Hosia 9:15 - Ika

¹⁵ “Osolobuẹ sị: Imẹ Gil'galụ kẹ njọ ile wẹ rị e mẹ bidọn; ebẹhụ kẹ ize wẹ gha zemẹ m. M k'e ufiri eje-ihiẹn wẹ rị e mẹ chụpụ wẹ Iwe m. Enwọnkọzị m ihiẹn-ọsụsụọ wẹ; ndị nnupụ-isi kẹ ndị-isi wẹ ile wụ.

Hosia 9:15 ပူးပေါင်းရင်းမြစ်များ

Ẹbụ-ọma 78:60

Ọ nọ latọ Ọdụ-ofufe ẹ rị Shilo, Ọdụ ahụn o tumẹ imẹ igunrun ịhịan.

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Jerimaya 11:15

Elee hụn Izrẹlụ m bu obi rịdẹ nwan imẹ ụlọ-nsọ m e mẹ hụnnị wẹ rị e mẹ eje-ihiẹnni ile? N'i gi anụ lẹ ịchụn ẹjan chụnpụ afụnfụn-njọ ị — bụ ị hụ e mẹ eje-ihiẹn y'e mẹ, a ghọghọ?”

Jerimaya 12:8

Onyẹ wụchanrịn nke m e bugụọ nụmanị m lekẹ ẹwọrọ rị imẹ ẹgboko. Ọ hụ a gan m; ihiẹn ẹ asụọzịnị m.

Jerimaya 15:1

Osolobuẹ nọ sị m: “Ọsụọn'a nị Mozizi lẹ Samuẹlụ turu ihun m a rịọ m, omikẹn ndịnị emẹkọ m. Sị wẹ gha m ihun pụ! Wẹ jẹnmẹ!

Jerimaya 3:8

E yeghọ m Izrẹlụ Ẹbamịn-ugu danpụgụnị ẹkụkwọ-mpechan, chụpụ a — makẹ ughẹrẹ ẹ, ife mmọn ichẹn-ichẹn. M nọ hụn a nị egun atụnị Juda nwẹnẹ ẹ hụn ẹnya rịlẹni ụzọ ohu, ọ pụ ogbe d'a ghẹrẹmazị ughẹrẹ ife mmọn ichẹn-ichẹn.

Jerimaya 5:5

M k'e jẹnburu nwan ndị-isi, d'a gwa wẹ oku; makẹni a marịnghọ wẹ kẹ Osolobuẹ e mẹ, a marịnghọ wẹ ihiẹn Chuku wẹ chọ.” Kanị ndị-isi ile gbegbegbe a jụgụọ nị Osolobuẹ akịkọ wẹ, a jụgụọ wẹ iwu ẹ.

Izikẹlụ 22:27

“Ndị-isi rịn'a rịsọnmẹ kẹ eje-anụ wofu ndị rị a dọwa anụ wẹ gbu: wẹ hụ e gbu ịhịan a la iwi kẹni wẹ ri ihiẹn rulẹni wẹ.

Izikẹlụ 23:18

Ọ gba ịgbaraja hụ ọda-ọda, ghọsị ọtọ a, m nọ gi iwe jụ a kẹ m dọn jụ nwẹnẹ ẹ.

Hosia 1:6

Omẹgụ, Goma nọ tụrụzị imẹ, mụ okpoho. Osolobuẹ nọ sị Hosia, “Gụn a ‘Lo-Ruhama’ hụn wụ ‘Omikẹn-arịa,’ makẹni ẹlẹ m k'e mẹzi omikẹn ndị Izrẹlụ Ẹbamịn-ugu gbagharị wẹ.

Hosia 1:9

Osolobuẹ nọ sị Hosia, “Gụn a ‘Lo-Ami’ hụn wụ ‘Ẹlẹ wẹ ndị nke m.’ Makẹni, ndị Izrẹlụ ẹlẹ nke m, mmẹ nwẹn ẹlẹ nke wẹ.

Hosia 12:11

O mẹ nwan nị njọ rị a kpọ imẹ Gilẹdị; ndị Gilẹdị a lagụọ iwi; imẹ Gil'galụ zị wẹ rị e gi okẹn-efin a chụnyeni mmọn ẹjan — m k'a kụtuzịkwọ ukpo nchụn-ẹjan ndị ahụn, a nọsọnmẹ wẹ kẹ ikpọn ọmụma rị ugbo wẹ rụn nke ọhụn.”

Hosia 12:2

Osolobuẹ sị Juda e mẹgụọ eje-ihiẹn; o jẹnkọ d'e ye wẹ wụ ụmụ Jekọpụ afụnfụn eje-obibi wẹ, kụ wẹ ụgwọ ihiẹn wẹ mẹ.

Hosia 3:4

Ẹrịra kẹ ndị Izrẹlụ k'a nọbie — eze arịkọ, onyẹ-ndu arịkọ; ịchụn-ẹjan arịkọ, ihiẹn wẹ e zumẹni mmọn arịkọ; ẹfọdụ wẹ gi jụ Osolobuẹ ihiẹn arịkọ, nwa-mmọn arịkọ.

Hosia 4:15

“Ọsụọn'a ndị Izrẹlụ Ẹbamịn-ugu rị a gbasọn mmọn, Juda emẹkwọlẹ ni njọ hụ! Esọnjẹnkwọlẹ ni wẹ Gil'galụ; esọnjẹnkwọlẹ ni wẹ eje-ofufe imẹ ‘Bẹt-Avẹni’. Esọnkwọlẹ ni wẹ kun ẹfan m hụn wẹ rị e kun okunkun nwọnlẹni isi.

Hosia 4:9

Ihiẹn m k'e mẹ ndịnị kẹ m k'e mẹ ndị nchụn-ẹjan wẹ! M k'e ye wẹ ile afụnfụn eje-obibi ụnụ, kụ wẹ ụgwọ eje-ihiẹn wẹ mẹ.

Hosia 7:2

“Egini wẹ dọn ni m k'a nyanhan njọ wẹ ile. Njọ wẹ e fihunmẹgụọ wẹ nwan; a hụnchanrịngụọ m'a.

Hosia 9:17

Chuku m sikọ d'a jụ wẹ tọ makẹni egọnni w'ẹ ntịn. Wẹ k'a gha a wahunmẹ imẹ alị ndị ọzọ.

Hosia 9:3

Ebikọzị wẹ alịnị wụ alị Osolobuẹ, Ifrem wụ Izrẹlụ k'e kinrịrị alị Ijiptu; wẹ k'e jẹnrịrị alị Asiria d'e gi ọnụ wẹ ri ihiẹn w'a sọ.

Lẹvitikọsụ 26:30

M k'e tikpọ ụlọ-mmọn ndị ahụn ụnụ rụn, tikpọ ukpo ndị hụ ụnụ nọ a mụnị mmọn nsẹnsi, kpọn ozun ụnụ ye elu mmọn ndị hụ rịlẹni ndụn ụnụ e fe; ize ụnụ k'a gha e ze m.

Emọsụ 4:4

“A bịakwọ nị Bẹtẹlụ d'e mẹ njọ; a bịakwọ nị Gil'galụ d'e mẹwaye njọ hụ! E wẹhẹ ni ẹjan d'a chụn ụtụntụn ile! A kụkwọ nị ụzọ-ohu-imẹ-ụzọ-iri ụnụ, a kụ n'a akpọhịn ẹtọ-ẹtọ.

Emọsụ 5:27

e gi m ufiri ẹ dupụ ụnụ alị ụnụ, we ụnụ fetu Damaskọsụ, shi alị ọzọ.” Osolobuẹ hụn ẹfan a wụ Chuku ihiẹn ile rị okpuru ẹ e kugụọ a.

Emọsụ 5:5

Agbajẹnzilẹ ni Bẹtẹlụ; abanyezilẹ ni Gil'galụ; efezilẹ ni mgbọn e shi Biẹshẹba. Makẹni, wẹ k'e mẹri Gil'galụ; wẹ k'a kpụnrịrị ndị Gil'galụ shi alị ọzọ; Bẹtẹlụ awụkọzị ihiẹn ọwụlẹ.”

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Maịka 6:5

Heuu, ndị nke m! Nyanhankwọ nị eje ihiẹn Balakị eze Mụabụ te romẹni ụnụ lẹ ihiẹn Balaam nwa Bioru za a. Nyanhanzị nị ihiẹn mẹ ẹgbata alị Shitim lẹ alị Gil'galụ! Gi n'ẹ marịn ihiẹn ile rị mma Osolobuẹ mẹni ụnụ.”

Zẹfanaya 3:3

Ndị-isi rịn'a nọhụ kẹ ẹwọrọ rị e dẹnni; ndị a hannị wẹ eṅẹn nọhụ kẹ eje-anụ e ri anụ, hụn ghalẹni a nị eki e fọnkunrun ihiẹn o gbu.

Zẹkaraya 11:8

Imẹ ifọn ohu, a zapụ m madụ ẹtọ hụn rị e duni wẹ, makẹni asazịnị m ẹka din wẹ lẹzi makẹni ihiẹn m asụọnị wẹ.

Ọrụn Ndị-ozi 4:27

Ezioku-ezioku, Hẹrọdụ lẹ Pọntius Paịleti lẹ ndị alị ndị ọzọ lẹ ndị Izrẹlụ e zughọ imẹ obodoni, bunụmanị odibo-nsọ ị wụ Jizọsị hụn ị tumẹ.

Ọrụn Ndị-ozi 5:21

A nụ wẹ ihiẹnni, eki e fọnhụ, wẹ nọ banye Ụlọ-nsọ d'a kuzimẹ. Ogẹnni, onyẹ-isi nchụn-ẹjan nkẹ lẹ ndị ya lẹ wẹ wị a bịagụọ, kpọ Ọgwa Sahẹdrini, Ndị-isi Nkịkwama alị Izrẹlụ. Ya wẹ nọ zi ịhịan ụlọ-ngan d'e wẹhẹ Ndị-ozi hụ pụ-ichẹn.

Joshụa 10:43

Ya Joshụa lẹ ndị Izrẹlụ ile ya lẹ wẹ wị nọ kinhẹnzi ebẹhụ wẹ ziẹntọ imẹ Gil'galụ.

Samuẹlụ Nke Ibuzọ 7:16

Ahụa-ahụa, ọ gha Bẹtẹlụ e jẹn Gil'galụ, a gha Gil'galụ e jẹn Mizpa, a han nị Izrẹlụ eṅẹn imẹ obodo ndị hụ.