Hosia 9:6 - Ika

⁶ Ọnwụn kẹ wẹ gbakọnị kanị ndị Ijiptu k'e kpọnrin wẹ gbu; ndị Mẹmfisi alị Ijiptu k'e li wẹ! Ogun k'e rukpumẹ siliva ile wẹ kpọntọ, ọkịnkan e rukpumẹ ụlọ ndị wẹ k'a latọ.

Hosia 9:6 ပူးပေါင်းရင်းမြစ်များ

Ndị-nze Nke Ẹbụọ 13:7

Onwọnzini ihiẹn họdụnị imẹ ndị-agha Jeho-ahazị karị mmadụ iri kwasị ọgụnnaị gi ẹshin a lụ agha, ụgbọ-ẹshin iri lẹ mmadụ nnụ-uku iri (10,000) gi ụkụ e jẹn agha, makẹni eze Aram e gbuchanrịngụọ ndị-agha Izrẹlụ Ẹbamịn ugu, zọkpụkpọ wẹ nọkẹ ẹjan rị alị.

Ẹbụ-ọma 107:34

O wiwi alị te e mẹ ihiẹn ọhụnma, o họnrin alị-nnu e gbu ihiẹn-ugbo, ufiri eje-obibi ndị bin'ẹ.

Itẹn 24:31

e lee ogun rujun ebe ile, ẹfịfịa e rujun alị; mgbọn ẹ wẹ gi ọmụma tụn a dankpọgụọ.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 19:13

Ịhaịmẹ Zụanị e họnringụọ ndị-nzuzu, ndị-ndu Mẹmfisi wụhụ ndị wẹ dufie; Ndị-isi nwẹn wụ ọmụma ndị Ijiptu gi dọn ẹnya e dufieọlẹ alị Ijiptu.

Azaya 27:12

O ru ogẹn hụ, Osolobuẹ k'a kụkpọchanrịn alị-eze ile rị gha Iyi Yufretisi d'e ru Iyi udu-mirin rị ebe Ijiptu ru; o k'a kụkpọ wẹ kẹ w'a kụkpọ ọka, tụtụrụ ụnụ ndị Izrẹlụ ohu-ohu rịkẹ akpụrụ-ọka.

Azaya 32:13

kwannị nị alị ile ndị nke m a rụn ugbo, makẹni o jẹnkọ d'e họnrin alị ọfịa buru, alị ogun-lẹ-ọkịnkan weri; kwannị nị ụlọ ile wẹ nọ e ri a ra lẹ obodoni wụ oriri lẹ ẹhụ-ọtụtụ.

Azaya 34:13

Ogun k'e suekin ụlọ-uku ile wẹ te gi dọn ẹnya, abịogun lẹ mkpalị e suekin ebe ile wẹ te a gbaban. O k'e họnrin ebe nkitẹ-ọfịa wụ jakalụ nọ a kpa lẹ ebe ozuzu-ọfịa e bi.

Azaya 5:6

M k'e mẹ ẹ họnrin alị la iwi, alị wẹ ghalẹni e befọn ihiẹn rịn'a mọbụ a rụn ugbo, ogun lẹ ọkịnkan e pu ẹ. M k'a sị igwere e zueyelẹ ẹ mirin.

Azaya 7:23

Ogẹn hụ, ogun-lẹ-ọkịnkan sụọ kẹ wẹ jẹnkọ d'a hụn ebe ile wẹ te nọ a hụn isi vaịnị nnụ-uku w'e re akpụrụ siliva nnụ-uku.

Jerimaya 2:16

Ndị Mẹmfisi lẹ Tapanhẹsị alị Ijiptu a kọgụọ ụnụ mkpukpuriẹ, gi gbe ifẹnrẹn ye ụnụ ihun.

Jerimaya 42:22

Gọn nị nwan ntịn; ya we ụnụ ẹnya nị omẹni ụnụ e jẹn d'e biri Ijiptu hụ ụnụ sị ụnụ jẹnkọ d'e biri, agha lẹ ụnwụn lẹ eje-emu jẹnkọ d'e gbu ụnụ.”

Jerimaya 44:1

Ọnwan wụ oku Osolobuẹ gwa Jerimaya banyeni ndị Juda ile bi alị ichẹn-ichẹn imẹ Ijiptu. Alị ichẹn-ichẹn ndị ahụn wụ Mig'dọlụ, Tapanhẹsị, Mẹmfisi lẹ Patrọsị:

Jerimaya 44:12

M jẹnkọ d'e gbupụ ndị Juda hụ ile họdụnị hụn bu isi-ikẹn bịa alị Ijiptu d'e biri. Wẹ k'a nwụntọ Ijiptu ebeni, ọpịa-agha lẹ ẹgụn k'e gbu wẹ — kẹ onyẹ-uku kẹ onyẹ-nta. Ọpịa-agha lẹ ẹgụn k'e gbu wẹ. Wẹ k'a wụrụ ihiẹn wẹ gi a bụ ọnụ lẹ ihiẹn a tụ ịhịan egun lẹ ihiẹn wẹ gi a kpọ iyi lẹ ihiẹn ifẹnrẹn.

Jerimaya 44:13

M k'e gi agha, ẹgụn lẹ eje-emu ye ndị bi alị Ijiptu afụnfụn kẹ m dọn ye ndị rị obodo Jerusalẹm.

Jerimaya 46:14

“D'a gwa alị Ijiptu ile — kẹ ndị rị Mig'dọlụ kẹ ndị rị Mẹmfisi lẹ Tapanhẹsị: ‘Kwademẹ ni agha, makẹni agha rị e gburi alị ndị nọkunmẹni ụnụ!’

Jerimaya 46:19

“Ndị bi Ijiptu, buru ni ẹkpa, nị wẹ sikọ d'a kpụnrụn ụnụ, Makẹni obodo Mẹmfisi k'a gba okoro, onwọnni onyẹ k'a họdụ imẹ ẹ.

Izikẹlụ 30:13

Osolobuẹ Nwọn Ihiẹn Ile sị: M k'e tikpọzịkwọ mmọn ndị ahụn wẹ kpụ, tikpọpụ ihiẹn ndị hụ nwọnlẹni isi wẹ kọma imẹ Mẹmfisi alị Ijiptu. Eze arịkọzị Ijiptu, m k'e rọngbarị alị Ijiptu ile egun.

Izikẹlụ 30:16

M k'a mụ ọkụn ye Ijiptu; alị Pelusumu Ijiptu k'a rị imẹ afụnfụn a marịrị; Tẹbẹsi nkẹ sikọ nwan d'a dan; ndị iṅẹnrẹn k'a maye Mẹmfisi ebe eki rị elu.

Hosia 10:8

Wẹ k'e tikpọ ụlọ mmọn ile rị Avẹni — njọ ndị Izrẹlụ. Ogun-lẹ-ọkịnkan k'e rukpumẹ ukpo ile wẹ nọ a kwa ese! A hịma wẹ ugu, “Dodo, zuemẹ ẹnyi!” A rịọma wẹ elu-òke, “Dodo, dankwasị ẹnyi!”

Hosia 11:11

Wẹ k'a ghazịkwọ Ijiptu mahan kpa-kpa-kpa kẹ nnụnụ, ghazịkwọ Asiria mahan piripiri kẹ nduru; e wekinzi m wẹ che iwe wẹ rị ichẹn-ichẹn.” Mmẹ wụ Osolobuẹ ku.

Hosia 2:6

M k'e gi ogun kehunmẹ ẹ; m k'a gbahunmẹ ẹ ụgba ọ hụnkọzị ụzọ gha.’

Hosia 7:11

Ndị Ifrem nọ kẹ oluikuku nwọnlẹni uche rị e zuzuni: a kpọku alị Ijiptu, a gbakunrun alị Asiria!

Hosia 7:13

“Nsọngbu rị e che wẹ makẹni a kpapụgụọ wẹ ebe m rị! Wẹ tikpọ wẹ! Makẹni e nupụgụọ wẹ isi okpuru m! M te chọ nị m gbapụha we kanị e buokingụọ wẹ m ọnụ.

Hosia 7:16

Ẹnya rị wẹ ụzọ ile mmanị elu-igwee; wẹ nọ kẹ ụta rịlẹni mma; ọpịa-agha k'e gbu ndị-isi wẹ yeni mkpari ile rị wẹ ọnụ. “Wẹ k'e gi ihiẹnni mụ wẹ ẹmụ imẹ Ijiptu.

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Hosia 9:3

Ebikọzị wẹ alịnị wụ alị Osolobuẹ, Ifrem wụ Izrẹlụ k'e kinrịrị alị Ijiptu; wẹ k'e jẹnrịrị alị Asiria d'e gi ọnụ wẹ ri ihiẹn w'a sọ.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Zẹfanaya 1:11

Ụnụ ndị bi ibẹka afịa, gomẹ ni nwan, makẹni wẹ k'e gbuchanrịn ndị afịa! Ndị ile gi egho a chọ egho.

Samuẹlụ Nke Ibuzọ 13:6

Mgbe ndị Izrẹlụ gi hụn nị ọnọdị ndị nke wẹ a jọpụ njọ lẹni ihiẹn arịnịnị ndị agha wẹ nkẹ mma, wẹ nọ warịma imẹ okporo lẹ imẹ ọfịa lẹ ebe ọmụma hi-ogbe rịsọnmẹ lẹ imẹ olu lẹ imẹ ọmị;