Hosia 9:4 - Ika

⁴ Eyekọ wẹ Osolobuẹ oyiye manya; onwọnni ẹjan wẹ k'a sụọn'a. Wẹ chụn ẹjan, ọ nọ kẹ ihiẹn-oriri wẹ ri ebe wẹ nọ e mẹ izu; onyẹ ri ẹ, ọ rụ — wẹ k'e gi ọnụ ripụ ihiẹn-oriri wẹ; o rukọ ụlọ Osolobuẹ.

Hosia 9:4 ပူးပေါင်းရင်းမြစ်များ

Ọpụpụ 29:40

Ihiẹn wẹ e gi chụnye atụnrụn ibuzọ wụ ọka-witi wẹ gweriẹn hụn k'e jun mkpu-kọstadị nta ẹbụọ lẹ ofigbọn-olivu wẹ sụ asụ k'e jun mkpu-kọstadị nta ohu lẹ oyiye-manya k'e junzi mkpu-kọstadị nta ohu.

Ọpụpụ 40:23

o bu brẹdi hụ dọnmẹ elu ẹ, ihun Osolobuẹ, kẹ Osolobuẹ dọn gwa a.

Azaya 57:6

Ọmụma riẹnni hụn jun ọdanmgbugbu iyi udu-mirin kẹ ụnụ gi dọn ẹnya; uwẹ kẹ ụnụ hanrịn. Ẹghẹẹ, ụnụ hụ e huyeni wẹ oyiye-manya e ye wẹ oyiye-ọka. Nị m hụngụ ihiẹn ndịnị ile etikpọnị m ụnụ?

Azaya 66:3

Onyẹ hụn gi okẹn-efin chụnyeni m ẹjan hụzị e gbu ọchụn; onyẹ hụn a chụnyeni m ẹjan nwa-atụnrụn, hụzị a kpagi nkitẹ olu e ye mmọn; onyẹ hụn e ye m oyiye-ọka hụzị a chụnyeni mmọn ẹdeke ezin; onyẹ hụn a mụyeni m nsẹnsi hụzị a ja mmọn-lẹ-iyi mma. Hụn sụọnị wẹ kẹ wẹ e mẹ, arụ ile wẹ e mẹ a sụọgbu wẹ.

Jerimaya 16:7

Onwọnni onyẹ k'e buye ndị umẹ mẹ ihiẹn-oriri, ọsụọn'a ọnwụn nnẹ, ọsụọn'a ọnwụn nẹdi! Onwọnni onyẹ k'e wejẹnni wẹ manya n'o gi rọkọ wẹ obi, ọsụọn'a mkpu ohu sụọ.

Jerimaya 6:20

Kịnị kẹ m gi nsẹnsi ụnụ e mẹ — ọsụọn'a alị Shẹba kẹ ụnụ gha wẹhẹ? Kịnị kẹ m gi udẹn-ọma kalamusu ụnụ e mẹ — ọsụọn'a alị tegbu enwẹn ẹ kẹ ụnụ gha wẹhẹ ẹ? Ewekọ m anụ ụnụ gi a chụnnị m ẹjan w'a dụn ọkụn; ẹjan ụnụ ara sụọ m.”

Izikẹlụ 24:17

A sụnhụ udẹn, kanị ẹlẹ hụn w'a nụ; akwankwọlẹ onyẹni jẹnkọ d'a nwụnnị, afụpụlẹ isi i, agbụpụlẹ akpụkụ ị; ekpumẹlẹ ihun; erilẹ ihiẹn-oriri w'e buhẹni onyẹ umẹ mẹ.”

Izikẹlụ 24:22

Ụnụ nwẹn sikọ d'e mẹ kẹ m dọn nwan mẹ. Ụnụ ekpukinkọ ẹtu-ọnụ; ụnụ erikọ ihiẹn-oriri hụ ndị umẹ mẹ e ri.

Daniẹlụ 1:8

Kanị, Daniẹlụ nọ jụ n'o rikọ ihiẹn-oriri lẹ manya eze hụ, mẹrụ enwẹn ẹ; ya ọ nọ sị onyẹ-isi hụ ya dodo gụnpụ a, n'ọ chọnị n'o mẹrụ enwẹn ẹ.

Hosia 3:4

Ẹrịra kẹ ndị Izrẹlụ k'a nọbie — eze arịkọ, onyẹ-ndu arịkọ; ịchụn-ẹjan arịkọ, ihiẹn wẹ e zumẹni mmọn arịkọ; ẹfọdụ wẹ gi jụ Osolobuẹ ihiẹn arịkọ, nwa-mmọn arịkọ.

Hosia 7:16

Ẹnya rị wẹ ụzọ ile mmanị elu-igwee; wẹ nọ kẹ ụta rịlẹni mma; ọpịa-agha k'e gbu ndị-isi wẹ yeni mkpari ile rị wẹ ọnụ. “Wẹ k'e gi ihiẹnni mụ wẹ ẹmụ imẹ Ijiptu.

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Juwẹlụ 1:13

Ndị nchụn-ẹjan, yiri ni ẹkwa-achọ kwanma: ụnụ ile ndị ọrụn ukpo nchụn-ẹjan Osolobuẹ! D'e yiri ni ẹkwa-achọ chu ụran; ụnụ ndị a rụnnị Chuku m ọrụn! N'o nwọnzini ọka lẹ manya rịnị wẹ e gi chụn ẹjan imẹ Ụlọ-nsọ Chuku ụnụ.

Juwẹlụ 1:9

Ọka lẹ manya wẹ e gi chụn ẹjan imẹ Ụlọ-nsọ Osolobuẹ arịzịa; ndị nchụn-ẹjan a rụn ọrụn Osolobuẹ hụ a kwan.

Juwẹlụ 2:14

Onyẹ ma? Ikẹnkwọ o rohutọ, mẹ omikẹn, gọzidẹ ụnụ — ụnụ a hụn ọka lẹ manya ụnụ e gi ye Osolobuẹ wụ Chuku ụnụ oyiye.

Lẹvitikọsụ 17:11

Makẹni ndụn ihiẹn ọwụlẹ rị imẹ ẹdeke ẹ; e yegụọ m ụnụ ya nị ụnụ gi ẹ a chụn ẹjan ụnụ gi a gbarị isi elu-ukpo nchụn-ẹjan. Ẹdeke kẹ wẹ gi a gbarị isi ịhịan.

Lẹvitikọsụ 21:17

“Sị Ẹrọnụ: Agbọ ụnụ ile lalanị, onwọnni nwa ị ọwụlẹ ẹhụ zulẹni oke k'a nọzụhan d'e buye Chuku ẹ ihiẹn-oriri, ẹjan wẹ wẹhẹni Chuku ẹ.

Lẹvitikọsụ 21:21

Onwọnni nwa Ẹrọnụ onyẹ nchụn-ẹjan ẹhụ a zulẹni oke hụn k'a nọzụnhan d'e weye Osolobuẹ oyiye ndị hụ wẹ gi ọkụn e ye ẹ. Ẹhụ a ezuni oke, ya bịakwọlẹ d'e buye Chuku ẹ ihiẹn-oriri.

Lẹvitikọsụ 21:6

Wẹ k'a rịnị Osolobuẹ nsọ; wẹ ebudankwọlẹ ẹfan Osolobuẹ. Ebe o mẹ ni uwẹ a chụnyeni Osolobuẹ ẹjan ndị hụ wẹ gi ọkụn e ye ẹ, ihiẹn-oriri Osolobuẹ wẹ, wẹ k'a rị nsọ.

Lẹvitikọsụ 21:8

Weri ni wẹ kẹ ndị rị nsọ, makẹni uwẹ nwọn e bu ihiẹn-oriri Chuku ụnụ e ye ẹ. Weri ni wẹ kẹ ndị rị nsọ, makẹni Mmẹ hụn wụ Osolobuẹ, m rị nsọ — mmẹ hụn mẹ ụnụ a rị nsọ.

Emọsụ 5:22

Ọsụọn'a nị ụnụ a chụnyesọnmẹni m ẹjan w'a dụn ọkụn lẹ oyiye ọka, anarịnkọ m'a; efeyekọdẹ m ẹnya anụ ndị ahụn wẹ zụntọ ụnụ gi a chụnyeni m ẹjan-ekele.

Malakaị 2:13

Eje-ihiẹn ọzọ ụnụ e mẹ wụ nị ụnụ a kwan ẹnya-mirin e kpu ukpo nchụn-ẹjan Osolobuẹ, a kwan ụya, nị a ra narịnzị oyiye ụnụ, nị ihiẹn ụnụ wẹhẹ arịzị a sụọ a.

Ọgụngụn 19:11

“Onyẹ ozun ịhịan mẹtụ k'a rụ ọrọgbọ akpọhịn ẹsa.

Ọgụngụn 28:2

“Ye ndị Izrẹlụ iwuni, ‘Hụnn'a nị ụnụ e wẹhẹsọnmẹni m ihiẹn-oriri m w'e gi ọkụn e ye m hụn ishin ẹ a sụọ m, hụn ọwụlẹ lẹ ogẹn wẹ tumẹn'ẹ.’

Ọgụngụn 4:7

“E gi wẹ ẹkwa bru gbama elu teburu hụ w'e butọnị m brẹdi, bu mmụ-afẹrẹ lẹ ugbẹgbẹ-nta lẹ ugbẹgbẹ-uku ndị rị ebẹhụ che elu ẹ, wẹ lẹ afẹrẹ lẹ mkpu ndị wẹ gi e huye manya oyiye-manya; brẹdi hụ a rị elu teburu hụ ogẹn ile k'a rịsọnmẹ ọnọdị a elu teburu hụ.

Jọnụ 6:51

Mmẹ wụ brẹdi hụ rị ndụn hụn gha elu-igwee bịa. Onyẹ hụn ri brẹdini jẹnkọ d'a rị ndụn jẹnrin ejẹn. Ẹhụ m wụ brẹdi hụ m jẹnkọ d'e ye kẹni ndị rị ụwa rị ndụn.”

Ditrọnọmi 26:14

Emẹrụnị m ụzọ-ohu-imẹ-ụzọ-irini rị nsọ: erini m hụn ọwụlẹ rịn'a ogẹn m gi rị achọ mọbụ wepụha hụn ọwụlẹ ogẹn m gilẹni rị ọchan mọbụ we hụn ọwụlẹ kwanị ndị nwụnnị. E humẹgụọnị m Osolobuẹ wụ Chuku m isi; e mẹgụọ m ihiẹn ile ị sị m mẹ.