụn rụnị rịlẹni ndụn hụn wẹ rị e fe.”

Jerimaya 23:13

“O nwọn ihiẹn jọgbu enwẹn ẹ m hụn ẹka ndị amụma alị Sameria: wẹ gi ẹfan Baalụ bu amụma, gi ẹ dufie ndị nke m ndị Izrẹlụ.

Jerimaya 25:14

“Wẹ lẹ enwẹn wẹ wụ ndị Babilọnụ k'a wụzịkwọ igbọn alị bu ọda lẹ ndị-nze uku; m k'e mẹgwarị wẹ ihiẹn ile wẹ mẹ lẹ ihiẹn ile wẹ rụn.”

Jerimaya 29:26

‘Zẹfanaya, ịyụ wụ onyẹ nchụn-ẹjan hụn Osolobuẹ tumẹ onyẹ nlepụ-ẹnya ụlọ Osolobuẹ, gi i nọkin ẹnya onyẹ nchụn-ẹjan wụ Jehoyada; o furu nwan n'i gi aba lẹ igwe wẹ gi a kpọma ịhịan kpọma onyẹ-ẹra ọwụlẹ kpọ enwẹn ẹ onyẹ-amụma.

Jerimaya 46:21

Ndị alị ọzọ ahụn wẹ we d'a lụnị wẹ agha du kẹ nwa-efin, kanị wẹ nwẹn k'e sọn wẹ gbala — asakọ wẹ ẹka turu, makẹni ụhụọhịn w'e gi tikpọ wẹ rọ — ogẹn wẹ e gi ye wẹ afụnfụn rọ.

Jerimaya 6:14

Wẹ hụ a zụọ ndị nke m rụ eje-ẹhụ nọkẹ sị arụkanị wẹ ẹhụ: a sị, ‘Nsọngbu arịa! Nsọngbu arịa!’ bụ nsọngbu e jun.

Jerimaya 8:11

Wẹ hụ a zụọ ndị nke m rụ eje-ẹhụ nọkẹ sị arụkanị wẹ ẹhụ: a sị, “Nsọngbu arịa! Nsọngbu arịa!” bụ nsọngbu e jun.

Ẹkwan 2:14

Ọhụn ndị-amụma ị hụnnị ị wụhụ ọhụn ntụ lẹ ọhụn nwọnlẹni isi, agwapụnị wẹ i njọ ị, gi ẹ napụ ị ẹgbụnnị kunrunn'i nwan. Oku wẹ gwa ị nị ya kẹ Osolobuẹ ku wụhụ ntụ lẹ ndufie.

Izikẹlụ 13:10

“Makẹni e gigụọ wẹ wẹ ile duhuhu ndị nke m, a sị wẹ, ‘Nsọngbu arịa,’ bụ nsọngbu jun ejun; ịhịan hụ a tụn ẹhụ-ụlọ zelẹni, ndị amụmanị hụ e gi ihiẹn-ọchan e te ẹ n'ọ la ẹnya!

Izikẹlụ 13:3

Osolobuẹ Nwọn Ihiẹn Ile sị: nsọngbu rị e che ụnụ ndị-amụma, ndị nzuzu rị e ku ihiẹn obi wẹ gwa wẹ bụ onwọnni ihiẹn wẹ hụn!

Izikẹlụ 25:17

M k'e mẹgwarị wẹ ọhụnma-ọhụnma, gi ọnụma m ye wẹ afụnfụn ọda-ọda. M yegụ wẹ afụnfụn, a marịn wẹ nị mmẹ wụ Osolobuẹ.’ ”

Izikẹlụ 38:23

M k'a ghọsị ikẹn m hi ogbe, ghọsị nị m rị nsọ, ghọsị onyẹ m wụ idẹnya alị bu ọda. Ogẹn ahụn, a marịn wẹ nị mmẹ wụ Osolobuẹ.’

Izikẹlụ 9:10

Mmẹ nwẹn emẹkọ nwan omikẹn wẹ; elekọ m wẹ ẹnya ihun. M k'e mẹ wẹ gi isi wẹ buru eje-ihiẹn wẹ mẹ.”

Hosia 14:1

Rogharị nị nwan, ndị Izrẹlụ, kweyeni Osolobuẹ wụ Chuku ụnụ makẹni ụnụ a kpọgburugụọ njọ dan.

Hosia 5:9

Ezioku kẹ m rị a gwa ebọn Izrẹlụ ile, Ifrem wụ Izrẹlụ Ẹbamịn-ugu k'a gba okpokoro ogẹn afụnfụn lalanị e gi bịa!

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Hosia 9:8

Onyẹ-amụma wụ onyẹ-nche wẹ tumẹni Izrẹlụ wụ Ifrem. Kanị ọnyan-ọnyan kẹ w'a kpọn'a ebe-lẹ-ebe o jẹn, ukpokpo-ukpokpo kẹ w'e kpokpodẹ ẹ mmụlọ Chuku ẹ.

Emọsụ 8:2

Ọ nọ sị, “Emọsụ, kị ị rị a hụn?” M nọ sị, “Mkpụrụ osisi channị hụn rị imẹ ụkpalị.” Ya kẹ Osolobuẹ nọ sị m, “Gi ẹ marịn nị ọgụgụ e kunrunọlẹ ndị nke m ndị Izrẹlụ: ahatukọzị m wẹ, m k'e yerịrị wẹ afụnfụn njọ wẹ.

Maịka 2:11

nọkẹ sị onyẹ-amụma ntụ te pụha a sị ndịnị, ‘Manya lala — kẹ hụn a tụnị,’ onyẹ-amụma nọ ẹrịra ya nwọn a sụọ ndịnị!

Maịka 7:4

Mma wẹ e mẹ nọ kẹ ogun; onyẹ hụn kụrụ ọtọ imẹ wẹ akanị ụgba ogun-lẹ-ọkịnkan mma. Kanị ogẹn ahụn ndị-nche ụnụ gwatọ ụnụ a bịagụọ, ogẹn m'e gi ye ụnụ afụnfụn; o sikọ d'a gba ụnụ ngharị-ẹnya!

Zẹfanaya 3:4

Ndị-amụma rịn'a e ku mpụ; a tụ ntụ! Ndị nchụn-ẹjan rịn'a hụ e mẹrụ ụlọ-nsọ, e gi Iwu Osolobuẹ e mẹ k'ọ sụọ wẹ.

Makị 3:21

Nnẹ lẹ umunẹ Jesu a nụ a, wẹ nọ bịa nị wẹ weri ẹ, makẹni wẹ nụ kẹ wẹ rị e ku oku ẹ, a sị “Ẹra a pụmagụọ a!”

Luku 21:22

Makẹni ogẹn mmẹgwarị rọ, ogẹn w'e gi mẹzuchanrịn ihiẹn ile wẹ de imẹ Ẹkụkwọ-nsọ.

Ndị Kọrẹntị Nke Ẹbụọ 5:13

Makẹni, omẹni ẹnyi e mẹ kẹ ndị uche wẹ zulẹni, ufiri Osolobuẹ rọ; omẹni ẹnyi e mẹ kẹ ndị uche wẹ zu oke, ufiri ụnụ rọ.

Rẹvẹleshọnụ 16:19

Ya kẹ obodo uku hụ nọ kebe ụzọ ẹtọ; obodo shịa ẹfọ rịsọnmẹ alị ile nọ tikpọchanrịn. Osolobuẹ a nyanhan Babilọnụ uku hụ, we mkpu hụ iwe-lẹ-ọnụma a rị ye ẹ ra kẹ manya.