Hosia 9:3 - Ika

³ Ebikọzị wẹ alịnị wụ alị Osolobuẹ, Ifrem wụ Izrẹlụ k'e kinrịrị alị Ijiptu; wẹ k'e jẹnrịrị alị Asiria d'e gi ọnụ wẹ ri ihiẹn w'a sọ.

Hosia 9:3 ပူးပေါင်းရင်းမြစ်များ

Ndị-nze Nke Ibuzọ 9:7

ya wụ nị m k'e wepụ ndị Izrẹlụ imẹ alị m ye wẹ, a jụ m Ụlọ-nsọnị m dọngụ nsọ m gi e ye Ẹfan m ọghọ. Ogẹn ahụn, Izrẹlụ e họnrin eje-ihiẹn wẹ gi e lu ilu lẹ ihiẹn-ẹmụ ebe ndị alị ndị ọzọ rị.

Ndị-nze Nke Ẹbụọ 17:6

Hụn mẹ ẹ ahụa itenẹi Hoshia kịma, eze Asiria nọ saẹka mẹri Sameria, ọ ban a ẹka; ọ nọ kpụnrụn ndị Izrẹlụ Ẹbamịn ugu shi Asiria. Ọ nọ mẹ wẹ birisọnmẹ imẹ Hala lẹ Gozanị rị ẹhụ Iyi Habọ lẹzi obodo ndị ọzọ rị alị ndị Mẹdịa.

Jerimaya 16:18

“M jẹnkọ d'e ye wẹ afụnfụn njọ lẹ eje-ihiẹn wẹ mẹ, ye wẹ ya ụzọ ẹbụọ, makẹni e gigụọ wẹ eje-ihiẹn ndị ahụn wẹ kpụtọsọnmẹ mẹrụ alị m, ihiẹn ndị ahụn rụnị rịlẹni ndụn hụn wẹ rị e fe.”

Jerimaya 2:7

Mmẹ wẹhẹ ụnụ alị e mẹ ihiẹn ọda-ọda, kẹni ụnụ ri mkpụrụ a lẹ ihiẹn rị mma o mẹ. Kanị ụnụ a banhan alị m nwẹn, mẹrụ a, mẹ ukuu m họnrin ihiẹn rụnị.

Ẹkwan 5:6

Ẹnyi e bugụọ enwẹn ẹnyi che okpuru alị Ijiptu lẹ alị Asiria kẹni ẹnyi a hụndẹ ihiẹn ẹnyi e ri.

Izikẹlụ 4:13

Osolobuẹ nọzị sị, “Ẹrịra kẹ ndị Izrẹlụ k'a dọn ri ihiẹn-oriri rụnị imẹ alị ndị hụ m chụshikọ wẹ.”

Daniẹlụ 1:8

Kanị, Daniẹlụ nọ jụ n'o rikọ ihiẹn-oriri lẹ manya eze hụ, mẹrụ enwẹn ẹ; ya ọ nọ sị onyẹ-isi hụ ya dodo gụnpụ a, n'ọ chọnị n'o mẹrụ enwẹn ẹ.

Hosia 11:11

Wẹ k'a ghazịkwọ Ijiptu mahan kpa-kpa-kpa kẹ nnụnụ, ghazịkwọ Asiria mahan piripiri kẹ nduru; e wekinzi m wẹ che iwe wẹ rị ichẹn-ichẹn.” Mmẹ wụ Osolobuẹ ku.

Hosia 11:5

Wẹ lakin alị Ijiptu; ndị Asiria k'a kị wẹ hụnnị wẹ jụ n'e hutọkọ wẹ kweyeni m.

Hosia 7:11

Ndị Ifrem nọ kẹ oluikuku nwọnlẹni uche rị e zuzuni: a kpọku alị Ijiptu, a gbakunrun alị Asiria!

Hosia 7:16

Ẹnya rị wẹ ụzọ ile mmanị elu-igwee; wẹ nọ kẹ ụta rịlẹni mma; ọpịa-agha k'e gbu ndị-isi wẹ yeni mkpari ile rị wẹ ọnụ. “Wẹ k'e gi ihiẹnni mụ wẹ ẹmụ imẹ Ijiptu.

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Hosia 9:6

Ọnwụn kẹ wẹ gbakọnị kanị ndị Ijiptu k'e kpọnrin wẹ gbu; ndị Mẹmfisi alị Ijiptu k'e li wẹ! Ogun k'e rukpumẹ siliva ile wẹ kpọntọ, ọkịnkan e rukpumẹ ụlọ ndị wẹ k'a latọ.

Lẹvitikọsụ 18:28

Ụnụ mẹrụ alị hụ, o k'a gbọpụzịkwọ ụnụ k'o dọn gbọpụ ndị bu ụnụ ụzọ bi ẹ.

Lẹvitikọsụ 20:22

E mẹ ni ihiẹn ile m ku, e dọnmẹ iwu m ile, e gi wẹ e bi makẹ alị hụ m wekọ ụnụ gha a gbọpụ ọnụ kẹ ịhịan dọn a gbọpụ ihiẹn.

Lẹvitikọsụ 25:23

“Erelẹ ni alị rechanrịn, makẹni mmẹ nwọn alị hụ: abịamabịa lẹ ndị wẹ yehụ alị biri kẹ ụnụ wụhụ.

Emọsụ 7:17

Ufiri ihiẹnni i ku, Osolobuẹ sị: Nwunyẹ i k'e họnrin ịgbaraja imẹ obodoni! Wẹ k'e gi ọpịa-agha gbu ụmụ i — kẹ ikẹnnyẹ kẹ ikpoho! Ndị ọzọ k'a kpachanpụ ẹnya keri alị ị — a ma a, e kebe; ịyụ lẹ enwẹn i wụ Amazia k'a nwụntọ alị ọzọ rụnị; wẹ k'e wepụrịrị ndị alịnị, ndị Izrẹlụ Ẹbamịn-ugu, alị wẹ, we wẹ shi alị ọzọ.’ ”

Maịka 2:10

Lihi ni! Pụ nị; nị ẹlẹ ebeni kẹ ẹhụ ahụn a nọ fuzi ụnụ, makẹni ụnụ e mẹrụọlẹ ebeni hụn wẹ jẹnkọ d'e gi tikpọ a eje ntikpọ;

Ọrụn Ndị-ozi 10:14

Kanị Pita nọ za, sị, “Mba-o, Di-nwọnni-ẹnyi! Erituni m ihiẹn rụnị mọbụ ihiẹn ẹnyi a sọ.”

Ditrọnọmi 28:63

Kẹ o dọn sụọ Osolobuẹ ụsụọ mẹ ụnụ gha ihun, ba ụba, ẹrịra k'o k'a sụọzị a wiwi ụnụ ihiẹn, tikpọ ụnụ. O k'e huepụ ụnụ alịnị ụnụ banyekọ nwan d'e weri.

Ditrọnọmi 28:68

Ogẹn ahụn, Osolobuẹ k'e gi ụgbọ-mirin zikin ụnụ alị Ijiptu, ụnụ a banzị ụzọ-ijẹn hụn m te sị onwọnzini mgbe ụnụ e gi jẹn ẹ, ụnụ a nọ ebẹhụ e we enwẹn ụnụ e ye ndị iṅẹnrẹn ụnụ ṅọnrin gi ụnụ họnrin igbọn, kanị onwọnni onyẹ k'e kwe ṅọnrin ụnụ.

Ditrọnọmi 4:26

m rị nwan a kpọ elu-igwee lẹ ụwa nị wẹ shịagbu ụnụ ẹri tannị, nị ụnụ mẹ ẹ, wẹ k'e kpọnchanpụkẹnrin ụnụ alị ahụn ụnụ fetukọ Iyi Jọdanị d'e weri. Ụnụ ebibiekọ ebahụn kaka; wẹ k'e gbuchanrịn ụnụ kọkọrọkọ.

Joshụa 23:15

“Kanị, kẹ nkwa-ọma ile Osolobuẹ wụ Chuku ụnụ kwe ụnụ dọn mẹzuchanrịn, ẹrịra kẹ Osolobuẹ k'a dọn wẹhẹni tan ụnụ eje-ihiẹn ile o ku oku ẹ, d'e ru n'o gbupụchanrịn ụnụ imẹ alị-ọmanị o ye ụnụ.